هدى وطاغوت الشيخ

البارت الأخير الجزء ٢

السلام عليكم

الكاتبه ام جود

بارت ٥٠ الاخييير جزء ٢

حسين هدى خلتني اشك بلتحليل خطأ  وبقيت ممصدك..
وبهذه الوقت دخلو اهلي النه  امي وخواتي كلهن بقن من الفاتحه ما راحن لبيوتهن  ودخلن سلمن على  هدى

هيه رغم كلشي ابتسمت بوجهن واستقبلتهن

فرحت  بيهن من دخلن عليها وكعدن يسولفن وياها

اشويه وطلعن وبقت بس فوزيه وحوراء وعمتي سليمه...

بقينه اليوم كله بلمستشفى من استقرت حالتها  وكال الدكتور اتكدرون اتطلعونها  باوعتلها  ما اريد اجبرها على شي ادري بيها ترفض ترجع وياي وكالت الامها يمه خل يجي ماجد ياخذنه للبيت...

باوعتلها مقهور من حجيها يعني حتى ما تريدني انه اوصلها وكلتلها  انه اوصلكم علاقل بس  اوصلج للبيت

هدى... لا مشكور روح البيتكم انته والعائلتك تنتضرك

وياريت اتطلكني ابسرعه اشعندي باقيه وياك اشو لا ولد ولا تلد  بعد كلشي بح رااح فكني

حسين... هدى... قاطعتني.. وكالت  شوف لاعبالك انه اروح اتوسل بيك بس علمود اتطلكني  لو مثل هذيج المره نشيل وما تلكالنه اثر
لااا صدكني ما يهمني الطلكتني لو لا بس الي اعرفه وَمتاكده  منه ما راح ارجع وياك لو اموت ما ارجعلك

... يابه عليمن لو تموتين ما صدكت بيج كعدتي ولا كايلج رجعي الي  بس اوصلج لهلج بسيارتي وبس...

احجي وياها وميت قهر اضاهر حيل رافضه وما اكدر افاتحهه بهذه الموضوع هسه بس شيصبرني  على فراكها...

عمتي... يمه مالك شغل بيها راح الم  غراضنه وانروح توصلنه وشفت هدى تخزر بامها وكتلها انتضركم انه

لمت عمتي وحوراء الغراض واخذتهن   وجابولها كرسي متحرك و خلت الغراض ورحت شلتها  هيه بس تتأفأف ما راضيه  همستلها اشكد اشتاقيتلج
دارت راسها عني

و حطيتها بلكرسي وحوراء تدفع بيها واخذت الغراض واطلعنه بيهن  من المستشفى وحطيتهن بلصندوك ودرت فتحت الباب وشلتها وحطيتها بلسياره ورجعت الكرسي للمستشفى
وارجعت وعيني عليها حاطه راسها علجامه وصافنه حيل ضايجه هيه...

وكلتلهم ما محتاجين شي من السوك...

عمتي... لا يمه سلامتك اهم شي نرجع تعبنه هاي الايام مدري منين تجينه المصايب انريد نوصل للبيت و نرتاح  اهم شي هدى رجعتلنه سالمه الحمد لله عليها

حسين... هدى ما محتاجه شي  ما حاجتني واشويه وكالت بدون مقدمات وديني الورده  ازورها

حسين ... هدى مو هسه وكتها هسه ارتاحي وبعدين اخذج سكتت وامها كالتله يمه صيري زينه واخذج يوميه الها بعد اشتردين...