الكاتبه ضحى التميمي
..... .......
قد انسى ماقالوه لي يوماً ..
لكني لن انسى ماجعلوني اشعر به"
...............
جنات: رحت لفجر بسرعه اكيد هسه ميته جوع خطيه
فجر: اجت جنات تركض فز كلبي عبالي بيهه شي
شبيج جنات صاير شي
جنات: اسفه تأخرت عليج بالاكل بس تعرفين خواني اجو والتهيت ويه دره تعرفين بس انه اساعدهه
فجر: لا عادي
جنات: فجر شبيج رجعتي صخنتي اشو خدودج حمر
رحت يمهه خليت ايدي ع كصتهه
فجر: اي رجعت الصخونه عليه
جنات: يله اكلي واخذي علاجج
انه رايحه اساعد دره عفتهه بحدهه بلمطبخ وماعين هواي
....
فجر عافتني جنات وضليت اكل عبالك صارلي سنه مماكله شعبت اخذت علاجي دخت ونمت
...
جنات: دخلت للبيت شفت الكل يبجي ردت لدره كتلهه ها عرفو
دره: اي
جنات: منو كلهم شلون عرفو
دره: ماجده الله يصلحها جفصت بلكلام وعرفو
جنات: ليش شسوت
دره: كالت كبالهم عني فصليه و عرفو
ماجده: هاااا شجاي اسولفون
جنات: ماجده انتي ليش هيج اسوين ماتخافين الله
ماجده: هاي الفصليه شكلتلج ولج
جنات: مكالت شي بس عاجبج هسه حاله اخوانج خطيه ما انكسر خاطرج عليهه شوفي الدموع بعيونهم
ماجده: اول و تالي راح يعرفون شنو قابل ماراح يعرفون
....
رواح: جنات اريد جاي صبيلي وجيبي للغرفه
جنات: تدلل حبيبي
دره: يله جنات عوفي الماعين وصبيله جاي واحجي وياه علمود يرجع فجر للغرفه
جنات: اي هسه احجي وياه
صبيت جاي واخذته
رواح: اي بعد اخوج
جنات: رواح اريد اطلب منك طلب
رواح: اذا بخصوص فجر لا اطلبين
جنات: فدوه خويه فجر مريضه ومو زين اضل هناك المخزن حار وحته مابي فراش تدري نسيته بدون غده من اذكرت وديتلهه اكل لو اشوفها شلون تاكل عبالك وحده مشايفه اكل كاتلهه الجوع
رواح: شبيهه مريضه
جنات: رجعت الصخونه
رواح: عوفيهه هناك
جنات: بس ميصير هيج
رواح: جنات لا تلحين تعبان اريد انام طلعي وسدي الضوه وياج
....
جنات: طلعت من غرفته وانه افكر بفجر شلون بيهه اذا ضلت هناك يمكن اسوء حالتهه البنيه ترفه ما تتحمل هيج مكان
والجو حار شسوي متت من التفكير احسن شي انزل واشوف دره خلصت لو بعدهه
دره: ها جنات بشري شصار
جنات: ما قبل وكلي طلعي وسدي الضوه اريد انام
دره : وشلون تبقى هناك
جنات: ماادري ماادري
انس: شبيج جنات
جنات: ضايجه علمود فجر
انس: اصدكين حته انه ضايج عليهه واكول مااسويهه
دره: اباوع ع انس شلون يحجي واكول بكلبي جا شبيك ما صدكتني
انس: شفت دره صفنت بوجهي وجنات راحت ها دره شبيج مضيعه شي بوجهي
دره: من كال هيج استحيت لا ماكو شي
انس : اها عبالي بيج شي
صبيلي جاي
جواد: وانه هم اريد جاي
انس: دخيلك ربي شنو اريد انه يريد هو
جواد: هههه لا ولك بس احب الجاي واريده من ايد مره اخوي
انس: اي ليش لا اشرب جاي عيني
...
رواح: كعدت العصر بدلت ورحت للمجمع التهيت بلشغل اريد ارجع للبيت واذكرت جنات كالت انسه اخذلهه اكل وكفت كبال سوبر ماركت اخذت حلويات و بسكت ورجعت للبيت متأخر لكيتهم كلهم نايمين رحت لجنات اريدهه تاخذ العلاكه لفجر دخلت عليهه نايمه
.....
فجر: كعدت بليل جنت دايخه من العلاج يسطر الواحد سطر رغم حراره المكان بس اخذت علاجي نمت نوم عميق ما حسيت بعد كعدت جوعانه ومااكدر اطلع وجنات مبينه هم نستني شسوي هسه هنوب مااكدر انام جوعانه و اصلا شبعت نوم
...
رواح: خل اروح اوديهه انه اكيد فجر نايمه وكت متأخر رحت للمخزن فتحت الباب وشفت فجر كاعده تفاجئت عبالي نايمه
فجر: كاعده وانتظر جنات بلكت تذكرني وتجي انفتح الباب فرحت عبالي جنات بس انصدمت هذا رواح شجابه شيريد
رواح: ها اشو كاعده انتبهت ع خدودهه حمر
فجر: اي العصر كله نايمه انتبهت ع ايده شايل علاكه
رواح: تعشيتي
فجر: لا 😔
رواح: ليش
فجر: جنات نستني
رواح: اها انه هم ما متعشي تعاي سويلي عشه
فجر: والله بطران جاي متأخر و يريد عشه
رواح: شبيج
فجر: مابيه شي هسه اسوي عشه
...
رواح: انه مجوعان بس ردت تسوي علمود تاكل هيه
فجر: خلصت العشه وين تريده هنا لو بلغرفه اصعده
رواح: صعدي بلغرفه
فجر: صعدت العشه اريد انزل جان يصيحلي
رواح: ها وين رايحه فجر
فجر: انزل جوه
رواح: لا تعاي تعشي وياي
فجر: لا ما جوعانه
رواح: كتلج تعاي اكلي وياي يله 😡
فجر: يحجي بعصبيه اي جايه كعدت اكل ما حسيت ع روحي لان ميته جوع
رواح: اباوعلهه شلون تاكل خطيه جوعانه
ها مو كلتي ماجوعانه
فجر: استحيت من كال هيج
هااا اي ما جوعانه كلش
رواح: يا ما جوعانه كلش غير اكلتي كلشي
فجر: انته ليش ماجاي تاكل
رواح: انه متعشي
فجر: لعد ليش خليتني اسوي عشه
رواح: علمودج يله من تخلصين عشه نزلي الصينيه و طفي الضوه اريد انام تصبحين ع خير
فجر: خلصت اكل وانته من اهله
نزلت غسلت الماعين البيت هدوء وبارد هسه حتلو انام بلمطبخ هم قابله ولا حراره المخزن
رجعت للمخزن شسوي بعد خاف يعرف نمت بلبيت ويضل يحجي
رواح: ضليت اتكلب ما نمت انتظرتهه ترجع ماكو نزلت ادور عليهه ماكو هاي وين راحت بس لا رجعت للمخزن
رحت للمخزن واشوفها كاعده هناك
شجاي اسوين هنا
فجر: بسم الله الرحمن الرحيم شبيك خرعتني
رواح: شايفتني جني شعندج هنا
أنت تقرأ
خطأ اخي جعلني فصليه
عاطفيةما ذنبي خطأ اخي و تصرفاته جعلتني فصليه بين تلك الوحوش التي لا ترحم
