ابطالنا صحيوا من النوم وفطروا وهيصوا وكل واحد كلم حبيبته اطمن عليها اما مروان بقي
منه " الو....صباح الخير....ارتحت "
مروان " اه كنت تعبان اوي"
منه " معلش بقي....الحمدلله انك رجعت بالسلامه"
مروان بينغشها " خفتي عليا؟ "
منه بكسوف" اه اكيد انت مش خطيبي"
مروان " خطيبك بس ؟"
منه " انت فطرت؟"
مروان " احلي وحده تغير الموضيع والله "
منه قعدت تضحك
مروان " اضحكي اضحكي....ي بنتي اتعلمي الرومانسيه بالله عليكي انا تعبت"
ومنه برضو لسه بتضحك
منه " احسن "
مروان " بقي كده ماشي انا هوريكي بس اشوفك "
ومنه طبعا هتموت من الضحك
عدت الايام عادي روتينيه علي نفس الوضع ابطالنا مبسوطين ووعد رفعت علي اسامه قضيه خلع ولما عرف اضطر يطلها بنفسه كفايه اللي هو فيه هو مش ناقص وبعد ما اطلقت كريم راح اتقدملها وقرءوا الفاتحه بس دا طبعا بعد ما باباها طلع من المستشفي وحلته الصحيه باقت حلوه جدا.....وعدت الايام لحد ما جيه يوم اللي حددته المحكمه
ابطالنا كلهم اتجمعوا عشان يروحوا مع بعض واهليهم والكل راح المحكمه
القاضي " ممثل الادعاء يتفضل "
وكيل النيابه حسام " سيدي القاضي هذا الرجل متهم بعده اتهامات حيث كان يخطف الاطفال ويقتلهم بدم بارد ويتاجر بالاعضاء ويستغل الفقراء انه سفاح بمعني الكلمه غير انه متهم بخطف ابناءه وزوجته واصدقائهم لانهم حاولوا كشف اعماله....قام بخطف هؤلاء الشباب ال9 وهددهم بالقتل لولا تدخلنا وانقذناهم غير المخازن التي ملكها ينسب اليه وتمتلئ باطفال تم الابلاغ عن خطفتهم واطفال شوارع لم يعلم احد بخطفهم....النيابه ترجو من سيادتكم الحكم العادل علي هذا السفاح وهو الاعدام"
القاضي " شكرا لك....الدفاع يتفضل "
المحامي " سيدي القاضي...حضراتي الساده المستشارين...هذا المتهم الماثل امامكم برئ من كل الاتهامات الموجهه اليه موكلي رجل شريف يحب الاطفال كثيرا انه دكتور كيف له ان يخطف اطفال ويقتلهم بدم بارد فهو يعالج المريض لا يقتله وسوف نثبت لسيادتكم ونرجو منكم العدل في الحكم به بالبراءه "
القاضي " نادي علي الشاهد الاول يابني "
-" وعد عبد الحميد محمود عبد الصمد "
- قولي والله العظيم هقول الحق"
وعد " والله العظيم هقول الحق"
القاضي - " المتهم زوجك خطفك وهددك بالقتل انتي واصدقائك "
وعد " هو معتش زوجي انا اطلقت منه.....وحصل....خطفنا وهددنا بالقتل....كان ربطنا كلنا في اوضه واحده خطفنا بليل وفضل رابطنا لحد تاني يوم بليل من غير ولا اكل ولا شرب ولا حتي حمام وهددنا انه هيقتلنا كلنا بس الحمدلله انقذونا وهو كان هيهرب "
المحامي " مدام وعد تقدري تقوليلي خطفك ازاي "
وعد " رجلين اتهجموا عليا في بيتي وخطفوني "
المحامي " يعني انتوا مكنش عدا علي جوازكوا غير اسبوعين تقدري تقوليلي هيخطفك ليه وانتي زوجته حديثا"
وعد " عشان هربت منه اجوزني غصب عني وهربت وعرف اننا هنكشفه فخطفنا وقرر يقتلنا مهو القتل مش جديد عليه "وبصتله في القفص بقرف
المحامي " وهو لو كان عاوز يقتلكوا زيي مبتقولي....مقتلكوش ليه وسبكوا "
وعد " معرفش اساله"
المحامي " بس انا بسألك انتي "
وعد " وانا هعرف منين انا مش فهمه "
المحامي " تمام شكرا لحضرتك....سياده القاضي لو كان موكلي عنده نيه يقتلهم كان هيقتلهم مكنش هيسبهم ويمشي دا لو سفاح زيي مالادعاء بيقول"
- الشاهد التاني
مريم من بين عياطها" والله العظيم هقول الحق......الشخص ده للاسف ابويا بس دا مش معناه اني مش هقول الحق اتصل بمحمد وانا ومروان قاعدين معاه ووصفله مكان وقاله لو مجاش هيقتل صحابه وقاله انه عارف اننا معاه ويجبنا معانا ولما روحنا ربطونه ودخلونه عربيه وودونا الاوضه اللي كلنا كنا فيها احنا رفضنا نقاوم عشان خفنا انه يقتل صحابنا "
المحامي " اقدر افهم يا انسه مريم سعتها مبلغتوش البوليس ليه"
مريم " عشان هو هددنا"
المحامي " بجد....سيدي القاضي انا معايا اللي يثبت ان موكلي برئ......
