مريم صديقه جماعيه :"حسني..... حسني استنى"
كريم:"المحاضره كالعاده ممله اوي.....هو في حد بينادي ع حسني؟
شروق لفت وراها :" اوف دي ست مريم انا مش فاهمه البنت دي عاوزه منك ايه
حسني :"شروق دي مجرد صديقه عاديه انتي بتكرهيها ليه"
شروق رفعت حاجب بغيظ وهي تستدير عشان تمشي:"اشبع بيها"
في اللحظه دي كانت مريم وصلت :"حسني ازيك.....عاوزاك
حسني بنفاذ صبر ما هو ده بيحصل كل يوم "مريم معلش انا مش فاضي"
كريم اخذ وعد وراحوا ورا شروق
مريم بغضب وغيظ :"في ايه يا حسني كل ما اقولك نتغدي مع بعض بتقول مش فاضي و حضرتك وراك ايه النهارده بقي"
حسني بزهق :"انا قلتلك 100 مره انا بحب واحده وهي بتحبني بس لسه مقلتلهاش بس بحبها بحبهاااااااااا ومتاكد انها بتحبني
مريم بغضب :"ااااااه ست الحسن والجمال ثاني.....وانت مش راضي تقولي مين هي حتى" ثم قالت بدلع وهي بتقرب منه ومسكت لياقه الجاكت :"حسني انا مش عاوزه حاجه غير اني اقعد معاك ناكل مع بعض لوحدنا ساعه وحده بس ابقي معاك فيها لوحدنا" زق ايدها بغضب وقلها:" قلتلك 100 الف مره انا بحب واحده ومش هينفع يكون بينا حاجه"
رجعت مسكت لياقه الجاكت
وقالت بدلع :"طب هنبقى اصحاب"
زق ايدها جامد وهو بيدير عشان يمشي "سلام يا مريم" مريم بتناجي نفسها "ماشي يا حسني ماشي....انا بس اعرف هي مين صدقني هخليك تعيط عليها وهتوحشك😏"
حسني طلع برا الجامعه لقاهم مستنينوا كريم قرب منه وساله من غير مايسمعوا :"نفس الموضوع ثاني"
حسني :"اه يا سيدي انا مش فاهم هي مش سيباني في حالي ليه قلتلها 100 مره اني ليا حبيبه وبرده مافيش فايده"
كريم :"لازم نتصرف دي تعتبر خيانه حتى لو هي ما تعرفش انك بتحبها برضو خيانه لحبك "
حسني بحزن :"للاسف انا عارف بس مش عارف اعمل ايه مريم دي لازقه اوي"
كريم :"دي اخر سنه لينا ونتخرج ونصارحهم بحبنا........لازم تبعد عن مريم قبل الوقت ده او ندعي ربنا مانشوفهاش بعد ما نتخرج "
وعد :"يه يا جماعه هتقعدوا تتوشوشوا كده.....يلا عشان نروح "
كريم :"حاضر احنا جايين اهو" بص لحسني وقال :"روق بقى يا عم مش مريم هي اللي هتعكنن حياتنا يعني.....يلا يلا عشان اتاخرنا"
وكالعاده بيروحوا وعد مع كريم في عربيته وشروق مع حسني في عربيته يا اما يركبوا عربيه واحده لو واحد منهم ماجبش عربيته بس النهارده عربيتين موجودين بس شروق الزعل كان باين عليها جامد
حسني :"يلا ياشروق اركبي"
شروق :"انا كل يوم بركب معاك هركب مع كريم المره دي "
حسني :"هو ايه ده لا ما فيش الكلام ده اركبي انجزي هنتاخر"
شروق :"قلت مش هركب..... كريم خذني معاك"
حسني لسه هيتغابه بس وعد لحقت الموقف:"جرا ايه يا جماعه......وانت ياسي حسني ماكنتش اعرف انك بتكرهنى اوي كده مش عاوزني اركب معاك "
حسني وهو باصص لشروق:" لا طبعا يا وعد اركبي هو في اعز منك "
شروق بصتله بغضب وبعدين ديرت وشها وراحت ركبت جمب كريم
وطلعوا بعربيتهم ماشين ورا بعض مهم بيوتهم قريبه من بعض بقى بس الخوف والزعل من اللي حصل كان اكبر منهم خوفه علي شروق ومن مريم وخوفه لتبعد عنه وزعل شروق من اللي بيعمله ومن مريم
وكريم ووعد كل واحد فاهم حاجه و مخبيها وخايفين الحاجه دي تنتهي هتنتهي معاها صدقتهم ال4 سعتها هيفترقه.....وفي الحقيقه الحاجه دي هي اللي ربطاهم ببعض.......
