السلام عليكم حبايب
الكاتبه ام جود
باوعلي حسين وعيونه يتجادحن
خفت حيل وركضت وهوه كام يركض وراي دخلت للمطبخ جانت امي بيه وخالاتي وحبوبتي كلت لامي يمه لحكيني حسين راح يموتني
وهوه يكلها ولج عمه هاي سوتلنه طركاعه
وصوته عالي يريد يلزمني وانه لازمه ضهر امي ويمها حبوبتي واكفات ويردن يفتهمن من عدنه ماكو
واجو خالي علي وحيدر ولد خوالي كلهم على صوتنه وكاللهم ولكم هاي الكلبه سوت طركاعه ولك حيدر اطلع من البيت ابسرعه راح يجون يكتلونك...
صرخ خالي
... حسين اشتحجي انته اشصاير
... اخذ ابوه وخوانه وصعدو فوك وراحت وراهم خالاتي وجدي وحبوبتي ...
ضليت خايفه حيل وارجف شفت هديل وكلتلها هسه انتي شسمعتي مني وحجيتي هيج انه مالي غرض
ابتسمت ابتسامه خبيثه وصعدت وراهم اشكد خبيثه اشسويتلج انه
بهاي اللحضه الناس طلعت الغرب ضلو بس اهل البيت خوالي كلهم والعروس سارة ضلت كاعده ابدلتها وخايفه
وانه خايفه وارجف رحت اصعد علدرج
وسمعت صوتهم فوك وحسين يحجي
خالي علي .... حسين احجي اشبيكم وليش هيج ويه بنت عمتك
حسين ...بويه انته بس اسمعني عوف هاي الكلبه
حيدر هوه الي دعم ابن ابو جابر
علي ... انته ولك اشتحجي واعي على روحك حويدر صدك حجي اخوك
.. سمعت النسوان شهكن
علي .... وليش ما كلتولي ويعني بنتهم اشعرفها وراحت تركض
حسين ... مو هاي هديوه تدري وهيه راحت كلتلهم وهل نزلت
تركض
ويحجي ويه حيدر ... انته كتلك اطلع من البيت راح يجون عليك خاف يكتلونك ...
علي ... انته اشلون اتحط هيج حجي بحلك مرة ... حسين ..
حسين .. غير هيه جانت تتجسس علينه من وره الباب
وما ادري بيها ...
علي ... ولج سليمه هاي بنتج اذبحها اذا صار على ابني شي ...
سليمه ... يايمه طركاعه وطاحت على راسنه هديوه ما تسوي هيج ....
سمعت الصوت صار قريب اجو عليه
نزلت من الدرج وشفت خالي علي وحسين ...
وامي نزلو وشافوني وانه ضليت مصطكه من الخوف...
اكيد راح يموتوني اجت امي ولزمتني من ايدي وهيه تضرب بيه
... ولج اشسويتي راح يموتونج
أنت تقرأ
هدى وطاغوت الشيخ
Avventuraقصه حقيقيه جميعنا نعلم ان الفتاة تذهب فصليه عندما تكون هناك خصام بين عشيرتان لحل النزاع ولكن هدى تذهب فصليه لخوالها لزلة لسانها التي سببت بقتل شخص من اقربائها وياخذها الشيخ وهو ينقلب عليها كلوحش وترى منه عذاب لم يره احد قبل الان هذي القصه حقي...
