°•°
عٌَوٌض آلَلَهّ بًَعٌدٍ آلَتٌَعٌبً عٌَظُيَِمً جّدٍآً لَآ تٌيَأسِ .
#فصلية_مؤقتة
#للكاتبة_ملاك
_____________________________
سمـا: بجيت ونهاريت بعد كلام بابا فدخل عبد الرحمن انصدم من شكلي واجه يركض يمي واني ابجي بصوت عالي
عبد الرحمن:اسم الله سما شبيج منو حجه وياج شصاير امج خوما بيها شي
سما: بابا عبد الرحمن بابا بعد ميريدني يكول تبريت منج ولك هذا الغالي شون يتبرى مني عزوتي وسندي بعد ميريدني هىء هىء
عبد الرحمن: اش حياتي سماوة على كيفج بنفسج هسة يكعدون الجهال لتخافين والله ابوج فترة ويرضى واني اخذج الو بأيدي واخلي يراضيج
سما: لا والله ميريدني يكول تبريت منج
ميسامحني بعد
عبد الرحمن:اش حبيبي اعتبري وعـد مني اذا ما اصالحج انتي وابوج اني مو رجال وبوقتها كولي ما وفيت بوعدك الي وما صالحتني بس اريدج قوية وتحاولين تصالحين ابوج
سما:،،،،بقى عبد الرحمن يحجي وياية ويصبرني ويشاقيني واني اسكت ثواني وارجع ابجي فخلاني بحضنه وبقينه للفجر كالعادة بس هالمره هو مخليني بحضنه ويحجي وياية ويطمني وحتى كلي اني ابوج شسالفة عادي ميسامحج عاد ابجي ويرجع يكول اتشاقة والرب يسامحج ما عليج كلش طمني والله نمنة الفجر وكعدت بال10 ونص لكيت الجهال نايمين والحجيه وعبد الرحمن ماكو شفت عيوني وارمه من البجي رحت كملت البيت تنظيف وسويت غدة وكعدو الجهال سبحتهم ووكلتهم وكعدنه ننتظر عبد الرحمن اجه للبيت استقبلتو واني شايلة ريان اخذو مني وباس راسي وكلي شون صرتي كتلو تمام الحمدالله بفضل الله وفضلك ولو تعبتك البارحه
عبد الرحمن: شسالفة تعبج راحه، مسوية غدة مو
سما: اكيد مسوية
عبد الرحمن: يابه لتضوجين مو قصدي شي بس عبالي كعدتي متأخر وملحكتي
سما: اها لا لحكت انت هسة اسبح وبدل واخذ الجهال واني اصب الغدة
عبد الرحمن: ماشي
سما:،، عشنه حياة طبيعية كلش يعني اني بالبيت بين الشغل والجهال وعبد الرحمن بالشغل واذا رجع للبيت متأخر ينام يمنه بالغرفة واذا اجه من وكت يروح للغرفة الثانيه مرت شهرين والوضع تمام ونفس الروتين بس. عبد الرحمن صار اسبوع من اتحول يمنه بالغرفة تماما ونقلت اغراضة وبهذولي الشهرين الحجيه اجتي مرتين علينه بقت يومين ورجعت مطولت هواي وعبد الرحمن ايد متقرب. مني بس اكعد الصبح الكي نفسي بحضنه ومن يرجع يبوس راسي وماعدا كلامه بالبيت وعنايته بالجهال واهتمامه وهدوئه كلشي بي حلو تعودت كلش على وجودة بالبيت وحبيت حياتنا كلش بس خايفة لا عبد الرحمن يخلص صبرو ويريد طفل او يريد اكون زوجه الو او يتزوج شسالفة شهالتفكير ماكو شي ان شاءالله جنت كل متجي ببالي هيج افكار اتخبل واغير تفكيري اليوم سويت غدة وكملت اجه عبد الرحمن تغدينه وبعدها الظهر نومت الجهال واجي لكيت عبد الرحمن متمدد ويكلب بالجهاز اجيت تمددت وسحبني لحضنه وكمل يكلب واني اباوع ويا بقينه نص ساعة هيج وجان يجي اتصال من امو باس راسي وتعدل وجاوب واني كعدت اسمعو يكوللها يمه الله يوفقها اني شعليه ميزوجوها يا يمه شضيع منها غير متزوج اسكت وكال اهو يمه جاي خلي مها تتحضر وعمي واني جيتكم باوع عليه وجهي اصفر صار وبيه رجفه كتله شبيها مها
أنت تقرأ
عوضُ بعد إجحاف
Genel Kurgu_ لا يأخذ الله منك شيئًا ثم يَدعُك بلا عِوض.. وعِوض الله إذا حَّل أنساك ما فقدت .. يأتي بصورة عظيمة ،وفيرة وغامِرة بشكل لا يُتوقع..
