خطأ اخي جعلني فصليه

بارت 2

#الكاتبه
ضحى التميمي
........
فجر:ورا 3 ساعات اجه بابا بس وجهه ميبشر بخير الصراحه خفت كلت اكيد طلبو بدم اخويه<br>
خوله : ها احمد بشر انحلت المشكله<br>
احمد (بحزن):لا يخوله انطوني اختارين وكل واحد حمله شكل<br>
خوله : كول احمد شنو طلبو منكم وصديق علاوي اهله هم راحو وياكم<br>
احمد : اي راحو وكعدنه وطلبو من عدنه شي كلش جبير<br>
خوله: احمد احجي كافي تلعب باعصابي كول شنو يردون فلوس بيع كلشي وانطيهم وهسه اكوم اجيبلك شكو شي عندي من ذهب وفلوس بس رجعلي ابني راح اموت صارلي 4 ايام مشايفته 😭<br>
احمد: ولج خوله طلبو دم ابنج<br>
خوله : لالا احمد مستحيل اسلمهم ابني اموت وراه<br>
فجر وقمر :: بس يبجون<br>
خوله : والطلب الثاني شنو كول احمد وكفت كلبي<br>
احمد: يردون فلوس و<br>
خوله : اي انطيهم حتلو تاخذ من اخوانك وتنطيهم<br>
احمد : خل اكمل كلامي خوله<br>
خوله : كمل شنو بعد ياربي كلبي راح يوكف<br>
احمد : طلبو فلوس و فصليه<br>
الكل : متفاجئ من طلبهم<br>
خوله : عزه العزاني يمه راح اموت شلون بيه يعني لو انطي ابني لو بتي<br>
فجر : بهاي لحظه تمنيت اموت ولا اسمع كلام ماما<br>
لا مستحيل اروح فصليه واحلامي و دراستي لالا مستحيل<br>
اكيد اكو حل غيره بابا فدوه ارجع وكلهم خل يغيرون قرارهم<br>
احمد: بتي مااكدر اهل لولد اهل عشاير ويردون يكسرون ظهري<br>
فجر : ما عاش الي يكسر ظهرك بابا انه موافقه<br>
خوله : ياربي امتحانك صعب 😭<br>
فجر : لا تخافين ماما اهم شي علاوي يرجع<br>
عفتهم وصعدت لغرفتي وانه كلي خيبه من الصار مستحيل انه اروح فصليه واحلامي الي بنيتهه والفستان الابيض وفتره الخطوبه وفارس احلامي هاي كلهه راحت يعني مراح اعيش قصه حب ولا راح اشوف الاحترام بعين زوجي واهله لا ياربي شنو هذا الاختبار صحيت ع شهكات قمر<br>
قمر : فجر مستحيل اخليهم ياخذونج منه<br>
فجر : حبيبتي قموره اهم شي يرجع علاوي<br>
يله حياتي تعالي انام سوه ولا تخافين مراح يصير بيه شي ياروح اختج<br>
قمر: ما اريد تركينه وترحين اريد اروح وياج للمدرسه واتباهه بيج كدام صديقاتي واكلهم اي هاي اختي<br>
فجر : حسيت كلام قمر مثل السجينه الي تكطع بيه<br>
يعني بعد مراح اداوم ولا اشوف صديقاتي واهلي<br>
وانه جهزت كلشي علمود الدوام اووووف ياربي<br>
يله قموري حبيبتي خل انام باجر ورانه شغل<br>
خوله : احمد انته صدك تحجي تنطي فجر فصليه شوف غير حيل فدوه هاي بتي ترفه ما تتحمل مسوؤليه وبعدهه مو كدهه<br>
احمد : شسوي حاولت هواي وماكو راح ياخذون فصليه منه و من صديق علي هم يعني طلبو اثنين واهل صديق علي وافقو لان يردون ابنهم وباجر يردون ردي. و فجر وافقت باجر ارد عليهم واكلهم موافقين وانتي جهزي بتج لا تخلينهه تحتاج شي وعلميهه شلون تحترم اهل زوجهه و زوجهه<br>
خوله (بحزن) : صار باجر احجي وياها واخذهه للسوك اجهزلهه<br>
احمد : يله اصبحين ع خير<br>
خوله : اجمعين<br>
...................<br>
فجر: صار الصبح وانه عيني ما خذت نوم وافكر شراح يصير<br>
خوله : يله ماما كعدو<br>
هاي شنو فجر منايمه<br>
فجر : لا ماما قبل شويه كعدت<br>
خوله : يله ماما كومي غسلي وتعالي علمود اخذج اجهزج<br>
فجر بخيبه : صار ماما هسه اغسل وابدل واجي وراج<br>
...........<br>
رحنه للسوك ومضل شي ما خذته الي امي خطيه اباوع عليهه شلون تجهز ودموعها بطرف عينهه انه ما بين الهه اي رده فعل وتصرفاتي عاديه بس جوايه بركان مااعرف يا ساعه ينفجر <br>
مضل شي بخاطري كلشي خذتلي حته ملابس نوم وذهب خطيه ماما قهرتني<br>
رجعنه للبيت<br>
.......<br>
احمد:ها خوله جهزتي فجوره<br>
خوله : اي احمد كملت كلشي ها شنو سويت انطيتهم خبر<br>
احمد : اي وباجر اخذ فجر ونروح واهل صديق علي هم يجيبون بتهم<br>
فجر: ليش طلبو فصليتين<br>
احمد : اي بابا انتي و بعد بنيه<br>
فجر : اها الله كريم يله انه اترخص تعبانه اريد ارتاح شويه<br>
كمت من يمهم وانه كلي خيبه والالم يعني هاي اخر يوم الي بهذا البيت و ويه عائلتي الي احس وياهم بالامان يااااربي شنو هذا الاختبار صعب والله<br>
..............<br>
اليله كله يمكن نمت ساعتين افكر وخايفه من المستقبل المجهول<br>
صار الصبح اجت ماما وكالت يله فجوره ماما ابوج ينتظرج علمود تروحون امي كالت هيج وانه دموعي ضلت تنزل<br>
خوله :اااه يمه سوده عليه شلون راح اتحمل فراكج<br>
فجر : مسحت دموعي وكلت ماما اهم شي هسه علاوي يرجع<br>
خوله : هو شكاسر ظهري غير علاوي<br>
شلون صار هيج علاوي طيب وفقير ميستاهل هيج يصير بي<br>
فجر : نزلت وجنطتي اخذهه بابا ودعت اهلي طلعت من البيت جسد بلا روح ضلت روحي يم ماما و قمر<br>
بعدني صغيره مو حمل مسوؤليه ياربي شسوي ضليت طول الطريق ساكته واشوف بابا مقهور وهم ساكت ما بيده شي انه بته بصوب وعلاوي بصوب ثاني وصلنه البيت حلو وجبير<br>
.... ...<br>
دك الباب بابا طلع رجال يطلع عمره بعمر باباوكال تفضلو دخلنه للاستقبال لكيت الشيخ ينتظرنه واهل صديق علي هم جايين و ياهم بنيه هم وهم شكلهه مثلي ماتريد هذا الزواج ومغصوبه عليه<br>
شفت اثنين دخلو طول وهيبه كالو هذول خوان المرحوم وراح يعقدون عليكم واحد من عدهم شكله عصبي وصاير شكله احمر هلكد ممعصب شافني اباوعله خزرني جمدت بمكاني ودنكت راسي اوف ياربي شلون راح اعيش وياهم وشكولهم ما تبشر بخير<br>
دنكت راسي وبعد ما رفعته
.........
يتبع
توقعاتكم شراح يصير بفجر