عوضُ بعد إجحاف

الجزء الثاني(البارت الرابع)

إلى أحدهم :
أحتاجك !!
اعنيها بـِ صدق ، وَ ابكيها بـِ صمت ، أحتملها بـ وجع ، وَ أخفيها بكبرياء..
_____________________________
سمـا: طلعت من يم ماما ورحت للحديقة لكيت سحر كاعدة على المرجوحـه ومصطفى وسمر يلعبون على صفحة فـ رحت حضنتها من ورى وبستها وجان تعيط وتصد وتحضني وتبجي يعمري شكد مشتاقتلها و بجيت وياها وعلت اصوات البجي مالاتنا الا اجتي ماما وسكتتنا وبعدين كعدنا نحجي واجتي ماما كعدت ويانه كعدت وياهم وبقينه نحجي وبعدها اجه صوفي

مصطفى: سما تعالي لعبي ويانه

سما: ياعيون سما اجيت

سحر: صوفي حبيبي لتكول سما عيب كول عمه

سما: دقيقة دقيقة هاي منو تحجي بله متوخرين من يمي معليك حبيبي احجي براحتك لج اني عمه بسيطة سحورة

سحر: هههههه شجاج تخبلتي على اساس اخلي يحترمج بس انتي مو وجه احترام

سما: ولي والله ماحب يصيحلي عمه اتخيل نفسي كلش كبيرة

سحر: هاللة هاللة

سما: وجع
.. يلا صوفي امشي نلعب كعدنا نلعب بالحديقة سوى و بعدها اجوي بابا واحمد بقينه لليل بالحديقة وبعدين بابا كال تحضرو اخذكم تتعشون بره ونروح للمول حتى نونس سما اهلي كلهم وافقوا واني كلش فرحت رحت بوست بابا وكتلو شكرا بابا حبيبي

بابا: ليش تتشكرين يعمري ترى ما اقبلها غير انتي بنتي ولا نسيتي يلا روحي تحضري

سما: حبيبي بابا الله لا يحرمني منك رايحه

بابا: ولا منج يرويحت ابوج

سما: صعدت لغرفتي وفتحت موبايلي ولا رسالة منو كنت متأمله باعث رسالة شي وهسة شون اكلو اريد اروح ولا لا معرفت شنو اسوي فنزلت على ماما و كلتلها

ماما: حبيبتي هو مانعج تطلعين ويانه

سما: مو مانعني بس لازم اكوله لان ميقبل اطلع وهو ميعرف

ماما: لعد يا ماما راسلي وكليلو حروح مابيها شي

سما: شنو مابيها شي وكرامتي تدرين هو لحد هسة مدز ولا رسالة ولا حجه شي ولا سأل عني رغم كل الي سواه

ماما: يابنتي اعذري هذولي النوعية من الرجاجيل يعني الشيوخ وكذا يختلفون عن الرياجيل الي تعرفيهم مثلا لو ابوج بس يرجع للبيت صح رح يعصب وكذا بس ينسى لان ضرب واحنا كلشي ولا الضرب اما الي مثل علي لا ماما هذولي كلشي ولا تتجاوزين حدودج او كذا وهسة يعتبر نفسو مو غلطان من ضربج صح انتي عيطتي بس ميصير يضربج واني لو غير واحد يعني من بيئتنا ومثل تفكيرنه جان سويت ويا مشكله او تفاهمت ويا لان كلشي ولا الضرب اما علي فهذا مراح يغلط نفسو واني ماكدر احجي شي لهذا يابنتي منعناج من الزواج منه بس بعد صارت اني مو قصدي اللـومج لا كلشي ولا الملامه بس يلا شنسوي روحي تحضري وقبل لتطلعين اكتبيلو رسالة امي رايحه اتعشه بره مع اهلي وبس وسدي النت حتى ميمنعج متروحين ماشي عمري