خطأ اخي جعلني فصليه

بارت12

الكاتبه ضحى التميمي
......
سيموت قلبي من كثرة تراكم الأيام التي أبتلعها بطعمٍ مُر."
........
عامر: لعد امجد وين وبابا اشو ماكو
رواح: تعال اكعد هسه يجون
ماجده: ليش مصرين ماتكلولهم الي صار
جواد: ليش شنو صار
انس: مصار شي من يحجي بابا نحجي
هسه روحو ارتاحو
عامر: رواح صاير شي ما نعرفه
رواح: لا حبيبي كلشي مصاير روحو ارتاحو
جواد: منو هاي الحلوه بلمطبخ
انس: ياحلوه
جواد: ولك هاي الي بلمطبخ
انس: ولك لا تحجي هيج هاي مرتي
جواد متفاجئ: ليش شوكت ازوجت
عامر: شنو تزوج وماكلتولنهك ليش احنه مو خوانك
انس: شبيكم اكلتوني اكل روحو ارتاحو ونتغده وبعدين اسولفلكم
جواد: قبل لا نروح بس كلي اخذتهه عن حب مووو 😉
انس: ولي منا يله
جواد: هههه ع حب مبين
....
احمد: لازم اروح اشوف فجر هليوم كلش قلق عليهه وصلت لبيت سلمان وخايف من رده فعلهم اخاف يطردوني
خل ادك الباب والله كريم
انس: رواح افتح الباب مدام واكف
رواح: اي مو بنكالي الخلفكم
انس: يله افتح الباب شوف منو زحمه صارله ساعه يندك
رواح: فتحت الباب واشوف ابو فجر
احمد: السلام عليكم
رواح: وعليكم السلام
احمد: والله مالي عين اجي لباب بيتكم
رواح: هذا شلون عرف بلي صار
احمد: بس صارلي ايام اتصل ع فجر ماكو وبالي يمهه خومابيهه شي
رواح: لا مابيهه شي بس يرادلهه شويه تربيه
احمد بحزن: وليدي لا تحاسبهه ع خطأ مو خطأها هيه مالهه اي ذنب بالي صار
رواح: تفضل مايصير واكف بالباب ونحجي وهم راح اشوف بتك
احمد بفرح: تسلم يا اصيل ما تقصر
رواح: دخلته للاستقبال وكعدت اسولفله ع الي صار
احمد متفاجئ: لا رواح لا تضلم بتي مستحيل اسويهه ولا راح اسويهه بتي واعرفها مستحيل اسوي هيج شي
رواح: الفلوس شفناها بملابسهه
احمد: مااصدك لا مستحيل حتلو اشوف بعيني
رواح: شنو تقصد جاي اجذب عليك لو اتبله عليهه اصلا بتك حته حجي ماتعرف تحجي واجفص هواي وماعدهه احترام لامي
احمد: هيه بعدهه صغيره لا تنسه عمرها 18 وانته 27 اكيد مراح تتفاهمون بهاي الفتره
رواح: فكرت بكلامه صحيح بيناته 9 سنوات
رايح اجيب فجر اشوفها
احمد: اي والله مشتاقلهه
رواح: دخلت ع فجر شفته نايمه
فجرررر يله كومي
فجر: تفاجئت برواح جاي كلت بعد مااشوفه
ها رواح
رواح: كومي ابوج هنا
فجر: لا عليك الله صدك هنا ابوي
رواح: يله كومي بسرعه وتعال وراي ابوج عرف بكل سوالفج
فجر: لا عليك الله كتله رواح والله جاي تظلمني
رواح: بلا كلام زايد يله امشي وراي
فجر: ضليت امشي وراه وانه اكول معقوله بابا يصدك انه هيج مسويه لالا مستحيل بابا يصدك يعرفني وانه تربيته
وصلت دخلت ع بابا تفاجئك بشكله متغير وضعفان مجرد فتره قصيره هيج سوت بي لعد ماما شصاير بيهه وقمر
احمد: بنيتي حبيبتي شلونج
