حسام " تقدروا تروحوا ترتاحوا انتوا ياشباب "
حسني " حصل حاجه؟!"
حسام " اسامه كان عاوز يهرب.....روحوا انتوا دلوقتي ارتاحوا وتيجوا بكره عشان نبدء التحقيق....صحيح الصندوق ده فيه تلفونتكوا جبناها عشان متعيطوش ههه خدوها بقي"
كريم وهو بيضحك " شكرا لحضرتك "
وهما طلعين قبلوا اسامه برا وبصلهم بصه تهديد طبعا البنات خافت وكريم خد وعد وطلعوا وروحوا كلهم وكريم وصل وعد للمستشفي وقعد معاهم شويه وروح وهي قالتله هتبات معاه
عبد الحميد " وعد....روحي ارتاحي ياحبيبتي"
وعد مسكت ايده بحنيه " انا مرتاحه وانا جمبك "
عبد الحميد والدموع بدءت تنزل " انا اسف يابنتي سمحيني "
وعد " انت ابويا لازم اسمحك بس الاهم تدعي ربنا هو اللي يسمحك"
عبدالحميد " انا معملتش حاجه تغضب ربنا صدقيني عمري مشركته في جريمه من اللي بيعملها انا بس لما عرفت اللي بيعمله هددني اني لو بلغت عنه هيبلغ عني خفت وسكت هددني بيكي هيموتك اضطريت اسكت....انااسف انا لو كنت بلغت عنه مكنش كل ده حصل"
وعد مسكت ايده بحنيه "مفيش لزمه للكلام ده خلاص اسامه اتقبض عليه وباذن الله يتعدم ونرتاح ونعيش حياتنا بقي"
عبدالحميد " هتطلبي منه الطلاق؟"
وعد "انا مش هروح اترجاه عشان يطلقني انا هرفع عليه قضيه خلع"
حسام " ياااه يا اسامه ليك واحشه يااخي"
اسامه " هو حضرتك تعرفني....انا اول مره اشوفك "
اسامه " اه منا برضو اول مره اشوفك هههه اقعدك ياخى اقعد دا احنا عندنا كلام كتير يلا تحب نبدء بانهي اتهام اصلك متهم بحجات كتير اووووي هاهاها"
اسامه " انا مش فاهم حضرتك بتكلم علي ايه....انا عاوز المحامي بتاعي لو سمحت"
حسام " هاهاهاها انت عارف مفيش حد قعد علي الكرسي ده وقال الجملتين دول الا ودخل السجن وكان مجرم.....دا مبشر بالخير صح ههه "
اسامه " وانا قلتلك معرفش قصدك ايه ياريت توضح كلامك وبعدين مظنش ان فيه ماده في القانون بتقول اللي يطلب المحامي بتاعه يبقي مجرم "
حسام " هاهاها هنحطها قريب متخفش هههه.....ع العموم خد التلفون عندك اهو كلمه...." وبعد ما خد التلفون وكلمه
حسام " خلاص ارتاحت اهو جاي في السكه......خلينا ندردش شويه علي مايجيي......بتحط الاطفال فين بقي؟"
اسامه باستغراب مصتنع " افندم"
حسام " ايه مش عارف انا بكلم علي ايه صح....مممم طب بلاش دي مين بيسعدك؟"
اسامه " انا مش فاهم حضرتك بتكلم علي ايه....انا عايز المحامي بتاعي "
حسام " هايجيي المحامي هايجيي متخفش بس احنا بندردش شويه بس....ها قولي....خطفتهم ليه"
اسامه " هما مين دول انا مش فاهم حضرتك عاوز ايه ومش فاهم انتوا جبتوني هنا ليه اصلا...حضرتك انا ورايا طياره عاوز الحقها"
حسام " هاهاهاها طياره ايه يااخي صلي علي النبي بس كده الطياره زمنها راحت ورجعت كمان فكك من الطياره دلوقتي بس...خليك معايا هنا....طب بلاش كل اللي فات...خليني ندردش في حاجه تانيه هي المدام فين؟"
