هلاو 💜
أشُيَآء فَآتٌنْةّ 💭💕.
ك صديق يقف معك في السراء و الضراء ، لاآ يغيره حبيب ، و لاآ يبعده حديث غريب 💜🎵.
،،،،،،،،،،،،،،،،،،،،،،،،،،،،،،،،،،،،،،،،،،،،،،،
سما: نمت بحضن ماما بس حلمت بهذا الولد يلي ضربوا وكعدت ابجي نزلت لكيت ماما كاعدة وتبجي ومحضرة الجنط وعمة مها هم تبجي مفهمت شي رحت للحديقة شفت هند كاعدة تبجي سألتها هند شبيج ليش تبجين اشنو صاير
هند: ولج رح ياخذون بعمو ومهند للسجن 😢
سما: اشنو جاي تحجين ياربي شون ياخذوهم يعني الولد مات
هند: لا ممات بس اصدقائة مشتكين على عمو ومهند
سما: وبابا وين هسة
هند: مااعرف بس بابا قال هسة يجون هو ومهند وبعدين يسلمون نفسهم
سما:( واحنا جاي نحجي انفتح الباب دخلو بابا ومهند وعمو وسجاد بسرعة رحت حضنتة لبابا وصرت ابجي )بابا كلة بسببي اسفة 😢😢
بابا: لا يعمري لتبجين موبسببج هو الولد موخوش و يستاهل بس يمكن احنا زودناها وهسة لتبجين
( طبعا عمة مها حاضنتة لمهند وتبجي واحنا كذالك تدمرنة دمار بعدين عمو قال
عمو صالح: لتخافون مراح تطولون لان اهلة طلعو شيوخ و انشاءالله نحلها بالفصل واني انشالله باجر الصبح اروح اشوف اهل الولد واحجي وياهم
بابا: انشاءالله
عمو صالح: يلا مهند. يلا ابو احمد امشو لان الشرطة تنتضركم
بابا: يي يلا بس اريد اكللكم شغلة احمد لتكولولة هسه لان احتمال رح يدورون ثارات
ماما: انشالله ابد منكلة يمة وليدي دير بالك على نفسك 😢
بابا: انشالله وانتي هم اهتمي بنفسك والبنات وسما حياتي لتبجين انشاءالله تنحل يلا باي
سما: يي باي 😢
( راحو بابا ومهند للسجن اني رحت لغرفتي مااريد اشوف اخد اني السبب بالي صار )
&&&&&&&&&&&&&&&&&في مكان آخر
علي: جنة كاعدين كلنة بالحديقة ومتونسين العائلة كلها ملتمة ماعدة سيف هذا مكضيها طلعات تعبنة ويومية طلابة صارلة اسبوع بالسليمانية يتونس واحنة كاعدين اجاني اتصال جاوبت
🗯الوو هلا بوية شنو مناو ترجع كافي ونسة
🗯الو السلام عليكم عمو اني موسيف اني حمد صديقة
🗯هلا وليدي سيف وين ليش موبايلة يمك خوما بي شي
🗯عمو سيف بالمستشفى
🗯شنو ليش شصاير
🗯تعارك وهسة هو بالعمليات
🗯دزلي اسم المستشفى علمود نجيكم
🗯انشاءالله عمو هسه ادزة
صحت سرمد سعد كومو حضرو السيارات علمود نروح لسليمانية
سعد: خير بوية ليش نروح خوما سيف بي شي
سارة: يمة وليدي شبي عزة العزاني انشالله ابو سعد شبي سيف 😭😭
علي: سيف متعارك وهسه بالمستشفى امشو يلا ستعجلو خلي نروح نشوفة
سعد: اي بوية هسه احضرهن
علي :سامر انت ضل بالبيت ميصير نخلي النسوان وحدهن
سامر: انشالله بوية
علي:( جابو السيارات وتوجهنة السليمانية الطرق جان طويل وصلنة بال00: 9 بالليل ولكيناهم مخلصين العملية وهسة هو فاقد الوعي رحت على اصدقائة حجولي كلشي صحيح ابني الغلطان بس مو هيج يضربو
سعد: بوية والله لا اشوفهم انجوم الظهر ذولي الكلاب شون يضربون اخوية
علي: بوية اكعد ترى اخوك هم غلطان شون يتحرش بالبنية هذا موتربات شيوخ
سعد: بوية انت تعرف هذني البنات شنو من شي اكيد هسة تلكيها هي الي تحرشت بي احنا ترباتك منسويها بس ذني ملعبات بس والله لدفعهم الثمن غالي خلي يربون بنواتهم بعدين يتقوون على سيف 😡
علي: انت اهدأ هسة لتضل معصب بيها خير انشالله اول شي نطمن على اخوك والله كريم
( ضلينة بالمستشفى للصبح الدكتور اجة شافة وكتلة ها دكتور بشر انشالله مبي شي
الدكتور: والله ابنكم هسه بغيبوبة مااعتقد يصحى لان الضربة كانت كلش قوية
علي: يعني ايمتا يصحى
الدكتور: احتمال يصحى بعد اسبوع او شهور او سنة بس هسة ماكو امل 😔
علي: دكتور ناخذة خارج البلد
الدكتور: والله ماكو امل انصحكم تخلونة بالمستشفى وتدعولة بلكت يصحى
علي: زين يصير ناخذة للبصرة علمود يم اهلة
الدكتور: اي بس مو هسة بس يستقر وضعو اخذو
علي:( كعدنا مأيسين وعلي متعصب هو وسرمد يردون يرحون ياخذون حق اخوهم )
وووويتبع
اسفة اعرف هذا البارت كلش قصير بس عندي ضرووف و انشاءالله اعوضكم الاحد بارت طويل واحداث قوية 💜💜
أنت تقرأ
عوضُ بعد إجحاف
Ficción General_ لا يأخذ الله منك شيئًا ثم يَدعُك بلا عِوض.. وعِوض الله إذا حَّل أنساك ما فقدت .. يأتي بصورة عظيمة ،وفيرة وغامِرة بشكل لا يُتوقع..
