السلام عليكم
الكاتبه ام جود
ب ٣٧ جزء ٢
شفت حسين واكف بلباب وكال
... ويامن تحجين والمن هذه الموبايل
اوو انوب اروح اشرحله
....حسين علاساس ما سمعتني ويامن احجي
... ولج احجي عدل جاي اسالج جاوبي عدل مال الثول
.... والله هذه انته ابد ما تتغير الغلط على السانك دوم
... لا تغيرين الموضوع انطيني الموبايل
اخذه مني بنتره وكتله من تخلص منه وديه العمتي وكلها شكرا نيابتا عني وامي اسلم عليج ...
.... خليته ورحت للغرفه امشي سريع على عصابي هسه يجي وراي ما يفوت حجايه ادري بيه
دخلت للغرفه وصدك اجه وراي وسد الباب ..
... انتي ولج طايل السانج تدرين لو لا ويرادله كص ...
...يحجي ويتقرب يمي ادري بسوالفه يتحجج يعاقبني حتى يدخل للغرفه وكتله حسين اريد انام اسفه اذا اتطاولت عليك بس اطلع ورده لا تكعد ..
.... كعد علجربايه وكال تردين بس تطلعيني من الغرفه ولج هاا بس انه اليوم عاجبني انام هنا
رحت نمت علفراش مالتي وغطيت روحي وهوه بدل وراح نام علجربايه وكال طفي الضوه
... كمت طفيت الضوه وارجعت بدون حجي ما كدرت انام ضليت بس اتكلب بفراشي لان ما مرتاحه هذه كلشي يسوي واحسه هوه هم ما نام كلساعه ويتأفأف
وره ساعه تقريبا سمعت ورده بجت حيل طفرنالها اثنينه ادري بيها تحلم واتكوم تبجي شلتها واسكت بيها وحسين
... يكلي.... اشبيها ليش هيج تبجي
.... ما بيها شي بس تتحلم وترجع تنام يمي يلله ترتاح روح نام انته
سكتت و اخذتها ونمت بفراشي انه وياها بحضني وهوه رجع نام علجربايه واشويه ونامت ورده
..وكال ها نامت
.... اي نامت ...هذه اشبيه ليش يسال نامت بس دخيلك ربي هذه كلشي يسوي ليش يسال
وكال هدى
... هممم
... اشبيج ليش هيج تتصرفين وياي احجي عدل شبيج تردين علي من وره خشمج ...
.... حسين شتريد مني اريد انام ...
.... هدى الى متى نبقى هيج ...
.... اخاف احجي وهم تكول طولت السان بس اجاوبك
انته تستغفل عن قسوتك وضلمك وياي وتستغفل زواجك وطبعك وياي وجاي تكول الى متى ....
وانه جاوبتك وكتلك ليش باقيه هنا وكتلك انه مربيه البتك وبس ...
.... انتي ليش ما جاي تنسين مو كتلج خل نفتح صفحه جديده سويه وننسى كلشي ...
أنت تقرأ
هدى وطاغوت الشيخ
Aventuraقصه حقيقيه جميعنا نعلم ان الفتاة تذهب فصليه عندما تكون هناك خصام بين عشيرتان لحل النزاع ولكن هدى تذهب فصليه لخوالها لزلة لسانها التي سببت بقتل شخص من اقربائها وياخذها الشيخ وهو ينقلب عليها كلوحش وترى منه عذاب لم يره احد قبل الان هذي القصه حقي...
