السلام عليكم
الكاتبه ام جود
تكملة بارت ٣٧ج٢
واكفه وورده اتجر بيه شلعت كلبي واتريد بس اتنام ادري بيها نعست وانه وحدي بلمطبخ حتى محد وحده منهن كلفت نفسها وكالت خليناها وحدها وهيه عدها طفله خاف متلحك
شلعت كلبي وانه اغسل ووكحه هيه حيل صرخت عليها
... ولج ورده كعععدددي شلعتي كلبببي شلتها وكعدتها يمي بلمطبخ واختاضت ومنزله عيونها وراسها للكاع وامبرطمه
رجعت اكمل شغلي وعيني عليها وضلت زعلانه
يمه اروح فدوه هسه انه اشبيه صرخت عليها اخخ يربي انوب على ورده اصرخ طز بلعالم كلها عليمن باقيه انه على سواد عيونهم وانوب رويحتي تزعل مني ....
غسلت ادي ورحت كعدت يمها وكلتلها زعلان الحلو اروحله فدوه انه
... اجت ونامت بحضني كبل واتريد ترضع يمه اروح فدوه الكلبج الطيب والبريء
شلتها وكمت شفت حسين واكف وكال شبيج تصرخين علبنيه
ما حاجيته وعفته واطلعت من المطبخ وهوه رجع للهول
واصعدت بيها للغرفه وغسلتلها ونيمتها وبستها واطلعت رجعت للمطبخ
ولا وحده نازله وامكملتهن للماعين اشكد انانيات رحت كملته واسمع التلفزين بلهول كاعدين عليه الولد
والبنات محد رجعت وشفت كصتهن كلها كارصه بغرفها
من خلصت ورحت اصعد للغرفه واجه وراي حسين يمشي صعدت ابسرعه وكال وراي ورده وين
....نامت
.... ليش توج اتصيحين عليها تردين اتطلعين حركت كلبج بيها لو شنو
... ههه عليمن اطلع حركت كلبي ومنو كلك عندي حركه بكلبي اصلا كله هم وانشال الحمد لله وورده انته ما اتعرف مصلحتها اكثر مني
....ولج انتي السانج طولان هيج الولايه غيرتج عنه لو عندج واحد يشيشج علينه ويخليج هيج اتسوين واتطولين اللسان علينه
.... انته اشتحجي حسين اشتقصد اتشك بيه لو شنو و ليش هوه شنو سويته الي زين حتى انه اسويلك الزينه
.... علعموم ورده حتى صوتج ما يعله عليها افتهمتي وقد اعذر من انذر
.... دخلت بدون حجي وسديت الباب هذه يريد يحرك بدمي
سمعته دخل الغرفه سرور اكيد همه الطيور على اشكالها تقع
نفس الطينه ثنينهم هاي صاحبتي ورفيجتي طلعت ما تسوه
حجايه حلوه مني علاقل واكفه بعينها صداقتنه
بس والله جنت شاكه بيها من زمان يلله الرادته اخذتها وخل تنصدم منه
أنت تقرأ
هدى وطاغوت الشيخ
Pertualanganقصه حقيقيه جميعنا نعلم ان الفتاة تذهب فصليه عندما تكون هناك خصام بين عشيرتان لحل النزاع ولكن هدى تذهب فصليه لخوالها لزلة لسانها التي سببت بقتل شخص من اقربائها وياخذها الشيخ وهو ينقلب عليها كلوحش وترى منه عذاب لم يره احد قبل الان هذي القصه حقي...
