/
حزين ياأمي وكأنما #الاوجاع قررت نصب خيامها فوق #صدري..!
_____________________________
سمـا: كملت كلشي وتنازلت ورجعت لبيت صديقتي بقيت يمها نص ساعة وخابرت احمد اجه اخذني ورجعت للبيت حسيت نفسي ارتاحيت واخذت اطفالي بحضني واني فرحانه لان كدرت اسند نفسي وانقذ اطفالي بنفسي وبدون ما احد يدخل وهاي اول خطوة وان شاءالله دائما اسندهم وما اكون مسوية شي غلط بقيت اليوم كلو مبتسمه وفرحانه وحتى ماما فرحت تكول لو ادري من زمان ادزج لبيت صديقتج المهم مرت اربع ايام الوضع تمام وكعدت الصبح باوعت ريان نايم بس راما ماكو اكيد يم ماما جيت ابوسو شو ابني نار صاير حرارتو مرتفعة ويوون بصوت ناصي يبعد امك اخذتو وتخبلت نزلت على ماما اركض يمه لحكيلي ريان حرارتو مرتفعة ويون يمه ابني راح من ايدي فدوة لكلبج شوفي
ام سما: اسم الله عليه بنيتي شو انطيني على كيفج بنيتي هسة اخابر احمد واخذو للمستشفى
سما: يوم اروح وياج والنبي ماكدر ابقى وابني بالمستشفى
ام سما: ماشي ماما بس بسرعة
سما: اوك ماما ثواني رحت اتصلت على احمد وغيرت ملابسي واني كلبي نار ودموعي تنزل لا ارادياً يمه كلشي ولا ابني يارب احفظو الي يا الله ماعندي غيرو ياربي من المرض منو الي ياالله وبعدها اجه احمد عمري جان حيل خايف على ريان صعدنا بالسيارة واني ابجي ما اتحمل احس روحي رح تطلع اباوع ابني بس يون ياماما ياحبيبي
ام سما: سما لتبجين هي صخونه هسة يشوفو الدكتور وينطي علاج ويتحسن يا ماما رح تنهارين واني وين اصد عليج ولا على ابنج
سما: يوم باعي شون يون كلبي جاي ينمرد والله ماما اذا صار بي شي اموت ماما ماعندي غيرو هو عزوتي فدوة اريد ابني منج
احمد: سما كولي يا الله حبيبتي هي حرارتو مرتفعة ماكو شي لتفاولين ع الولد
سما:.. سكتت وصلنا المستشفى شافو الدكتور واخذو خلولو مغذي وضربو ابر وحبيبي بس يبجي وكال الدكتور ماخذ برد وصدرو ملتهب بقينه بالمستشفى وريان مجاي يتحسن واني بقيت بالمستشفى يمو بس ماما ترجع للبيت تجيب غراض وملابس لريان واحمد بقى وياية بقينه ثلاث ايام بالمستشفى واليوم الرابع ريان اتحسن والدكتور كال تكدرون طلعونو اليوم المغرب العصر كاعدة بالمستسفى واحمد جان يمي فرن موبايلو بابا اتصل عليه بس الي استغربت منو يكول لبابا ميحتاج يجون احنا المغرب نطلع من المستشفى هذولي يسوون مشاكل واني ما اتحملهم وماريد يصير شي بالمستشفى وهم سما موجودة وبعدها ابتعد واني متت خوف منو يسوي مشاكل عزة بس لا سعد بس شسالفة مو كال ما اسوي شي يارب متت خوف والله اخذت الموبايل واتصلت على المحاميه
🔵(سما): الو هبة حياتي شلونج
🔵(هبة): هلا عمري ام ريان الحمدلله بخير وانتي
أنت تقرأ
عوضُ بعد إجحاف
Genel Kurgu_ لا يأخذ الله منك شيئًا ثم يَدعُك بلا عِوض.. وعِوض الله إذا حَّل أنساك ما فقدت .. يأتي بصورة عظيمة ،وفيرة وغامِرة بشكل لا يُتوقع..
