عوضُ بعد إجحاف

بارت(30)

سيــدتي دَعينــي أقـولُ لكِ أمــراً بَسِيطــاً ؛ التَّغــزُل فــيكِ أجمَــلُ هِــوايَاتِي 

,,,,,,,,,,,,,,,,,,,,,,,,,,,,,,,,,,,,,,,,,,
سما: راحو العصر يخطبون لوسام كنت كلش فرحانة لان وسام يستاهل اني صعدت ادرس لكن متحمسة وكل شوية ادعي اهلها يوافقون  صارت مغرب واني ملتهيه ادرس واباوع محاضرات بالموبايل لان مبقة شي للامتحانات شوية ودخل علي للغرفة هو وهيبته كان لابس دشداشة زيتونية تجنن عليه ولاف الجراوية مدري شيسموها وشايل المسباح بيدة يعني ماتكدر اوصف اناقتة بقيت اباوعلة واني ناسية نفسي لحد مكلي سما ترى ادري بنفسي حلو بس مولهاي الدرجة ابتسمت ورحت امشي بأتجاهو كتله حبيبي والله تجنن هو ابتسم وحضني وصار يتغزل بيه نسينا انفسنا لحد مندكت الباب هو استغفر وابتعد عني ويدردم مع نفسة فتحت الباب طلعت سارة بعدتني ودخلت  بدون حجي كلتله ابو سعد ماكلتلنا شصار وياكم وام علي دخلت لغرفتها ومكدرت ازعجها عاد جيت اسألك.. هو وطخ وكال بس تكدرين تزعجيني هي كلتله شنو رفع راسة كاللها سلامتج ماكو شي اندارت باوعتلي وكالت الحجية تصيحج جوة كتلها اوك منا مااريدها تبقى مع علي اعرف نيتها مزينه و ايمتا هي حبت وسام وتفكر  اشيصير ويا نزلت واني احجي مع نفسي ماحسيت الا واني مصدومة بسرمد  كتلة اسفة والله مابقصدي هو ابتسم كال عادي لاتعتذرين هي لو كل الصدمات هيج اووف بوية شكد بخيت بس شنسوي للغباء كتله شبيك ترى مجاي افهم كلي ميحتاج تفهمين رويحتي وصعد شكد اكرهه مستفز الله يخلصني منك انوب يكول رويحتي اني مو مرت ابوك يابغل من صدك بغل بعدين منو امة سارة اكيد يصير وقح نزلت ولكيت سوسن خازرتني فتت من يمها وكالت اووف لوكاتلتج بذاك اليوم بس بخيتة كتلها تكتلين منو 😨هي ارتبكت وكالت هاا قصدي ءء على الفارة مكدرت اكتلها وجاي تحوم عفتها ومشيت شبيهم ذولي يذبولي كلام طلعت للحديقة الحجيه هناك رحت عليها كتلها حجية صحتيني

الحجية: لا ماناديتج

سما: شون موكلتي لسارة صيحي سما

الحجية: دروحي اني  اناديج اول يمة اكرة شوفتج يالمسمومة روحي عن وجهي

سما:..... عفتها ومشيت دمي محروك واعصابي نار وهاي سارة لويش جذبت عليه بس لا تريد يبقون هي وعلي هلا والله واني مصدكة ونازلة صعدت على الدرج واني كلبي نار اليوم لازم يخلي حد لامه مليت شنو هذا الحقد وصلت باب الغرفة اريد افتحها مقفولة ماشاءالله علي وسارة وحدهم وبغرفتي وسادي للباب تخبلت هستوني اضرب الباب سمعت سارة تحجي مع علي تكول علي لتشفيهم بيه صح اني غلطت بس اعتذرت ومراح اعيدها وانت مكانك بغرفتي لتعتقني الله عليك اعرفك متحبها وتريد تحرك دمي حتى اغار وتعاقبني علي والله مجاي اتحمل وجودك قربها.....
اني تخبلت علي ميحبني وحتى يغورها لا لا لا مستحيل  ياربي صرت اضرب بالباب بكل قوة فتح علي الباب واني شفتها كاعدة على ركبها يم السرير رحت مسكتها من ايدها اريد اطلعها برة بس شنو ثقيلة اسحبها وابجي علي يريد يفهم شبيه اني مااحس بشي ولا اسمعهم اصلا كد ماتعصبت علي حبيبي ما اسمح لاحد ياخذه مني ولي خبلني اني علي ميحبني ما اكدر افكر اذا كان  يحبني بس تجيني افكار هواي احس اصوات يمي تخبلت اسحبها اريد اطلعها من الغرفة واصرخ علي اخذها وطلعها برى وسد الباب واني ابجي ومنهارة اجه يريد يعرف شبيه يريد يحتويني اني صرت اصرخ ابتعد عني انت متحبني متحبني ابتعد لتتقرب مني وبالحضة هو كدر يقيدني بقيت اضرب بي واحاول ابعدة بس مكدرت بقيت ابجي ومنهارة لحد متعبت ومحسيت بنفسي لمن نمت كعدت الصبح راسي احس ثقيل مااكدر ارفعة وتعبانه كلش رجعت راسي للمخدة ونمت...
...... بقيت نايمة لحد محسيت بعلي يريد يكعدني كعدت كانت يمه صينية بيها اكل كمت غسلت لا اني حجيت ولا هو كمت غسلت ورجعت كعدت مقابيلة مسك ايدي وكلي