اسامه " متخنقين عادي زيي اي اتنين مجوزين "
حسام " متخنقين ليه دا انتوا مكملتوش اسبوعين مجوزين"
اسامه بقرف " مشاكل عائليه"
حسام " وهي المشاكل العائليه دي تستدعي انها تسيب البيت دي مشيت بعد الفرح علطول"
اسامه بتوتر واستغراب هو عرف ازاي " اظن دي حاجه مش هتفيد حضرتك"
حسام " لا ازاي وهي عوزه تطلق انت عملتلها ايه لكل ده هي لحقت تجوز لما تطلق"
اسامه " حضرتك اتعديت حدودك جدا دي حجات شخصيه ثانيا مين قالك انها عوزه تطلق بعد الشر انا وهي بنحب بعض ومسيرها تعقل وترجع بيتها "
حسام " ايده معثول هو محدش قالك...لا بجد انت متعرفش..ياحرام....طب متزعلش انا هقولك...المدام مخطوفه مع ولاد حضرتك اللي انت بلغت عن اختفاءهم وفي نفس الوقت كنت عاوز تسافر غريبه اوي"
اسامه حاوا يبين الحزن والصدمه " ايييه وعد حبيبتي مخطوفه ازاي دي عند باباها طب انتوا لقتوهم عرفتوا مين الحيوان اللي خطفهم"
حسام بضحك حقيقي " هاهاها لا والله القاعده معاك مسليه جدا انا هقولك مين الحيوان....الحيوان ده يبقي انت "
اسامه بصدمه مصتنعه " انا ازاي تفكروا في كده انا هخطف مراتي وولادي انا مش سفاح حضرتك انا دكتور بخفف الام الناس"
حسام " اه معلوم بتخفف الام الناس وبتخطف الناس وتقتل الناس وتخدع الناس وتستغل الناس"
اسامه " ايه اللي بتقوله ده انت مش عارف انا مين انا عاوز المحامي بتاعي "
حسام بكذب عشان يوقعه" تمم هنجبهولك بس في قرار صادر جديد ان اي متهم حتي لو بريئ لازم قبل التحقيق معاه يبقب عندنا ملف بممتلكاته والسرعه اللي حصلت مع حضرتك ملحقناش نتاكد من كل ممتلكاتك فياريت تشوف الملف ده وتقولنا دي كل ممتلكاتك ولا فيه حاجه ناقصه"
اسامه اخد الملف وبتوتر وعدم تركيز بص بصه سريعه " مظبوط دي ممتلكاتي"
حسام " متاكد يعني مفيش حاجه ناقصه "
اسامه "لا"
حسام " ولا زايده"
اسامه باستغراب وتوتر " قلت لا ممكن امشي بقي"
حسام " تمشي ايه دي سهرتنا لسه طويله....بما ان دي كلها ممتلكاتك اذا المخازن دي كمان بتاعتك "
وشاورله عليهم
اسامه بتوتر " لا"
حسام " لا ايه انت لسه قايل انها بتاعتك وقلتلك متاكد قلت اه "
اسامه بتوتر ولقلقه " هي بت....بتاعتي بس صدقني اللي في... اللي فيها مش بتاعي"
حسام ابتسم بطريقه خفيه لانه مجبش سيره ان المخازن فيها حاجه "لا ياراجل ازاي بقي بتاعتك واللي جواها مش بتاعك دي فيها مصايب توديك ورا الشمس"
اسامه " صدقني الاطفال اللي فيها مش تبعي صدقني"
حسام بحده وانتصار " اطفال؟!! انت عرفت منين ان اللي فيها اطفال انا مجبتش سيره اطفال خالص وعرفت منين انها اصلا فيها حاجه لو انت ملكش علاقه باللي فيها....معنا انك عارف ان فيها اطفال يبقي انت اللي خطفهم......."
