خلينا نعرف ليه اسامه ميقدرش ياذي مريم بس مروان لا يعني المفروض الاتنين ولاده....هما مش ولاده اوي مريم بنته تمم بس مروان ابنه الروحاني يعني ايه اسامه هو اللي ربه مروان من وهو صغير بس هو مش ابنه هو ابن مراته صفا اللي هيا ام مريم يعني مروان يبقي اخو مريم من الام بس
طبعا اللي حصل مع محمد والرقم اللي اتصل بيه اتصل بحسني وشروق كمان وبيوسف وياسمين يعني بمعني اصح ابطالنا كلهم حاليا بقي بين ايدين اسامه.....ياتري هو ناوي علي ايه وعرفهم ازاي اصلا هو المفروض علي حسب خطتهم ان شروق وحسني بس اللي مترقبين....بس ازاي اتكشفوا دول كانوا حرصين جدا وعرف كريم منين مع انه عمره مشافه
طبعا ابطالنا كلهم حصل معاهم نفس الكلام اتصلوا بيهم وصفولهم المكان وطبعا كلهم طلعم من بيتهم من ورا اهليهم وراحوا ومكنوش يعرفوا ان الكل رايح كان كل محد يوصل رجاله اسامه يسبتوه ويفتشوه ويرموا تلفونه جمب باقي التلفونات وجمب الساعتين عشان لما البوليس يدور يلاقي كل التلفونات مقفوله في نفس المكان يروحوا المكان ده يلاقوا كل التلفونات في مكان واحد وعمرهم مهيلاقوا ابطالنا لانهم في مكان بعيد عن هنا خالص اسامه كان جاهز لكل حاجه وعامل كل احتياطاته عشان محدش يوصلهم اتجمعوا كلهم في نفس الاوضه طبعا الاوضه كانت وسعه جدا والبنات مربوطه في الكراسي والرجاله في رجل السراير الاوضه كان فيها سراير كتير ووسعه والسراير كلها سراير اطفال الحقيقه ان المكان ده كان ببحط فيه اطفال هو طبعا ليه اكتر من مكان محطوط فيه اطفال اسامه ده بمعني الكلمه كان سفاح كميه الاطفال اللي موتهم وبعهم والاطفال اللي خطفهم ولسه هيموتهم....لما كان حد يدخل المستشفي بتاعته يعمل عمليه بسيطه كان بيضحك عليه ويستاصل اي عضو...من غير ما المريض يعرف طبعا المريض مكنش بيحس الا لو راح لدكتور كشف او عمل عمليه تاني ولما كان حد بيموت في المستشفي بتاعته ودا كان بيحصل طبعا كان ياخد اي عضو محتاجه منه قبل ميسلم الجثه لاهلها.....كان سفاح....اومال انتوا فكرينوا جايب الفلوس دي كلها منين
نرجع لابطلنا اتجمعوا كلهم في الاوضه وهو كان قاصد يخليهم في اوضه واحده عشان يدخل يكلم معاهم فضلم يبصوا لبعض اللي خايف واللي متعصب وكل واحد بيبص لحبيبته وخايف عليها اكتر من نفسه فضله علي نفس الوضع كده من غير ولا اكل ولا شرب كل شويه يطمنوا علي بعض لحد ما ناموا كلهم وهما جعنين وعطشانين وطلع النهار عليهم وهما زيي مهما جعانين وعطشانين وطبعا جسمهم وجعهم جدا من النومه والربطه دي
واهليهم كلهم بلغوا البوليس وطبعا اللي الظابط حسام اللي كان متابع معاهم من الاول هو اللي كان مسؤل عن القضيه كلها واسامه واختفاءهم وطبعا في مكان تاني منه حبيبه مروان فكرنها اتصلت عليه اكتر من مره وهو طبعا تلفونه مقفول وهي مرعوبه عليه وقالت لاخوها وراح بيتهم الحارس قاله ان مروان ومريم مرجعوش من امبارح واسامه لسه خارج....الغريب هنا ان اسامه راقب اهليهم كلهم ولما لقاهم اتفقوا كلهم وراحوا يبلغوا راح معاهم بس ياعيني الكل اتبلغ عن اختفاءه ماعدا وعد امها متوفيه وابوها في المستشفي محدش بلغ عن اختفاءها بس حسام كان عارف انها اكيد اول واحده اختفت فيهم
طبعا اسامه ذكى جدا بس ياترا حسام اذكي منه ولا ابطالنا هيحصلهم ايه؟!!!....
