السلام عليكم
ب٣٤ج٢
الكاتبه ام جود ....
القاضي سالني وكالي كم سوال حتة ما تذكرهم شنو بس
الاتذكره تردين انطيج مهله تفكرين ترجعون سوه
ضليت صافنه وحاجتني امي
... هدى القاضي سالج جاوبي
...احس دموعي غوركت وانه اباوعلها شرد
ياربي شرد اكيد راح ياخذونها وهزيتله براسي بمعنى اي
ورجع سالني وكال شنو ما مفتهمت يعني انطيكم مهله
كتله اي
وكال القاضي ترفع القضيه وانطيكم مهله تتصافون مدة اسبوعين واذا ما يصير اي تصالح فراح نقرر غير قرار ...
الاستغربته الكل ما حاول يحاجي القاضي ويخليه ما يأجل القضيه الكل بقى ساكت ولا حجو اي كلمه ...
طلعنه وصار ملتقانه بره المحكمه وشفت ابوي ...
وحسين شفتهم يتحاجون ما عبالك همه الي جانو بيناتهم ثار بس ما طولو واجه ابوي يمنه وكال يلله امشي
... بويه شنو كلك حسين
.... امشي بلبيت نتفاهم
... صعدت بلسياره وكتله بويه انته من ليمته تحجي ويه حسين
... انتي جبرتيني احجي وياه والله يابه تعبت من وراج ادري بيج ما تردين ترجعيله بس الرجال تعب من اتطلكتو ...
وهوه شاريج ورايدج انتي ليش ما ترجعيله ...
... بويه انته صدك تحجي ..
... هدى انه ما جاي اشاقيج ...
بويه كم مره اجه ودز ناس عليج يريد يرجعج وانه من يمي رفضتهم ورجعتهم ...
ولان ادري بيج ما ترضين اترجعين اله
بس هسه انه جاي اكلج واعيدها عليج للمره الف لو تنطينه بتج لو ترجعين اله ولا تخافين انه ضامنه الج ما يضربج مثل قبل ...
.... اشلون ضمنته بلله ما يضربني وبس هوه ضمنت الامان منه لو منهم كلهم ....
... ادري كلشي كتله بيه وكال الوضع اختلف مو مثل قبل ...
... والله ما اجاي افتهم عليك احسك ضام علي شي ...
... لا لاضام عليج ولا شي انه ابوج واريد مصلحتج احجيلج الصدك انه بويه ما اكدر تكاليف عملية بتج غاليه وانتي تدرين بهذه الشي ...
ارجعيله هم يسوولها عمليه وهم بتج بحضنج شتكولين بويه
.... درت وجهي علجامه ودموعي تصب مسحتهن مجرد التفكير من ارجع الهم يخوفني ...
وصلنه للبيت ونزلت وبيدي ورده ضليت يومي كله ماكلني التفكير والقهر بس اتوكلت على الله ما عندي غير هذه الحل بلكي صدك يطلع متغير ونعيش براحه ...
أنت تقرأ
هدى وطاغوت الشيخ
Aventuraقصه حقيقيه جميعنا نعلم ان الفتاة تذهب فصليه عندما تكون هناك خصام بين عشيرتان لحل النزاع ولكن هدى تذهب فصليه لخوالها لزلة لسانها التي سببت بقتل شخص من اقربائها وياخذها الشيخ وهو ينقلب عليها كلوحش وترى منه عذاب لم يره احد قبل الان هذي القصه حقي...
