السلام عليكم
الكاتبه ام جود
صاحت ولجن انطني عباتي خل ناخذها للمستشفى
واجه حسين كال شنو صار
عمتي ... ولك كامت تنزف حسين الحك ناخذها ...
كاعده بلكاع ورفعت راسي لحسين وباوعتله بعتب وكتله كله من وراك كله من وراك راح تموتون حتى ابني
... كومي ابسرعه اخذج للمستشفى بلكي نلحك عليه كوومي ..
.... فوك حكه يدكه . فوكهه بعد ويصرخ وكمت رحت للحمام اغسل وجابتلي حوراء ملابس البست واطلعت لكيت حسين
مشغل السيارة وصعدت بس ضليت ابجي ما ادري ابجي على ابوي لو على ابني بس من غسلت بعد ما طاح عليه دم
وعمتي كالت لحسين هسه انته اله تصيدونه بلبيت وخليت ابنك يطيح ...
كال .. ادري ملزك بتفله .هوه اكيد كتلته هيه حتى تنتقم من عندي ...
رديت عليه اي مو انه مثلك اكتل ابدم بارد ...
صرخ عليه ولج اتقي شري وعلي اجي امحيج والله لو مو بلشارع جا هسه افركت بيج الكاع ...
... حسبي الله ونعم الوكيل بيكم ما غزرت بعينكم العشره واتكتلون ابوي كدام عيني ...
... اسكتي بنت الكلب الله ما شافكم دمرتونه من يوم رجعتو للبيت وابوي طيب خاطر امج ..
.... درت وجهي عنه ودموعي تصب افكر بابوي اشصار بيه ...
كلت بس اوصل للمستشفى حتى لو اشرد منهم بس كون اشوف ابوي
وبس وصلت للمستشفى دخلونه للنسائيه واشرحتلها الي صار والنزف البيه وكالت بطنج توجعج كلتلها لا
كالت اذا هيج احتمال ما عليج شي بس خل نتاكد روحي للسونار وشوفي ورجعي علي بس السونار يكعد بس الصبح باجر رجعي علي ...
اخذت الورقه ورحت وكلت العمتي لازم ناخذ سونار جانت مو موجوده يمي من فحصتني الدكتوره جذبت عليها حتى ادور على ابوي ... وكلتلها هسه انرزح للسونار
طلعنه من النسائيه
افتر بممرات المستشفى ويه عمتي وحسين ...
بلكي اشوف ابوي بس ماكو ردت اعبر غرفة السونار بس صاح حسين ويين رايحه مو منا السونار الثول
انجبرت اروح وبس دخلنه ما لكينه بس العامل ...
ساله حسين وكاله بس الصبح يكعد السونار ورجع وكال هاي الدكتوره غبيه لو شنو عليمن ودتنه اذا تدري السونار مقفل هسه ...
ورحت وانه امشي وكلتلهم اريد اروح للحمام اخذتني عمتي
الحمام الطوارىء
دخلت وانطيت العبايه العمتي وضلت بره
أنت تقرأ
هدى وطاغوت الشيخ
Aventureقصه حقيقيه جميعنا نعلم ان الفتاة تذهب فصليه عندما تكون هناك خصام بين عشيرتان لحل النزاع ولكن هدى تذهب فصليه لخوالها لزلة لسانها التي سببت بقتل شخص من اقربائها وياخذها الشيخ وهو ينقلب عليها كلوحش وترى منه عذاب لم يره احد قبل الان هذي القصه حقي...
