السلام عليكم حبايب
الكاتبه ام جود
لازم اشوف هديل
واحلفها بلقران كدامهم شنو سمعت واخليها تحجي الصدك ....
ليش اضل طول عمري عايشه فصليه الواحد ما يسوه
كملنه طبخ طبعا لان اكو وادم عدهم كالت فوزيه احنه بعد ما
انساعدج اتعلمي وحدج اتطبخين لان يشبعونج اتغبك
اذا صار بلاكل شي لو اكو نقص ....
هوه احنه بناتهم ويضلون بس يحجون علينه اذا صار شي
مو انتي يردون الحجه عليج ....
طبعا ما افتهمت فوزيه وياي لو علي ....
واجو ينكلون الاكل جانو ولد خالي علي وخلف اربعه شباب
ياخذون الاكل انه ما خلوني اصب لان عبالهم ما اعرف ارتب الاكل ودو الاكل واشوف عيونهم كلها حقد عليه .....
واشويه ورجع جاسم اخو حسين وكال...
... الفصليه ليش ما حاطه الخواشيك لو بيج بس السان اشطوله ....
ضليت اباوعله وكتله مو انه الصبيت الاكل ....
... انجبي وانطينياهن بسرعه لا اموتج هسه هنا ...
... انطيتهيا واحس دموعي اتريد اتطيح كلت لازم اتعود
مو من البدايه هيج اضعف وابجي اكيد راح اسمع هذه الحجي كل يوم ويمكن كل ساعه
طبعا هنه ودن الاكل الهم وحطلهن سفرة وكعدن ياكلن
وطلعن كلهن من المطبخ وفوزيه قبل لا تطلع كالت لا اتطلعين انتي ضلي خاف واحد يحتاج شي
المهم حطيت قوري الجاي علنار لان اتذكرهم يردون جاي بس يرجعون السفرة ....
وحضرت صواني استكاين الجاي ورجعت انضف بلمطبخ
الحد ما خلصو ورجعو الاكل وصار المطبخ متروس أماعين
صبيتلهم جاي وانطيتهم القوري واخذوه ....
وسويت واحد ثاني للنسوان ورجعن امواعينهن ...
واخذن الجاي وراحن ....
باوعت للمواعين يمكن اكثر اماعين راح اغسلهن بحياتي ...
شافتني رحيمه اخت حسين وكالت ترة اذا صفنتي عليهن
ما راح يغسلن ارواحتهن هنه اتعلمي اتغسلين ابسرعه بسرعه ...
... نزلت عليهن من شفتها حجت هيج ...
واتذكرت روحي بليه اكل بعدني ....
راحت وكعدت اكل بس الم الاكل النضيف واكله ....
خلصت وكملت تنضيف اشكد غسلت الحد ما هلكت ....
شنو هل الضلم ضهري كام يوجعني ساعتين بس اغسل بيهن يلله خلصن ....
أنت تقرأ
هدى وطاغوت الشيخ
Adventureقصه حقيقيه جميعنا نعلم ان الفتاة تذهب فصليه عندما تكون هناك خصام بين عشيرتان لحل النزاع ولكن هدى تذهب فصليه لخوالها لزلة لسانها التي سببت بقتل شخص من اقربائها وياخذها الشيخ وهو ينقلب عليها كلوحش وترى منه عذاب لم يره احد قبل الان هذي القصه حقي...
