خطأ اخي جعلني فصليه

بارت10

الكاتبه ضحى التميمي
هاي هديه الكم بس تفاعلووو
.........
فجر:كعدت اون من الألم شفت جنات كبالي
جنات: ها فجر شلون صرتي
فجر: جنات جسمي كله يأذيني
جنات: خل اتصل ع رواح يجي ياخذج للمستشفه
فجر: لا خاف عده شغل وهليوم اول يوم اله بلشغل
جنات: لا عادي انس موجود هنا هسه اتصل عليه
.....
رواح: بالي ضل يم فجر مااعرف ليش حسيت بشعور غريب اتجاها مااعرف شنو من شعور لا هو كره ولا حب ضليت محتار
انس: رواح تلفونك وين جنات جاي تتصل عليك ماكو
رواح: مااعرف هسه اشوفه
يمكن بلسياره ضل خل اروح اجيبه
شفته بلسياره وشفت مكالمات من جنات رجعت اتصلت عليهه
جنات: وينك رواح
رواح: ناسي تلفوني بلسياره شبيج ليش متصله
جنات: فجر مو زينه تعال اخذهه للمستشفه
رواح: شويه واجي حضري روحج ترحين ويانه
جنات: ماشي انتظرك
.......
فجر:اسمع جنات تتصل ع رواح وتكله يجي وانه مابيه حيل حته اكوم
جنات: انه رايحه ابدل وارجع
فجر: راح ادخل اسبح بلكت تروح الصخونه
جنات: تحتاجين مساعده قبل لا اروح
فجر: لا هسه اكوم روحي انتي بدلي قبل لا يجي رواح
طلعت جنات وانه كوه امشي مابيه حيل كلت التوبه اذا اسبح وانام بعد اخذت برد وصخنت كوه دخلت للحمام اسبح
رواح: وصلت للبيت دخلت واشوف كبالي زيطه (مريم) ردت اصعد بدون سلام
زكيه: يمه شبيك مااسلم ع الاقل سلم علينه
رواح:يمه مستعجل اريد اخذ مرتي للدكتور (تقصدت احجي هيج كبال لزيطه)
زكيه: اي وليدي بعد خذت عقلك روح روح
رواح: رحت عنهه بدون كلام اصلا انتبهت ع فجر فقيره بس فاهيه بس اجفص بلكلام دخلت للغرفه ما لكيتهه هااي وين راحت بعد خل اشوف الحمام دكيت الباب ماكو
فجررررر فجرررررر وينج خل اشوفها خاف يم جنات
......
جنات وين فجر
جنات: بلغرفه
رواح: لا مو بلغرفه ماكو
جنات: لا عفتهه تريد تسبح
رواح: دكيت ع الباب مجاوبت لعد
جنات: ماسمعتك روح وشوفها بلحمام
رواح: رجعت للغرفه ادك الباب ماكو قلقت هاي شبيهه ليش ماتفتح
فجر ردي عليه اذا ما تردين افتح الباب فجرررر اسمعيني هففف هاي شبيهه ناقصني بعد بس ضيم النسوان
فتحت الباب تفاجئت فجر واكعه بلكاع رحت عليهه ركض خليتهه بحضني اصيح عليهه ماكو بعدين لا فتحت عيونهه اووووف اخترعت بالي صار بيهه شي
فجر: دخلت للحمام سبحت وخلصت لفيت المشف عليه اريد اطلع ابدل دخت و وكعت فتحت عيوني لكيت روحي بحظن رواح 😱😥
رواح: من فتحت عيونهه ومتفاجئهه هيه بحظني انه حسيت ع روحي وانتبهت هيه بدون ملابس بس بلمنشف مالتهه
فجر: انحرجت من هذا شكلي و وين بحظنه احس وجهي ضل يطلع ناااار فوك ما مصخنه هنوب صار وياي هذا الموقف
رواح: انتبهت عليهه ضاجت كتلهه تردين اساعدج لو انتي تكومين
فجر: هاااا لا انه اكوم مابيه شي
رواح : اوك انتظرج برا وراح اصيحلج جنات
فجر: اي ياريت
رواح: 😒😒
