" عملت حجات تانيه كتير من وراه......قبلت عبدالحميد بس مقدرتش اقوله علي موضوع مراته بس اتفقت معاه انه يجبلي ورق يثبت شغل اسامه واي ورق يوديه في داهيه وفعلا عملنا كده وجمعت كل حاجه ضده لحد مهدد عبدالحميد ياما يجوزه بنته ياما هيبلغ عنه لانه قتل صفا مامت وعد عبد الحميد كان لسه معتقد انه قتلها وجوزهاله خوفا منه لانه كمان هدده انه لو مجوزش وعد هيقتلها فخاف عليها وجوزهاله لو كان قالي مكنش ده حصل بس هو مقليش ودلوقتي الملفات اللي قدام سيادتكم دي تثبت كل حاجه عملها اسامه وكمان التسجيل فيه اعتراف منه "
القاضي " بس حضرتك كمان اذنبتي لما غشيتي القانون وانسبتي ابويه بنتك لرجل اخر"
حنان باسي " انا مستعده لاي عقوبه بس اشوف اسامه بيتعدم"
وخلصوا بس مستنين النطق بالحكم......
محكمه
حكمت المحكمه حضريا علي المتهمه حنان ابراهيم عبد السميع بالبرائه من التهمه المنسوبه اليها
وحكمت المحكمه علي المتهم اسامه عبد الصادق الشناوي بتحويل اوراقه الي فضيله المفتي رفعت الجلسه
الكل كان فرحان طبعا وزغرطوا كلهم واسامه قعد يصوت ويهدد بالقتل ويشتم والباقي فرحانين جدا....سلموا علي حنان وراحوا كلهم المستشفي لمريم
مريم بعياط " انا كنت حاسه انك ماما كنت حاسه حبي ليكي مكنش طبيعي "
حنان بعياط" انا اسفه اني بعدت عنك الفتره دي كلها بس كنت بحميكي "
مريم " لا لا متتاسفيش انا عزراكي انا لو مكانك كنت هعمل كده برضو الحمدلله انه هيتعدم.....انا بحبك اوي "
حنان حضنتها وهي نايمه علي سرير المستشفى " وانا كمان"
مريم " ماما"
حنان " نعم ياقلب ماما "
مريم " لا مفيش بس كنت عوزه احس احساس اني ليا ام....ماما هو انا كده ابقي اخت مروان من الاب والام"
حنان " اه ياحبيبتي واوعدك ان مفيش حاجه هتبعدنا ابدا "
مريم " وبابا مات "
حنان " الله يرحمه "
مريم " متبعديش عني ابدا ياماما "
حنان " عمري مهبعد تاني"
مريم " وانت يامروان كنت عارف كل حاجه ومقولتليش "
مروان " فاكره يوم ما برايفت نامبر اتصل بمحمد "
مريم " اه "
مروان "سعتها انا طلعت تلفوني من غير متخدوا بلكوا وبعدت لماما رساله قلتلها فيها نفذ وهي راحت بلغت وحكت لاستاذ حسام علي كل حاجه "
مريم بزعل اطفال مصطنع " وانا بقي اخر من يعلم"
مروان " مريم انتي مبيتبلش في بوقك فوله عوزاني اقولك عشان تفضحي الدنيا "
مريم بنفس زعل الاطفال" ربنا يسمحك"
حنان قعدت تضحك " ربنا يخليكوا لبعض ياولادي "
مريم ومروان " ويخليكي لينا"
وعد " شفت يابابا مش قولتلك ادعي ربنا يسمحك اهو انت ملكش ذمب في اي حاجه حصلت خلاص كل حاجه خلصت وخدنا حقنا
عبد الحميد " الحمدلله"
ومريم طلعت من المستشفي وعدا شهرين وحلتهم بقت زيي الفل اما بقي مروان ومنه عملوا فرحهم لان مروان كان مستعجل وانبصتوا جدا جدا وفي نفس اليوم مكنش فرح مروان ومنه بس لا دا كمان فرح مريم ومحمد في نفس اليوم مع بعض وكان فرح جميل جدا جدا وياسمين ومحمد اتخطبوا
وشروق وحسني اتخطبوا ووعد وكريم اتخطبوا هما مصدقوا انهم خلصوا عشان يتخطبوا بس اسامه عمل استئناف ومحصلش حاجه لازم يتعدم وياخد جزاءه وخلاص افتكروا ان حياتهم اتظبطت وخلاص اسامه انتهي بس لا اسامه ميروحش بالسهوله دى.......
ياسمين ومحمد حددوا معاد فرحهم وعدت الايام وجيه يوم فرحهم بس هما مكنوش يعرفوا ان اسامه هرب في نفس اليوم من السجن الفرح كان حلو وعدا علي خير وكان الكل حاضر ابطالنا واهليهم وكان فرح جميل بس وهما مروحين مع كلهم مع بعض مكنش خير اللي هيحصل خالص