فجر : بابا حبيبي مشتاقتلك والله ماما شلونهه قمر واشرف و علي شلونه
احمد: كلهم بخير بس مشتاقيلج
رواح: انه شويه وارجع اخذو راحتكم
ردت اطلع علمود ياخذون راحتهم شفت بعيونهم فرح وحزن وهواي كلام بس اكيد يستحون مني
فجر: طلع رواح وانه ركضت لحضن بابا ابجي واشهك بابا فدوه اخذني منا مااريد اضل
احمد: ااااخ ياربي شسوي ولج بابا والله انه عاجز مااكدر احجي صدت مثل بلاع الموس اذا حجيت واخذت وياي علاوي راح يروح من ايدي واذا ضليتي هنا راح تنظلمين اكثر ياربي امتحانك صعب اثنينهم اريدهم
فجر: بابا والله انه بريئه مااخذت شي انه تربيتك وتعرفني ما امد ايدي ع شي مو الي
احمد: اعرف بويه اعرف بس اااااخ فكري زين منو ما يحبج ويكرهج
فجر: كول منو يحبج
احمد: يعني مو زينين وياج
فجر: خفت ع بابا اذا اسولفله اكيد يضل باله ومراح يسكت
لا بابا زينين بس ماخذين موقف مني بعد تعرف الراح ابنهم وعزيز عليهم وهسه صارت هاي السالفه
احمد: ميخالف بابا تحملي
رواح شلونه وياج
فجر: الحمدلله زين
احمد: يعاملج زين مامأذيج
فجر: لا بابا زين
امانه سلملي ع ماما وقمر واشرف وعلاوي
خاصتا علاوي كله لا يخاف عليه انه زينه ومرتاحه هنا و زوجي زين وياي
رواح : دخلت وسمعت فجر هيج تكل لابوها وتوصي
احمد: تعال رواح امانه الله و رسوله ديربالك ع بنيتي تره هيه فقيره وصغيره هلله هلله بيهه وليدي
رواح: لا تخاف عمي بعيوني هيه
احمد: بس اريد اطلب منك طلب
رواح: اطلب و يجرالك
احمد: اريد اتصل ع امها علمود تحجي وياها
فجر: خفت رواح ما يوافق ضليت اباوعله بتوسل
رواح: شفتهه شلون تباوع وعيونهه حمر من البجي
اي عادي خل تحجي وياها وانطيني رقمك حته شوكت ما تريد تحجي ويه ياكم
احمد: تسلم وليدي ما تقصر فعلا اثبتت انته ابن الحجي سلمان ابوك ماكو منه ويرحم روح اخيك
رواح: مشكور عمي
فجر: اتصل بابا ع ماما مجرد سمعت صوتهه ضليت اشهك مااعرف احجي بعد هيه تبجي وانه ابجي
خوله: ولج فجر كطعتي كلبي ولج يمه مشتاقتلج وين رحتي وعفتينه اتصل عليج ماكو ليش يمه جهازج وين
فجر: ماما مشتاقتلج انه زينه لا تفكرين بيه وجهازي وكع من ايدي وانكسر ومحافطه رقم بابا جان اتصلت عليكم
خوله: ولج يمه لا تكطعين بيه اريد اشوفج ابوج ما كال رايح اشوفها جان اجيت وياه
فجر: ماما شلون قمر وينهه
خوله: ماما اختج راحت لبيت عمج اساعدهم
فجر: سلميلي عليهه
اشرف وينه و علي
خوله : بلشغل ماما
فجر: لا تخافون عليه مابيه شي يله ماما ديربالج ع نفسج
خوله: ان شاءالله وانتي هم ماما ديربالج ع نفسج
فجر: ان شاءالله سديت تلفون وانطيه لبابا
احمد: يله بابا انه رايح
رواح: وين ضل تغده يمنه
احمد: لا شوفت عينك خوله بحدهه بلبيت وهسه سمعت صوت فجر بس اروح الكاها موته روحها من البجي واضل تعتب عليه ليش ما جبتهه
