خطأ اخي جعلني فصليه

بارت17

الكاتبه ضحى التميمي
...............................
"كما تدين تدان"
ليس فقط في الانتقام ، بل ستدان حين تجبر خاطراً ، أو تزيل هماً ، أو تسعد شخصاً ، سيأتي اليوم الذي يدان لك فيه جميلك ..❤️😍
...............................
ماجده:كعدت بليل الكل نايم اباوع ع البيت فارغ كل واحد بغرفته
اااااااي يا ماجده محد الج ضليتي وحدج
اخوج الجان يكعد يمج و صار جوه التراب والباقين ملتهين
فجر: كعدت ع شبعانه نوم كلت خل انزل اسوي عشه قبل لا يكعدون نزلت شفت ماجده كاعده و صافنه كلت مساء الخير ما ترجع
وووووجع ع اساس ميته ع ردج قرده 🐒
رحت للمطبخ وبديت اسوي الريوك
ماجده:شفتهه نزلت كالت مساء الخير ما رديت يوم بعد يوم جاي يزيد كرهي الهه مااحبهه اخوها قتل اخوي مراح اخليج مرتاحه يا فجر بس صبري عليه
زكيه:ها يمه شبيج صافنه
ماجده: مابيه شي ماما بس مجاي اطيق فجر
زكيه: ليش انه حابتهم هيه و دره مااريدهم يرتاحون
ماجده:يمه فكري بشي يخرب عليهم حياتهم اذا ضلت فجر هيج راح تاخذ رواح منه
دره ثوله وماتعرف تصرف بس فجر نسره كلشي يطلع منهه
زكيه: خل افكر بشي يكسر شوكتهم
مااجده : اي يمه فدوه
.....
فجر :خلصت العشه والكل بده يكعد
دره: ها فجر شلونج
فجر: الحمدلله وانتي
دره: ولج متكسره جسمي كله يأذيني
فجر: اي والله تعبنه كلش
دره: اسفه حبي ما ساعدج بلعشه
فجر: لا عادي اصلا انه بحدي نزلت وسويت محد كلي شبعت نوم احتاريت وين اروح وشسوي عاد نزلت اسوي عشه احسن بس فاتج شفت ماجده كاعده وبس تخزر بيهه هاااي البنيه مو صاحيه يمكن بيهه جني
دره: هههههههه والله محد بي جني غيرج ما تبطلين سوالفج
فجر: هههه ولج احجي صدك
دره: اشتاقيت السوالفج ومن اسوين اكل ضلين ادعين عليهم 😂
فجر: خاصتا من اكول سم الهاري 😂😒
يله تعاي نفرش الفسره كلهم كعدو
فرشناها والكل كعد بس مبين عليه التعب وعبالك منايم كل واحد يريد يتعشه ويرجع ينام عبالك جانو يجاهدون مو زياره
جنات: فجر اشو كاعده و مصحصحه ولا عبالك جنتي بسفر وطريق
فجر: جا نمت وشبعت نوم ارتاحيت طلابه بعد
جنات:هنيالج والله
رواح: جواد و عامر باجر طلعون للشغل واريد تكعدون من وكت
انس: انه مابيه اطلع جسمي يأذيني و دايخ
رواح: لا تطلع الولد بمكانك
........
فجر: خلصو عشه نظفت المطبخ انه و دره طلعنه ماكو احد كاعد بالاستقبال
دره: ولج ماكو احد وين راحو هههههه
فجر: شفتي شكلهم ع الاكل عبالك راجعين من كربله مشي
دره: هههه اي والله شسالفه
فجر: يله احنه هم خل رجع انام
دره: اصبحين ع خير
فجر: وانتي من اهلوو

