وعد دخلت بيتها جهزت الاكل وكلت مع باباها ودخلت اوضتها وهي زعلانه من اللي حصل وقعدت تفكر يا ترى اللي حصل ده معنه ايه.....عمرها ما حصلت قبل كده وحد من ال الاربعه اتخنقوا....وهي بتفكر تليفونها رن كان كريم ردت عليه
كريم:"الو...انتي كويسه"
وعد:" الحمد لله بس زعلانه شروق متضايقه اوي"
كريم :"حسني هيصالحها متخافيش "
وعد :"هي بس غارت عليه"
كريم بهزار وعبث :"غارت.....؟من ايه.....وليه
وعد بتوتر:" غيره ايه مين جاب سيره غيره
كريم بهزار بينكشها :"انتي لسه قايله غيره
وعد بتوتر بتتهرب :"انت اتصلت.....عاوز حاجه"
كريم ضحك :"كنت عاوز اقولك احنا بقالنا ثلاث ايام ونبدا امتحانات وهنتخرج بعدها ان شاء الله
وعد :"ان شاء الله"
كريم :"اخر يوم امتحانات هنخرج احنا الاربعه انا وحسني عاوزينكم في موضوع مهم كنا هنقولكم بكره بس اتفقنا نخليه لما نتخرج
وعد بضحك وعبث :"ايه لقيتوا عروسه"
كريم بهزار :"عرسه تخنقك يا شيخه😂يعني حاجه زي كده" وعد :"بقى كده ماشي يا كريم افتكر اصلي بحوشلك انا ها"
كريم :"ماشي هاقفل بقى و اسيبك تنامي يلا خذي بالك على نفسك"
وعد :"ماشي يا سيدي وانت كمان"
فلاش باك:-
كريم :"حسني انت زعلت شروق اوي هي اكيد غارت"
حسني:"طب كنت هاعمل ايه يعني.....كريم لازم نصالحهم......انا معدتش قادر استحمل"
كريم:"خلاص نصالحهم بعد الامتحانات"
-وبعد ما الفتره دي عدت والايام ماشيه روتينيه وحسني وشروق اتصلحوا وبقوا يروحوا مع بعض كل يوم لحد ما جاء اليوم اللي الكل مستنيه وفي اليوم ده كل حياتهم اتغيرت 180 درجه اخر يوم امتحانات الامتحانات كانت سهله وعادي راحوا يتمشوا على البحر وقعدوا في كافيه قدام البحر كل اثنين على ترابيزه كريم مع وعد وحسني مع شروق بس الترابيزتين قريبين من بعض
كريم :"وعد انا.....انا...."
قطعت وعد كلامه:" اه انت ايه انا سامعاك"
كريم :"بحبك.....من زمان اوي وانا بحبك.......وكنت مستني اليوم ده عشان اقولك بحبك بحبببببببببك"
وعد كانت ساكته
كريم :"ايه ساكته ليه"
وعد :"هاقول ايه"
كريم :"خديلي معاد من عم عبد الحميد
وعد ضحكت بكسوف :"بجد"
كريم :"اه بجد يا وعدى"
وعد بكسوف :"طب متيلا نمشي بقى" واستمر الحوار بينهم انها هتروح تقول لباباها بس اللي كان مستنيها غير حياتها.....شقلبها....
حسني :"طب ايه باباكي مش فاضي اليومين دول ولا ايه"
شروق :"بتسال ليه"
حسني :"يعني عاوز اتجوز هافكر معاه في عروسه حلوه"
شروق رفعت حاجبها بغيظ :"ربنا يكرمك وتلاقيها"
حسني :"لا ما انا لقيتها"
شروق خلاص جابت اخرها :"بجد مين ست الحسن والجمال"
حسني :"هو ليه الكل مسميها ست الحسن والجمال لا بس انتم عندكم حق هي عسل الصراحه تعرفي هي في الكافيه ده"
شروق بغضب :"انا عاوزه اروح"وقامت وقفت
حسني :"طب استني بس..... بحبك.... تتجوزيني"
شروق اتصدمت بس برده مشي الحوار انها هتقول لباباها بس مشكله شروق ابتدت من اول ما عرفت حب حسني وكان اليوم ده سبب كبير في تغيير حياتهم للابد
