عوضُ بعد إجحاف

الجـزء الثاني /البارت الثالث والعشرون/

يا سـاكناً بين الرمشين ، يا غافياً في قلبي للأبد 💙🦋.

#فصلية مؤقته
_____________________________
سـما: راح عبد الرحمن واني اخذت الجهال للغرفة ورجعت للأستقبال اباوع مسلسل بعدين رحت للمطبخ حتى اسوي اكل لان جوعانه فأجه على بالي الكيك فكعدت اسوي كيك وكملت نظفت المطبخ بين ما استوت وسويت الكريمه وكملتها وخليتها بالثلاجه وهم كعدت ضايجه ماعرف شسوي ما جاني نوم عبد الرحمن هم ماكو والله بقيت بمكاني ومحسيت بنفسي لمن نمت

"" "" "" "" "" "" "" "" "" "" "" "" "" "" "" "" "" "" "" "" "" "" ""
عبد الرحمن: وصلت سما ورجعت لكيت بيت عمي بعدهم وينتظروني اول مدخلت بدت النقاشات شون تزوج بدون لندري وهذا هم تعتبرو زواج عاد كتلهم على سالفة وسام وسعد بس ماحجيت على قضية اهلها والله بقينه بالساعة نتناقش حسيت راسي رح ينفجر والله انسد الموضوع  وتعال الا تزوج بنت عمك كتلهم عمي بنت عمي الله يوفقها وسدو الموضوع مابي نقاش اني هسة عندي شغل وتعبان وزواج ما اتزوج وطلعت مرجعت للبيت رحت كملت الشغل العندي لان اليوم مسويت شي بقيت بالساعتين وبعدين فتحت موبايلي وفتحت الحظر عن ارقام اهل سما ودزيت رسالة لأبوها كتلو السلام عليكم اني كتلكم لتسون شي من وراية وكتلكم مستعد اساعدكم بكلشي وماخلي احد ياخذ الجهال بس مسمعتو كلامي واستصغرتو بيه وعبالكم تكدرون تسوون شي من ورايه وتغدروني بس بالنهاية انت الي انغدرت وبنتك هسة مرتي ويمي وحبيت انطيك خبر للن ماحلو نبقى مزوجين ومتعرف يلا مع السلامه.

كملت الرسالة ودزيتها وطفيت الموبايل مالي خلك نقاشات رجعت للبيت لكيت سما نايمه بالاستقبال استغفرالله مو كتلها لا تنتظرين بس منظرها يجنن وهي نايمه اجيت كعدت يمها اباوع على تفاصيلها وشون نايمه بهدوء ضعت واني اباوعلها فتقربت منها بست راسها وشميت شعرها بعدين تعوذت الشيطان لان مراح اسيطر على نفسي اخاف اسوي شي واني منطيها وعد انو ما اتقربلها فكعدتها مرة مرتين وكعدت بس شنو مشبعانه نوم راحت لغرفتها وهي كل شوية تريد توكع فأخذتها اني ونومتها وغطيتها وطلعت جوعان ورحت فتحت الثلاجه لكيت كيك هاي شنو هم تعرف تسوي كيك معبالي فسبحت ولبست تراكسود اسود وكعدت اكلت وكملت ورجعت حتى انام لان جنت تعبان بس سمعت صوت راما تبجي فرحت للغرفة كعدت سما متكعد فأخذتها وسويتلها حليب وكعدت اشربها واني ع التخت لحد شو هاي اكلت ومناوية تنام تريد لعب فكعدت اللاعبها ومتت يالله نامت فأخذتها خليتها يمي ونمت صارت هي بالنص وسما من جهه واني من جهه.

"" "" "" "" "" "" "" "" "" "" "" "" "" "" "" "" "" "" "" "" "" "" "" "" "
سـما: ڪعدت الصبح على صوت ريان لكيت راما يمي وعبد الرحمن هاي شنو عبد الرحمن شجابه محجيت شي وغلست لان شنو اكلو باوعت للساعة بال6 ونص فأخت ريان وياية اكلتو وخليته بالحجلـه يلعب واني غسلت وبدلت ونسيت ملبست شال اني عندي مشكله ويا الشال ماكدر اللبسو بكل وقت وانسى نفسي اذا لابستو او لا واني من يوم الجيت كله كدام عبد الرحمن لابسه شالي بس البارحه بالليل فنسيت ملبستو وشعري مفتوح وناسيته وصارت سبعة وربع كعدت اسوي ريوك كملت وريان كاعد يلعب ورحت لكيت عبد الرحمن بعدو نايم عزة عندو شغل فصحت عبد الرحمن عبد الرحمن اكعد عندك شغل ميكعد اضطريت اللمسو حتى يكعد واني جاي اكعدو مسك ايدي وفتح عيونه على كيف وكلي ها سما شتريدين كتلو جيت اكعدك الساعة رح تصير سبعة ونص وانت بعدك نايم وعندك شغل