My Life Is Changed My Love Is Twins

Part 14

~ My Life Is Changed My Love Is Twins ~
By : Tescy Descy
Cerita Rekaan

    ~ Part 14 ~

    Ini yang ke-2 kali sudah sia rasa sia kehilangan urang yang sia sayang. Sia tidak buli terima ujian yang sia kana bagi semua ni. Baru kamarin patang sia ba-manja-manja sama c roy, baru kamarin patang kami katawa-katawa sama-sama, baru kamarin patang kami bercerita pasal masa dapan, baru kamarin patang sia rasa hangatnya paluk kan c roy, baru kamarin patang sia kana sayang-sayang kana kiss-kiss, hari ni berubah pula pigi air mata yang susah mau kasi stop. Datang mami c rick pigi pujuk-pujuk sia.

    “sayang, jangan macam ni. Kesihan roy kalau dia nampak v macam ni. Roy tidak suka v nagis-nagis kan? Roy tidak mau v lemah kan? Mami mau v kuat demi satu-satunya zuriat yang roy ada, please sayang. Rick bawa v pigi duduk di sofa.” (mami rick)

    “pigi rehat dulu sayang. Jangan kasi lemah tu hati. V kana kuat demi baby roy. Itu lagi yang kami ada yang buli ganti roy. Yang buli kasi ubat rindu kita sama roy.” (dady rick)

    “mari sayang. Sia mau sayang kuat okey. Ramai lagi yang sayang sayang tau kah?” (rick)

    Sia cuba mau bangun tapi sia rasa tidak kuat sudah tulang-tulang lutut sia. Rick angkat saja sia. Sia paluk saja balakang leher c rick. Sia tidak peduli mata-mata urang tingu sia. Rick mau bawa sia naik pigi atas, tapi sia yang tidak mau, jadi rick bawa pigi duduk di sofa. Kami duduk sana sofa yang panjang, lapas rick kasi duduk sia, dia pun duduk sebelah sia, terus sia pigi baring atas paha c rick, tu muka sia, sia kasi tapuk di perut c rick, aduiii... wangi c roy saja bah badan c rick sia te-hidu.

    C rick puai-puai kapala sia, balik-balik rick tunduk-tunduk pigi cium-cium kapala sia. Sia cuba mau tutup mata tapi tidak dapat-dapat. Tidak lama badan sia kana pigang-pigang, sia pusing mau tingu, bestie-bestie sia pula pigi duduk di lantai manghadap sia, sia kasi pusing badan sia mau tingu durang.

    “babe, kasi kuat hati kau bah. Kesian tu baby babe kalau kau lemah macam ni. Kalau kau terus kasi lemah hati kau. Roy pun tidak tenang nanti.” (amber pujuk sia sambil dia pigi kiss dahi sia)

    “sia tau kau tidak dapat terima semua ni babe. Tapi apa-apa pun kau kana terima juga. Ingat roy juniou ada dalam rahim kau. Itu saja satu-satunya yang roy ada di dunia ni.” (san-san)

    “eya bah babe. Sabar ahh.. babe. Kami tau juga tu macam mana sayang kau sama roy. Tapi kau kana juga kasi kuat tu hati kau babe.” (crystal)

    “thanks, sia butul-butul tidak kuat lagi ni babe. Sia tidak dapat terima kanyataan lagi.” (sambil sia nagis sambil sia pigang perut sia, c rick pun pigi pigang juga perut sia pakai tangan kiri dia)

    “sayang, kasi kuat tu hati demi ni baby k sayang.” (bilang c rick sambil rick puai-puai kapala sia pakai tangan dia sebelah kanan)

    Terus sia ambil tangan c rick yang dia taru di perut sia. Sia tingu saja tu cincin tunang, sia pigi kiss tu cincin, terus sia paluk tangan c rick, sia simpan di dada sia. Sia kasi lurus sudah badan sia manghadap muka c rick. Senyum saja c rick tingu sia, rick pigi kiss dahi sia ni. Rick genggam jari-jari sia, sia paluk saja tangan c rick di atas dada sia.

    Bila sia te-tidur pun sia tidak tau. Bila sia ta-bangun sia di dalam bilik sudah. Saya tingu tu bilik, bukan bilik sia sama c roy, sia kasi pusing kapala sia mau tingu di sebelah sia, c rick pula yang tidur sambil paluk badan sia.

    Sia kasi pusing badan sia, mau tingu muka c rick, sia pigi sentuh-sentuh batang hidung c rick, kening c rick, bulu mata c rick, bibir c rick, sampai sia pigi pigang kulit pipi c rick, punya lembut kulit muka c rick. Kalau c roy ada kasar-kasar sikit kulit muka c roy, pa-malas kan mau jaga muka.