عندما تعتقد أن العالم بـ أكمله أصبح ضيقاً ستجدني أنا وقلبي نتسع دائماً لك .
#فصلية_مؤقتة
_____________________________-
سما:ابد ما حجيت مع عبد الرحمن او عارضته بشـي كضيتها ساكتـه وانتظر حتى اشوف شيسوي وبالي يم بابا شنو رح يسوي بالبيت ولا مهند بس عبدالرحمن شون عرف وشون لحگ يوصل المشكله اخذ التلفون مالتي يعني ماعرف شون اطمن عليهم الله يستر من الجاي كمت اباوع المكان مرتب بس يحتاج تنظيف حتى مو كلش وصخ بس لازم اتعب بي رح لغرفة النوم ونضفتها تماما صارت تجنن وريحتها حيل طيبة وحولت ريان وراما بالغرفة وطلعت اكمل تنظيف وبسرعة اشتغل اخاف يكعدون وعبد الرحمن يريدها نظيفـة كملت كلشي ورحت سبحت بسرعة وطلعت لكيت ريان ميت بجي يروحي بعد امك اخذته انوب يزعل بسرعة عزة شيسكته هسة والله جاي احاول بس يبجي شبيك ماماتي وجان ينفتح الباب دخل عبد الرحمن وباوعلي كال شبي يبجي وكتله جنت اسبح وطلعت لكيته منتهي
عبدالرحمن: بلا وكتج تسبحين وابنج على اي لحظة يبجي لو يعني مسمعتي
سما: لا والله نظفت البيت وكلش استحريت وتعبت فرحت سبحت وحتى متأخرت بس هو يزعل بسرعة(باوع ع البيت شافو نظيف كلش والريحه طيبة كال
عبد الرحمن: انطيني ريان وروحي شوفي المطبخ بي المسواگ ورتبي ماشي
سما: يي والله عفية بلكت يسكت يمك.. اخذو وصار يلاعبو واني دخلت المطبخ مليان شيرتبو هذا عزة تقريبا ساعة ونص واني ارتب متت كملت ورحت لكيته مخلي ريان نايم يمه ويلاعب راما كتله راما ايمت كعدت
عبد الرحمن: صار ساعة من كعدت وانتي تعالي اخذي ريان للغرفة عندي موضوع وياج
سما: ان شاءالله،،، رحت وديت ريان لفراشو ورجعت كعدت كتلو تفضل
عبد الرحمن: شوفي سما اني محاسبتج ولا حجيت وياج شي لحد هسة صح ولا لا
سما: يي صح
عبد الرحمن: والاريدة منج هسة كم شغلة تسوينهم واذا متفاهمنه يبنت الحلال حتى ارجعج لأهلج ماشي
سما: ماشي
عبد الرحمن: شوفي اني هسة رح اجيب الشيخ يعقد النا واتزوجج
سما: شنو عبد الرحمن صدك تحجي يا
عبد الرحمن: لتقاطعيني سما خلي اكمل كلامي لتبقين متسرعة خلينه نتفاهم
سما: اوك مراح اقاطعك
عبد الرحمن: نتزوج واخليج هنا بالبيت ولتخافين ما اتقرب منج ابد تنامين بغرفتج انتي والجهال واني رح يكون واجبي للجهال وللبيت واكيد اي شي تحتاجينه اني موجود ورح نعيش سوى ها نقطه موافقة عليها ولا لا
سما: اها اذا هيج تمام موافقة
عبد الرحمن: شوفي اي شي ميعجبج احجي ونتناقش بي واذا الوضع معجبج ابد ما اسويلج شي وارجعج لأهلج ماريد شي غصب كلشي برضاج
أنت تقرأ
عوضُ بعد إجحاف
Ficción General_ لا يأخذ الله منك شيئًا ثم يَدعُك بلا عِوض.. وعِوض الله إذا حَّل أنساك ما فقدت .. يأتي بصورة عظيمة ،وفيرة وغامِرة بشكل لا يُتوقع..