طلعت من الغرفه شكلهه حته مابيهه حيل تمشي سندتهه ونزلنه الدرج سوه شافتنه مريم رادت تنفجر علينه
فجر: هو سندني وانه وجهي احسه راح يطك من الحراره اول مره يلزم ايدي ويكون هيج قريب عليه اباوعله عبالك عادي عنده رغم الالم البيه بس ابتسمت مااعرف ع شنو
حسيت بالاهتمام بالخوف مشاعر مخربطه
رواح: تقصدت اقرب منهه علمود اشوف الزيطه مو اهتمام لهه لا بس اريدهه تبعد عني اخذت فجر للمستشفه وشافهه الدكتور
الدكتور: انته اخوها الجبير
رواح: لا انه زوجها
الدكتور: اها ممبين عليهه مزوجه فكرت اختك الصغيره
رواح: لا دكتور زوجتي 😒
فجر: الدكتور كله هيج وانه ضليت اضحك 😂صدك مبين ابوي مو اخوي
رواح: عليش اضحكين كيفتي مووووو 😡
فجر: لا مو قصدي
رواح: بسيطه عينج نزليهه وصيري حبابه
فجر:😔
رواح: كتب الدكتور الهه علاج ورحت جبته من الصيدليه
جنات: ها رواح شوكت نرجع للبيت جو المستشفى كئيب يمرض الواحد
رواح: هسه اروح اشوف الدكتور شيكول
رحت للدكتور كال عادي طلعون ماعليهه شي رجعت لفجر وجنات وكتلهم
يله امشو كال عادي طلعون
........
ماجده: ولج مريم سحرت اخوي بس يدافع عنهه وانتي تعرفين رواح ما يدافع لاحد
مريم: اي شفته ضليت وياه 9 سنوات ولا مره لزم ايدي وهاي صارلهه شكم يوم يسندهه فكري بشي نسوي الهه
حته نكسر عينهه
ماجده: ببالي شي
مريم: كولي شنو وانه وياج
ماجده:.......
..........
فجر:رجعت للبيت وانه كوه امشي اريد بس اروح للغرفه واشوف البيت هوووسه
رواح: شكو شصاير
زكيه: ولك يمه صخمنه الحك علينه
رواح:شكو يمه شصاير
زكيه:ولك يمه اكو رجال منطي ابوك فلوس مال فصل وهسه ابوك يدور عليهم ماكو
سلمان: زكيه كتلج هاي الفلوس امنه لازم ترجع الصاحبهه
باجر الكعده شلون شكلهم
رواح: شكد الفلوس يابه
سلمان: ولك يابه يكسرون الظهر
رواح: شكعد يعني
سلمان:100 مليون فصل عشائري
رواح:دورتو عدل
ماجده: غرفه بابا دورتهه شبر شبر ماكو
هاي الحاله اول مره اصير عدنه دائما بابا ينطونه فلوس الفصل ويرجعون ياخذوهم منه شمعنه هلمره ماكو
رواح:شنو تقصدين
زكيه: قصدهه واضح يمه شوف الغريب الي اخذه
فجر:😱بس لا قصدهم عليه انه ودره
اذا تردون فتشو غرفتي
دره: وانه هم فتشوها
سلمان: لا بويه انتو ونعم منكم والكل يعرف سمعه اهلكم
انس و رواح وماجده و جنات هسه دورون بلبيت كله شوفو وين الفلوس
رواح: يمه هليوم اجالنه احد غريب
مريم: شتقصد رواح
رواح: اعتقد سمعتي الي كتله احد غريب ما كلت بت عمي
مريم: اها عبالي
رواح : شنو عبالج
مريم: لا هيج
......
فجر: اباوع عليهم مضل مكان بلبيت ما دورو بي وماكو
سلمان: بويه جيبولي حبوب الضغط
زكيه: عزه بعيني راح يروح منه الرجال لا تخاف يابعد بيتي هسه يدورون اكيد بلبيت
ماااجده: خل نشوف غرفه دره و فجر
رواح: ماجده احترمي نفسج عيب
فجر: لا رواح خل تروح اشوف
دره: اي عادي خل اشوف
ماجده: يله كلكم كومو وياي وبحظوركم راح انفتش غرفهم
.......
