خطأ اخي جعلني فصليه

بارت3

#الكاتبه ضحى التميمي
........
فجر:سمعت صوت الشيخ وهو يقره ايات من القرآن وبعدين سأل البنيه اذا موافقه لولا
جاوبته موافقه بعدين خلص من عقدهم
وهم رجع يقره ايات قرآنيه وسألني مجاوبه لو لا جاوبته بنعم وحته مااعرف منو صار زوجي وشلون شكله واندعيت كون مو هذا العصبي زوجي
واجه اصعب وقت بابا يريد يروح
احمد بحزن : شيخ سلمان ديربالك ع بتي وامانه عدكم ترا هيه مالهه ذنب بالي صار
سلمان: لا تخاف احمد بتك بحمايتي ومراح يصيرلهه شي
فجر: بوست بابا وراح وانه ضلت بس دموعي اطيح
سلمان: بابا جنات تعالي شوفي نسوان اخوج واخذيهم لغرفهم
جنات :اي يابه تدلل
يله تعالو وياي تفضلو
فجر : مشينه وياها وكان الصمت سيد الموقف
صعدنه فوك وجنات وكفت
جنات : اعرف انتو ما الكم اي ذنب بس الراح اخويه ومن راح لهسه البيت ضلمه من دونه
فجر: اسمعها وابجي
دره: ابجي وبصمت
جنات : خل اتعرف عليكم بنات
فجر : انه فجر عمري 18 سادس اعدادي
دره : انه دره عمري 20 كليه
جنات : وانه مثل اختكم وشنو تحتاجون انه موجوده
خلي اعرفكم ع نفسي
اسمي جنات عمري 19 اداوم كليه اداره واقتصاد
دره. فجر : تشرفنا
جناات : يله بنات هاي غرفكم دخلو وارتاحو بس هاي مااعرف كل وحده منكم زوجه منو 😂😂
دره : انه زوجه انس
جنات : يبعد عمري هاي غرفتج
وانتي فجر زوجه رواح 😍
فجر : من سمعت اسم رواح روحي راحت 😭يعني هذا هم اسم يربي وانه حته شكله مشفته ولا اعرف منو هو اوووف شلون حظ حظي
جنات: ها فجر بشنو شردتي
فجر : لا هيج ماكو شي غرفتي وين بلازحمه
جنات : هاي غرفتج حبي وهسه اخلي يصعدون غراضج
فجر : ماشي حبيبتي
........
حياه جديده وخايفه منهه
شويه واندك الباب ودخلت جنات جايبه غراضي وياها
فجر: مشكوره حبيبتي تعبتج
جنات : لا كلبي عادي هسه ارتاحي وبعدين اجي واخذج اعرفج ع الكل
فجر : ماشي حبي راحت جنات وانه اجيت ارتب غراضي فتحت الكنتور
لكيت ملابس رواح
دشاديش و بنطرون وتشرتات مبين عليه مرتب
لان كلشي مرتب ولا غلطه بي عطوراته وملابسه و ساعاته
خليت ملابسه بخانه من الكنتور جانت فارغه
وسبحت وبدلت لبست دشداشه لونهه ازرك ومكياج خفيف
وانتظر جنات تجي حته انزل واتعرف ع الكل والحد لان رواح مااجه ولا شفته اصلا
.......
رواح: انه رواح عمري 27 طولي 180 جسمي معضل اسمر
اكره شي اسمه بنات مااحب البنات الي شفته بلكليه وحسب شغلي خلاني اخذ نظره ع البنات واكره شي اسمه زواج بس من سمعت خبر وفاه اخوي امجد نار اشتعلت بيه وردت اخذ بثار اخوي بس اهل لولد اجو وشكلهم مكسور بالاول طلبنه دم ابنهم بعدين طلبنه فلوس وفصليه كلت اكيد مراح يوافقون ع الفصليه اهل لولد الثاني وافقو كلت لاخوي انس هاي الك وانه البنيه الثاني مجنت متوقع راح يواففون بس يوم ثاني صدمني ردهم بلموافقو وهنا كلت لازم اشربها من نفس الكاس الي اخوها شربنه ياه ومن اجت وشفتهه حلوه خزرتهه لان ضلت تباوع شفتهه خافت بس مهتمين عقدت وطلعت من البيت لان اختنكت مااريد اشوفها ولا اريدهه مااحب شي اسمه زواج ولا اريد ازوج راح اخليهه خدامه الي ولاهلي وسمعت اسمهه فجر تدللين يا ست فجر راح اشوفج الضيم واعاقبج بدال اخوج واخذ روحج
كلبي صخر من راح اخوي امجد لان كان اخ ونعم لاخ كلشي يعرف عني وبيناتنه سنه انه عمري 27 و هو 26 صديقي واخوي كسرني بروحته
.....
فجر:صار المغرب واجت جنات كالت يله تعالي وياي انتي و دره علمود اعرفكم ع العائله نزلنه واحنه خايفين
زكيه الام: هلا ببنات كتالين ابني هلا بلي خذو وليدي مني
فجر &دره :😭
جنات: ماما ماله داعي هذا كلامج هما ما الهم ذنب
زكيه: انجبي وسكتي معليج لا تحجين اي شي انتي وليدي راح جوه التراب وهو عريس جان يريد يخطب بس مالحك سوده عليه بسرعه راح من بين ايدينه
فجر: خاله احنه مالنه ذنب
زكيه: سكتي مااريد اسمع اي كلمه لا منج ولا منهه
مااعتبر عندي جناين لا انتو فصليه
راح يصير المطبخ مكانكم والطبخ والتنظيف وكلشي عليكم ومن هسه ترحون ويه جنات تعلمكم ع كلشي يخص المطبخ
جنات : يله بنات امشو وياي
فجر&دره : اي
جنات: هسه راح اشوفون اختي تؤم امجد كاعده بلمطبخ حتلو تحجي لا تهتمون ولا اضوجون
فجر: ااااخ بعد ما اتحمل شلون معامله هاي عبالك مسوين جريمه دخلنه للمطبخ وشفت كبالي وحده مبين من شكلهه دور مشاكل
ماجده: ياهلا بلفصليات اهلا وسهلا بيكم هسه يله شرفتو و نزلتو من غرفكم
جنات: ماجده حبيبتي ع كيفج ويه البنات
ماجده: هذول فصليه يعني خدامه مو اكثر
جنات: عيب هذا الحجي
ماجده: انجبي ولج ويله علميهم ع المطبخ وخلي يسوون عشه بابا و لولد ع جيه
جنات:اي ماشي
فجر: هاي شبيهه
جنات: معليج بيهه حبي
فجر: شفنه المطبخ وعلمتنه ع طبعهم و اوقات الاكل
بدينه انه و دره نسوي عشه
دره: هسه شراح نسوي انه محتاره شلون
فجر: افااات عليج فجر موجوده لا تحتارين 😊
دره: يعني انتي تعرفين اطبخين
فجر:نعم وبكل فخر 😂
دره: لعد خل نبدي بس شراح نسوي
فجر: معليج انتي بس سوي مقبلات وانه عليه الباقي
دره: اوك حبي
فجر:طلعت 2 دجاج واخذت بس الصدر مالته
وسويته كباب دجاج كملته وخليته بلفرن