نعم أحبك نعم اعشقك نعم افديك روحي ياأغـلى من سكن روحي وقلبي وكياني يامن عرفت منك الحب💖..
سما:رحنا شهر عسل لتركيا كان احلى شهر بحياتي مع حبيبي واليوم كان لازم نرجع كلش خايفة وضايجه هم لان ماعرف شنو منتظرني وسارة على شنو ناوية نزلنا بالمطار بـ بغداد وأستقبلنا وسام محظر السيارة حتى ياخذنا للبصرة سلم على أبو وعليه واخذنا للمطعم ٱكلنا وبعدها توجهنا للبصرة الطريق كان متعب كلش بالنهاية نمت لان كلش تعبت وماحسيت الا وعلي جاي يكعدني
علي : سما حبيبي كعدي وصلنا
سما: يي عمري.
نزلنا وكان كدام الباب هواي زلم يمكن مسوين عزيمه اول مدخلنا ذبحو خروف اني خفت ومسكت علي كلش.
بعدها دخلت للبيت مليان ناس يمكن العشيرة كلها المصيبه تعاي سلمي واني اتخبل من هيج شغلات المهم دخلت واستقبلتني حنين.
حنين :هلا يروحي شونج اخبارج .
سما:والمهلي يعمري تمام الحمدالله وانتي.
حنين: والله اني بخير بس شتاقيتلكم
سما:يعمري حتى اني شتاقيت الج ولخاله ام علي
حنين:حتى امي والله كل شوية تسألني عليج فوتي سلمي عليها تنتظرج خطية
سما:يي هسة بس شون اسلم بالاستقبال هواي نسوان مع خالتي ام علي
حنين :والله يروحي غصب تفوتين تسلمين لان الحجيه هم جوه وابوية دخل سلم عليها وانتي ماكو وهسة تسويلج موضوع
سما:يا علي سلم وخلاني يبو
حنين:يي والله يلا عاد امشي اني وياج
سما:اوك بس ملابسي وين
حنين :صعدوهم فوگ
سما:اها عفية
يلا امشي اسلم.
حنين :يي يلا
سما:جاي نطلع من المطبخ ودخلت سارة باوعتلي بنظرة ماعرفت شنو معناها بس اكيد ناوية على شي موزين ماحجت شي واني هم ماسلمت عليها اني ماحبها وانوب خفت لا تخجلني ممتوازية انزل نفسي الها المهم دخلت كلت السلام عليكم طبعا البعض جاوبني وبعضهم لا ونظرات غريبة هواي وبعضهم صارن يتهامسن باوعت شفت خاله ام علي يويلي شكد مشتاقتلها ردت اركض واروح بحضنها شكد احبها احسها مثل امي صاحتني ورحت يمها .
ام علي :هلا ببنيتي توه نور البيت شتاقيتلج يروحي.
سما:يعمري خاله حتى اني شتاقيتلج.
جنان :هلا سماوة حياتي شونج.
سما:هلا يروحي بخير وانتي
جنان:اني بخير شدعوة يولي لا تخابرين لا تسألين
سما:والله ماعندي وقت وهم اخاف اشغلج
جنان: طبعا ماعندج وقت 😉.
سما:هههههه عابت .
ورحت يم الحجيه كتلها شونج حجيه وبست ايدها هاي من عاداتهم لان اني ولا مره شفت ماما باست ايد بيبيتي وكل قرايبي هيج المهم بعد السلام الطويل صاحتني حنين كلتلي ابوية يصيحج فوق بالغرفة اوف خلصتني صعدت لكيت علي كاعد على للسرير وماسك الموبايل كتله ها حبيبي صحتني
علي:هلا يروحي يي صحتج حظريلي ملابس حتى اسبح وانزل
سما:اوك يروحي يعني متنام شون تنزل مو تعبان هسة
علي :يي والله تعبان بس ميصير انام وعدنا خطار غير اروح اكعد وياهم
سما:اها هم صح هو يحجي ويتقدم عليه كتلو حبيبي لعد ايمتا يروحون
علي :يبو اموت عليج من تغندبين مايرحون حبيبي كلهم يتعشون هنا
سما:اها هم مو تغدو هنا
علي :مو اني مكنت هنا وهم اجو يشوفوني هسة معلينه بيهم اني جوعان
سما:يعمري هسة احظرلك ملابس وانزل اجيبلك اكل
علي :اريد هسة
سما:عرفت قصدو بس سويت نفسي مافهمت كتلو اوك حبيبي لعد نازله اجيبلك وصديت ومحسيت بي غير يحضني ويكول اريد اكلج اني يكيكتي بعدها حضرتلو ملابس ودخل سبح وبعدين طلع وترتب واني دخلت ورى ولمن طلعت لبست كلابية خليجيه مرتبة ونازكه وخليت مكياج خفيف والشال بس رميتو على شعري وخابرت ماما حجيت وياها وكتلها اذا علي قبل ان شاءالله باجر اروحلهم سديت الاتصال ونزلت كعدت مع حنين وجنان بالاستقبال وكلهم عينهم عليه وبعد شوية اجتي مره ومعاها بنت مرتبات ولبسهم يختلف وكلها احتفلت بيهم والحجيه سلمت عليها وتبجي وكلهم احتفلو بيها واني مثل الاطرش بالزفة ما اعرفها وبعدها كالت وين مرت الغالي وحنين اشرت عليه واجتي بوستني وباوعت عليه كالت حقو الشيخ يتخبل عليج تخبلين ماشاءالله كتلها تسلمين وهم اجتي بنتها سلمت عليه كلش حبابة كعدت يمي كتلها انتو منو جان تضحك كالت متعرفينه كتلها لا والله ماعرفكم كالت اني بنت اخت الشيخ خيرية كتلها اها اعرفكم الي بـ بغداد مو
نور : يي احنا
سما:الشيخ هواي يحجيلي عن امج يكول احبها اكثر خواتي بس مشفتكم بالعرس ابد
نور : والله بالعرس صار عدنا فاتحه ومكدرنا نجي وحتى خالو علي زعل على ماما كاللها لو كايلتلي اأجل العرس شون متجين بس ماما مكالتلو لان تعرف خالو شكد يحبج وتعذب حتى تنجمعون
سما:يعني امج تعرف
نور :يي خالو علي كان هواي يحجي لماما عنج وصح شافتج بالصور بس اني وماما كنا كلش متشوقات نشوفج وجها لوجه وخاصتا ماما تكول اريد اشوف من كدرت تسرق كلب الشيخ علي وتخبلو وماشاءالله تخبلين حقو خالو يتخبل عليج
سما:يعمري انتي تسلمين .
يتـبع........
هلاو البارت يمكن قصير بس ان شاءالله البارتات الجاية أطول وهسة اريد رأيكم بالبارت وشون تريديون التنزيل يكون باي 🌞❤.
أنت تقرأ
عوضُ بعد إجحاف
Ficção Geral_ لا يأخذ الله منك شيئًا ثم يَدعُك بلا عِوض.. وعِوض الله إذا حَّل أنساك ما فقدت .. يأتي بصورة عظيمة ،وفيرة وغامِرة بشكل لا يُتوقع..