فجر: اول شي راحت ماجده لغرفه دره فتشتهه ماكو
ماجده: غرفه دره كلشي مابيهه
بس لحظه هاااااي شنووو موبايل عدهه
دره بشهكه: هذا مو الي
انس: عوفي ماجده هذا الي
ماجده: ولا مره شايفته عندك انس ليش اجذب
انس:احترمي نفسج وكتلج هذا الي انطيني ياه
ماجده: هااك اخذه
يله نروح لغرفه فجر
فجر: دخلت للغرفه نكتتهه نكت تفاجئت انصدمت حته مضليت احس بالالم طلعت الفلوس من الكنتور
ماجده: اكدر اعرف هااااي شنو
فجر: والله مااخذت شي ولا شفت شي
رواح: شنو هاي فجر
فجر: والله مااعرف انه هليوم كله مطلعت ومريضه انته تعرف كوه اكوم شلون اوصل للغرفه واخذهم
سلمان: ما تصور هيج اسوين تفووووو 😡
زكيه: بعد منو اخوها ومنو اهلهه
فجر: والله مسويت شي ولا اخذتهم وحته مااعرف وين جانو
ماجده: لا اجذبين فجر البارحه انتي نظفتي الغرفه واكيد اخذتيهم
فجر: انتي شتكولين انه ولا مره ماده ايدي ع شي مو الي
رواح: امشي وياي فجر
فجر: رواح صدكني كلشي ما سويت
رواح: كتلج ااااااامشي
اخذتهه للمخزن وشمرتهه بي
فجر: اااااخ شبيك ايدي هدهه
رواح: تكعدين هناااا وما تتحركين وهاج هذا علاجج اسممي بي
......
زكيه: الحمدلله الله كشفهه ع عمه عينهه شكد صلفه
مريم: اووي خاله شلون خالينهه تكعد هنا المفروض اطردوها ع شنو بعد باقيه اشو باكتكم وهيه حته شهر مصارلهه
زكيه: وليدي رواح مراح يقصر وياها واحنه جبناها هنا خدامه
ماجده: خل تولي تسوي روحها مريضه
جنات: حرام عليكم البنيه ماتسويهه وهيه فقيره
ماجده: جنات الصمي لا تحجين انتي كلشي ما تعرفين بعدج
جنات: شنو الي مااعرف انه متأكده فجر مااسويهه
زكيه: عوفوها خل تولي
يمه رواح باجر خوانك يجون من سفرهم
رواح: صدك شوكت اشو ما كالو
زكيه: اي يمه مساع خابرتهم وكالو راح نجي باجر
موعد طيارتهم ب9 الصبح ب11 هما هنا
.....
رواح: انه عندي اخوان اثنين غير انس وامجد (الله يرحمه)
وجانو يدرسون برا خواني تؤام (عامر و جواد) مشتاقلهم كلش وفرحت من كالت امي راح يجون ع الاقل هذول روح البيت يشاقون ويضحكون ويه الكل
.....
انس: دره تعاي وراي للغرفه
دره: ها انس شبيك
انس: هذا تلفون المن كولي
دره: شبيك انس مو كلت هذا الكم
انس: ولج دره لا اجذبين هذا مو الي بس ردت اغطي ع سويتج السوده وكلت الج
ليش هيج اسوووين هااا عود صارت عندي ثقه بيج وكلت خل اعتبرها زوجتي هيج اسوين عندج تلفون وماادري جان كلتي اريد تلفون اجيبلج بس لا اسوين هيج
دره: صدكني انس مو الي والله مو الي ولا شايفته بحياتي هاي اول مره اشوفه
انس: ولج شوفي المحادثات كلهه باسمج
ولج باعي التاريخ مال المحادثه
دره: والله مو الي 😭😭والله
انس: اششششش سكتي ولا تحجين طحتي من عيني ولا اريدج بعد وحسبي حسابج راح تنامين بلكاع و بعد ما تحجين وياي
شوفي المحادثات ياااربي كلهه ويه ولد
ولج منو حيدر و مصطفى هنووووب مو بس واحد لا اكثر من واحد خررررررب عرضج
دره: انس صدكني كتلك والله مو الي 😔
انس: كافي اسوين نفسج فقيره
هذا هو راح تصيرين خدامه لامي ولخواتي وبس لا تتوقعين فد يوم اتقبلج كبالهم عادي معاملتي وياج مثل ما هيه بس بلغرفه لااااااا تحلمين بعد اشوفين انس الهادئ بعد هاي سوايتج
........
قراءه ممتعه احبتي