هدى وطاغوت الشيخ

الحادي عشر

السلام عليكم

الكاتبه ام جود

دخلت للحمام اسبح خلصت البست ملابسي واطلعت

لكيته متمدد علجربايه ولابس  فانيله داخليه وشورت

نزلت راسي وكال تعاي اريد احاجيج ما حاجيته

.... ويامن احجي انه

... شتريد بعد

.... كتلج تعاي كعدي مال .... اسغفر الله ... راد يغلط وبطل
لو تجين تكعدين يمي لو اتطلعين برة

... طبعا بدون تفكير اخذت المشط واطلعت ولا عبرته ...

نزلت جوة  بس بارده حييل ...

وانه توه اسبحت اووف يربي شاسوي...

رحت نزلت جوة كلهم بغرفهم ... وكعدت بلهول لكيت اكو هيتر

وكعدت يمه بس بارده وانه نعست رحت جبتلي فرشه خفيفه

ولفيت روحي بيها واتمددت يم الهيتر .....

اخذتلي غفوة واسمعت التلفزيون انفتح يمي ...

فتحت عيوني ولكيته حسين كاعد علتلفزيون...

.. اشكد خبيث مو نايم بغرفتك اشجابك الهنا ....

علعناده كمت ورحت الغرفته فتحت الجنطه اخذت القمصله

والبستها بس ضلن ملابسي بلجنطه كمت فتحت الكنتور...

ولكيت خانه وحده فارغه رتبت ملابسي بيها ...

شفتها صارت الساعه بلاربعه نزلت جوة ولكيت عمتي والبنات كاعدات بلهول يم حسين

ويسولفون على اهلي اضاهر لان سمعتهم يكلها لو يموت ما اخليه يشوف بته وبس دخلت سكت

رجعت واطلعت برة للبستان كملت شغلي بيه حطيت للهوش ماي....

بس الجو كلش بارد بوكتها ...

ورحت للمهرة حطيتلها ماي بس انه شايله الجدر البيه ماي الها ... وجان ثكيل حيل

واجت المهرة ابسرعه صوبي ضليت اباوعلها واتعثرت وطحت بلكاع

وطاح عليه الماي كلها بس بااارد حتى شهكت حيل ... من الماي جان بااارد ...

رجعت وانه ارجف حطيتلها ماي ابسرعه ووديته وارجعت دخلت للبيت ....

بس دخلت شافتني حبوبتي وكالت ..

....يااع ولج اشبللج هيج ....

هسه تتمرضين روحي بدلي ابسرعه ...

اي ....

ولج جا انتي اشكد ثوله الماي اشجابه عليج وهيج سبحتي بيه ... عفتها واركض للغرفه ....

ابسرعه كمت اعطس وانه اصعد الدرج ...

دخلت للغرفه ولكيت حسين بيها واخذتلي ملابسي ابسرعه وكال اشبيج ....