فجر: فدوه بابا ديربالك عليهه هيه صحته مو هلكد
احمد : ان شاءالله بابا لا تخافين عليه يله مع السلامه
فجر : الله وياك ضليت اباوع عليه لحد مطلع وانه دموعي ما وكفت اريد اكله اخذني وياك مااريد اضل يمهم احسهم وحوش وياكلون بلحمي محد صدك بيه ولا سمعني مجرد اخذني و ذبني بلمخزن مثل اي سلعه قديمه لو خربانه مفكر شراح يصير بيه بهذا الحر وانه تعبانه ومريضه تركني ليله كامله هناك بظلام
رواح: طلعت وره ابوج فجر و راح دخلت لكيتهه واكفه بمكانهه وتبجي كتلهه اي امشي
فجر: مشيت بهدوء لان حته مابيه ادافع عن نفسي واعرف مراح يصدك فضلت السكوت
رواح: شفتهه هادئه وماتحجي
فجر: عرفت طريقي رحت بدون كلام ودخلت بلمخزن
رواح: تفاجئت من تصرفها كلت هسه تتوسل علمود ترجع للغرفه بس لا سكت وراحت بدون كلام للمخزن
هسه مشغول باخواني ومحتار شلون راح اكلهم امجد توفه بعدين اوجع لفجر واتفاهم وياها دخلت للمطبخ وشفت جنات و دره جاي يحضرون بلغده
جنات: منو اجه رواح
رواح: ابو فجر
جنات: خطيه اكيد قلقين عليهه جان خليته يشوفهه
رواح: رفعت حاجبي ما عجبني كلام جنات
ومنو كلج ما خليته يشوفها
جنات: فدوه لكلبك ادري بيك طيب وماتحب الظلم فتح عينك زين وشوف منو اله مصلحه هيج يسوي
رواح: استغربت من كلام جنات شنو تقصدين جنات منو اله مصلحه هيج يسووي اكيد فجر هيه سوت هيج بعدهه طفله و مراهقه
جنات: لا رواح هاي فقيره ومثل ما كلت طفله ماتسويهه
رواح: الله كريم يله صبو الغده خل نتغده متت جوع
جنات : تدلل حبيبي هسه نصب
دره: يعني راح اضل بلمخزن وهيه هيج حالته ومريضه
جنات: لا مراح اخليهه بلمخزن بعدين احجي ويه رواح واشوف حل الهه هسه خل نصب غده ومن نخلص الله كريم
دره: صبينه الغده انه وجنات تعودت انس يجي يساعدنه هيج وكت يفرش السفره وينقل الاكل بس ابتعد عني ومايحجي وياي
جنات: شبيج دره صاير شي
دره: لا ماكو شي
يله تعاي
جواد: شنو هاي ريحه الاكل تموت
عامر: اي والله اشتاقينه لاكل البيت
متنه من اكل المطاعم
انس: اي خطيه اشوف صاير وجهك شطوله
عامر: اي شطوله ومصوفر
رواح: خاااب يا مصوفر انه وجهي صاير اصفر شوف شحلاتك وجهك احمر
زكيه: كول ماشاءالله لا تحسد اخوك
رواح: شسالفه حجيه هنا بعتيني
جواد: اكول امجد اشو ماكو مو لازم الكل يكعد ع الغده
سلمان: بويه انه كلفته بشغله ضروريه و راح يله مدو ايدكم قبل لا يبرد الاكل
جنات: والله مشتاقه لمتنه
طبعا عامر و جواد متفاجئين من شكلنه و ضلو يسألون ليش لابسين اسود بس احنه كنالهم بيت جوارينه توفه واحتراما الهم لبسنه
جواد: احس اكو شي بس مجاي يحجون
عامر: اي وانه هم اكول هيج خل نخلص غده ونكعد ونشوف شبيهم ليش هيج جاي يتصرفون تصرفاتهم غريبه
رواح: يله اكلو شبيكم
.....
