عندما وجدتك علمت أن هذا هُو الحب الحقيقي 💛
_____________________________
________♡________♡________
سما: بقيت نايمه لحد محسيت اكو شي جاي يمشي على وجهـي فتحت عيوني وطلعت هاي ايد علي وكان وجهو قريب مني بهاي اللحظه ماعرفت شنو اسوي كمية الاشتياق والعتب الي عندي ماتنوصف فهو من شافني كعدت رأسا اخذني لحضنو وهنا لساني احسو ميتحرك اريد احجي ماكدر ولا اكدر ابعدو عني لان بصراحه مشتاقتلو لدرجة مو طبيعية بس دموعي نزلت وما كانت تتوقف ابد وهو حس بيها وبعدني عن حضنو وباس راسي وكال
علي: كافي ياروحي شنو هالدموع مو مردتي كلبي كافي حبيبي هياني يمج
سما: على اساس يهموك دموعي ها لو يهموك شوي بس مجان هجرتني شهر كامل بدون لا سؤال ولا كلمة طمن صرت اسأل الناس عنك ولا كأني مرتك وعلى اساس حبيبتك وينو حبك الي ولا لهذاك اليوم الي ضربتني واذيتني بي ونسيت كلشي من بعدو والله بس ردت رسالة منك تخلي زعلي يروح طفي نار كلبي ليش هيج قاسي مرايدة منك شي ياخذ من وقتك هواي رسالة وحده والله رسالة متخسرك شي
علي: اش حبيبي كافي اعرف غلطان بس والله مشغول كافي عمري تعرفين دموعج تأذيني
سما: مشغول هسة صار الشغل اهم مني
علي: عمري انتي كافي والله تعبان تعالي لحضني مشتاقلج وداعتج انسيج الي صار وتعرفين مو علي الي يقسى على بنيتو وحبيبتو الا بسبب قوي فيا روحي انتي محتاجج بهاي الفترة كلش والله
سما:... مكدرت احجي شي لان من صدك شفت بعيونو تعب وحتى صوتو متغير واني متأكدة مكان بغداد بسبب الشغل بس من اشوفو تحسن افتح الموضوع ويا لهذا رحت لحضنو ونمت واخيرا اجتني الراحه بعد شهر كامل.
كعدت الصبح لكيت علي نايم يمي استغربت هو يكعد من الصبح والساعة 10 ونص فكمت حتى اخلي ينام لان صدوك تعبان نزلت لكيتهم جاي يسوون الغدة والشغل مكملينو وهنا صار تسميع الكلام حاولت ابلع قدر المستطاع و بالوقت الي وصلت للأنفجار لان من صدك ينرفز كلامهن صاحتني خالة ام علي ورحت عليها هاي خالة صحتيني
ام علي: هلا بنيتي تعالي اعرفهن مراح يتركنج الا يسمعنج كلام وعرفت رح تصير عركه بس الاريدو منج يا بنيتي تتحمليهن فترة لان الشيخ ملاحظة عليه التعب هاي الفترة لهذا اريدو يرتاح واذا ضليتن بهاي المشاكل يصير بي شي لا سامح الله لهذا الخاطري واذا كنتي تحبين الشيخ رح تتحملين ومتجاوبين احد وعد مني اذا شفتج حبابة ومتسوين مشاكل اني اردهن واخليهن يتوبن يحجم وياج ماشي بنيتي
سما: ماشي خالة والله اني صح ماكدر الهن بس ماكدر ابقى ساكته لان يقهروني بس والله الخاطرج وهم لان الشيخ تعبان مراح احجي شي و اتحمل
ام علي: عفية بنتي روحي سوي اكل واخذي لغرفتج حتى الشيخ ياكل هم واذا بقيتي هنا رح يصير سم
سما: من عيوني رايحه تسلمين خالة
ام علي: بعد خالتج اني روحي وما عليج اني بظهرج يبنيتي وان شاءالله ما خليهن يضايقنج
أنت تقرأ
عوضُ بعد إجحاف
Tiểu Thuyết Chung_ لا يأخذ الله منك شيئًا ثم يَدعُك بلا عِوض.. وعِوض الله إذا حَّل أنساك ما فقدت .. يأتي بصورة عظيمة ،وفيرة وغامِرة بشكل لا يُتوقع..
