السلام عليكم حبايب
الكاتبة ام جود
ب ٢٨
نمت على ضهري و هاي الوضعيه الام تحس بيها بحركت الطفل اكثر من يتحرك
وصدك مديت افراشي ونمت بس نمت وانه حاطه ايدي على
ضهري حسيت اكو رفه يارررربي رحمتك هاي تحرك واوراها احسه تحرك
الحمد لله والشكر ربي رغم القهر والي انه بيه وادموعي الي بيهاانتضره يتحرك ابطني اضحكت وانه امسح بدموعي وابوجهي وفرحانه احس ردتلي روحي من اتحرك الحمد لله
ارتاحيت اشويه من ناحية ابني
بسس
انه لازم ما اضعف يمكن الي سويته صدك غلط وجازفت وجا راح ابني بيها
صدك مره الي تشرد بليله ضلمه
من ترجع تنذبح لو شنو اتكلهم من عذر تبقى هيه مذنبه وذنبها بعتقادهم لازم يغسلون عارهم ...
انجان عند الاهل يمكن ارحم من بيت العيال ...
بس انه ما رحت البيت غريب رحت البيت فوزيه ...
وما طولت اهوي يمكن ساعة زمان او اقل واجه وراي حسين
يربي هوه منا نار وشرار علي وانوب شردت الله يستر شراح
يسوي بيه بس ما راح اواجهة بعد علاقل اخاف على ابني
خاف ياذيه وماطول فوزيه وياي الحمد لله انشالله توكفلي
وما اتخليهم ياذوني الحمد لله الله ما يطكع على عبده
نمت وانه الافكار تاخذني واتجيبني
الحد ما صار ثاني يوم ولان متعوده على كعده من الصبح
كمت كلعاده مورمه وعندي صداع رحت غسلت وصليت
ورحت للحمام حيييل ثكيله بمشيتي احس روحي شايله طن
مو بس طفل واحد
قبل لا يكعدون رحت سويتلي ريوك ابسرعه طكيتلي بيضه
وسويتلي جاي وكعدت بلكاع ما بيه اكعد علطاوله والكرسي
وبطني اتطك بلطاوله وحيل كبيره صايره كمت افكر
واسترجع ذاكرتي انه بياه شهر والله نسيت حتى يمكن
بلسادس بس يصير ابني كبير هيج وبلسادس وانه ما شايفه
مرة بلسادس وهيج بطنها كبيره
الله كريم ربي كلشي ما اريد بس ابني يصي بخير
خلصت وكمت غسلت اماعيني واسمع صوت عمتي
...اللهم بك اصبحنا وبكا امسينى واليك النشور وهيه تدعي واضاهر توه مخلصه صلاة وشافتني بلمطبخ
أنت تقرأ
هدى وطاغوت الشيخ
Pertualanganقصه حقيقيه جميعنا نعلم ان الفتاة تذهب فصليه عندما تكون هناك خصام بين عشيرتان لحل النزاع ولكن هدى تذهب فصليه لخوالها لزلة لسانها التي سببت بقتل شخص من اقربائها وياخذها الشيخ وهو ينقلب عليها كلوحش وترى منه عذاب لم يره احد قبل الان هذي القصه حقي...