فجر: متت من الجوع ومحد ذكرني وجسمي رجع صخن وحار الجو اوووف صارلي يوم ومليت من هذا الوضع
..
دره: خلصنه غده وبديت انقل الماعين للمطبخ علمود اغسلهم وجنات وياي
جنات: عزه بعيني نسيت فجر مااخذتلهه غده
دره: ياااا خطيه نسيناهم روحي اخذيلهه غده وانه اكمل
جنات: انس حباب كوم ساعد دره الماعين هواي بس انقلهم للمطبخ وانه من ارجع اساعدهه
دره: لا حبي مو هواي انه هسه اكمل بسرعه روحي
انس: روحي البنيه اكيد ماتت من الجوع روحي شوفيهه خطيه هسه اساعد دره انه
جنات: اي فدوه انه رايحه
دره: ماكو داعي اساعدني اكدر اشتغل واشيل
انس: انطيني الصينيه والصمي ما طلب اذن منج
دره: هففف
انس: وجع شبيج معاجبج كلامي
دره: انس كتلك والله
انس: اششششش كافي مااريد اسمع شي وضلي نقلي بحدج
دره: ضليت انقل بحدي اخر شي جاي اشيل الصينيه وعثرت الماعين وكعت مني وانكسرت
الكل: الله الله
زكيه : وعمه شبيج مااشوفين
ماجده: ثوله كلشي ماتعرف اسوي
انس: ماجده جان كمتي شلتي بمكانهه لو بس تعرفين تحجين
ماجده: وليش اكوم بمكانهه هيه فصليه يعني خدامه
عامر& جواد 😩😩
عامر: لحظه شنو فصليه شبيج ماجده بيا زمن احنه وعلمود شنو فصليه
سلمان: كعدو بويه خل افهمكم
جواد: انه شاك صاير شي ومن مساع كاعد ع اعصابي احجو فهمونه شكو شصاير
سلمان: بويه تعرفون الله انطانه الروح امانه عدنه ويكدر ياخذهه باي وكت واحنه ناس مسلمين و راضين بقسمته وكلشي صار قضاء و قدر
عامر: شنو صار بابا فهمني
رواح: امجد انطاكم عمره
جواد : لا مسحيل صدك تحجون
شلون صار هيج
عامر: شلون توفه وشوكت ولش احنه اخر من يعلم صدك تحجون فدوه رواح انس كولو الصدك جاي تشاقون عادي ما اعصب عليكم بس كولو غير حجي فدوه
جواد : ليش محد انطانه علم
انس: كافي لا تبجون الله امر الله وكلنه النه يوم
جواد: شلون صار هيج
سلمان: كعدو بويه اسولفلكم ع الصار
رواح: كعد بابا يسولفلهم ع الصار وهما متفاجين ومنصدمين بنفس الوكت
جواد: يعني دره فصليه و اخوها هو الي كتل اخوي
سلمان: مو بس دره فصليه اكو وحده ثانيه هم تصير زوجه اخوك رواح
عامر: لالا مستحيل صدمه وره صدمه مجاي اتحمل
زكيه: ااااااخ يمه وليدي راح مني وعافني ولكم اخوكم راح
سلمان: انتي تعرفين كلش زين ابنج جان تعبان وهو الغلطان مايبطل عصبيته الله يرحمه خسر حياته من وره عصبيته
جواد: يعني الي كتلوه مالهم ذنب
سلمان: لا طبعا الهم ذنب بس اخوك تعارك وياهم و هو عنده قلب ما تحمل
.........
اتمنى الكم قراءه ممتعه احبتي
لا تنسون التصويت
و رئيكم بلقصه مهم
اريد تعليقاتكم