...........
رواح: صعدت اريد انام ماااكو شبعت نوم بس جسمي تعبان
فجر:دخلت لكيت رواح كاعد
ها رواح اشو ما نمت
رواح: اي جسمي يأذيني
فجر: اخذ حبابه تخلي جسمك يرتاح
رواح: ماعندي
فجر: استحيت انام يمه ع جربايه كل مره ادخل الكاه نايم وانام هلمره كاعد اخذت فراش و فرشتلي جوه
رواح: استغربت من تصرفها كل مره تنام يمي هلمره ليش فرشت بلكاع 
ليش جاي تفرشين بلكاع كل مره تجين تنامين ع الجربايه
فجر : هاااا مو كلت خاف ما تاخذ راحتك
رواح: لااا تعاي نامي هنا لا تاخذين برد الارض بارده و تتمرضين
فحر: بعد احسن لان نومه الارض تكسر
شلت فراشي ورحت نمت يمه
رواح: فجر
فجر: نعم
رواح: اسف
فجر: ع شنو
رواح : ع الي صار باخوج
فجر: لا جان حقج ولازم انه اكلك
بس خفت اشوفه و سمعه حجي وخفت تتعاركون
رواح: لو كايله احسن لان تعاركنه ههههههه
فجر: ههههه كسرت اخوي
رواح: من وره تصرفاتج لو اشوفين النظرات الي صارت بينكم
نبهتج بس رجعتي تباوعين ما تحملت رحتله كسرته 🙄
فجر: شنو تغار عليه
رواح:هاااا لا شنو اغار عليج بس يله خمدي تصبحين ع خير
فجر:وانته من اهل الخير
..........
ماااجده: الووو مريم شلونج شخبارج
مريم: الحمدلله وانتي
ماجده: مو زينه بوجود فجر
مريم: ليش شنو سوت
ماجده: الحد لان ماكو شي بس اذا اضل هيج تاخذ رواح
مريم: عزززززه هذا شبي مو جان مغرور ومايحب النسوان
ماجده: ولج متغير يسولف وياها ويساعدهه عادي فكري بشي يكسرها
مريم: باجر العصر اجيلكم ونشوف شنسوي
يله حبيبتي تصبحين ع خير
ماجده: اجميعين
.............
جواد: عاااامر اكعد
عامر: ولك نعسان خليني انام
جواد: هفففف ضوجه دخلت ع الفيس اتصفح بي شفت منشور بنيه تريد احد يعلمهه ع تصاميم الصور
علقتلهه كتلهه دخلي خاص انه اعلمج
دخلتلي خاص
قمر: هلووو ممكن تعلمني
جواد: اي ادللي عندج برامج مال تصميم لو لا
قمر: اي عندي
جواد:اوك وصليت اعلم بيهه خررررب شلعت كلبي كوه تستلم ماتعرف شي بلتصاميم
قمر: شكرا تعبتك وياي
جواد: لا عادي ادللي
قمر: مااعرف بلتصامين اختي جانت تسويلي
جواد: ههه جا وين اختج هسه
قمر : ازوجت 😓
جواد: هههه اها شكد عمرج
قمر: 16 وانته
جواد: العمر كله بعدج صغيره
قمر:اي وانته شكد عمرك
جواد:23
قمر: العمر كله عمو 😂
جواد: لا ع بختج يا عمو بعدني بشبابي
قمر: هههه اي هم صح
جواد: من وين انتي (بده الزحف 😂)
قمر: من البصره وانته
جواد: هلا والله بت ولايتي
...
ضليت اتعرف ع قمر ارتاحيتلهه ضلينه نحجي للصبح
............
دره: ضليت انام ع الارض و كلامي ويه انس محدود ما حاول يحجي وياي وانه هيج مرتاحه خليني بس اخدمه ماااريد منه شي (عِـش من اجل نفسك ، أدر ضهرك لكل من لا يستحقك
فلا غياب الا غياب راحتك ولافقدٌ ، الا فقد ذآتك ..🌿💛 !)
هاي المقوله طبقتهه احسلي
انس: مستغرب منهه ماتحجي اله اذا طلبت منهه شي وتنام بلكاع انزعجت من تصرفها
.........
رواح: كعدت لكيت فجر بحظني هاي شوكت اجت بحظني ابتسمت مجرد وجودهه يمي يخليني احس براحه
جنت احب مريم واريدهه وماحبيت غيرها ومن خانتني كرهت النسوان ومن اشتغلت بلمجمع كرهت النسوان بعد اكثر يجون و يتحارشون اشكال النسوان شفت فاخذت نظره عليهم كلهم رخاص ومااريد ارتبط بس من اجت فجر لااااا مراهقه ومالهه بهاي السوالف التعبانه الحد لان ما ظهر عليهه شي غير فلووووس ابوي اااااخ بس لو اعرف ليش هيج سوت جان ارتاحيت حسيت عليهه كعدت سويت روحي نايم
فجر:كعدت لكيت روحي بحظن رواح ابتسمت لا ارادي وكمت منه بسرعه قبل لا يكعد يشوفني بحظنه  ادري بي يكره النسوان و مايحبني و يشوفني مثلهم سبحت وبدلت نزلت جوه لكيت دره كاعده قبلي
ساعدتهه والكل كعد  تريكو
رواح: شبيك جواد شكلك نعسان
جواد: هااااا مابيه شي
رواح: يا مابيك شي شوف شكلك وعيونك نعسان موووو
جواد: لا مانعسان
عامر: جذاب البارحه كله كاعد ونام الصبح كعدته كوه كعد موتني
جواد: الله يطيح حظك عود انته اخوي
امده هيج خوه
عامر: كبرررر حته كبر
رواح: كافي يله خل نروح للشغل
فجر: ضحكت ع سوالفهم
طلعو و رحنه للمطبخ
دره: شنسوي غده
فجر: مااعرف سألي الحجيه
دره: لا اااخاف منهه انتي روحي سأليهه
فجر: اي اروح شكو بيهه
زكيه: هاااا ماجده فكرتي بخطه شي
ماااجده: لا والله يمه مريم تجي ونشوف شنسوي
فجر: هاي ع شنو يحجون وهم مريم الزكه جايه اهووووووو خلت عليهم من شافوني غيرو السالفه
ماجده: خير شرايده
فجر: حجيه شنو مشتهيه غده
زكيه:هااا سوو سمج
فجر: ان شاءالله
ماجده: يمه رواح ما ياكل سمج
زكيه: ادري من يرجع نكله فجر طبخت و كتلهه انته ما تاكل سمج وهيه كالت انه ما اشتغل عدكم اسوي شغله وحده
ماجده: ههههههه عفيه عليه ماما
........
جواد: اشتغل و بالي كله يم قمر كلساع ادخل ع حسابهه اريد اشوفها شوكت تكعد ههههه شيكعدهه اذا ب5 نامت
عامر: هاااا جواد شبيك اشو صافن
جواد: مابيه شي
رواح: جواد انتبه ع الشغل
ويله اشتغلو لا اضلون اسولفون
جواد عوف جهازك يله خل نخلص الشغل علمود نرجع للبيت جوعان

.........
فجر: خلصت الغده وباقي بس يجون حته نصب
.......
جواد &عامر&رواح : السلام عليكم
زكيه: وعليكم السلام
رواح: شنو الغده ميت جوع
زكيه: سمج بس كلت لفجر اسويلك دجاج
رواح: اروحلج فدوه يمه
زكيه: يله كومو غسلو وبدلو ع ما يصبون غده
ماااجده: هههههه راح تعلك ع الغده
زكيه: هههه اي بس رواح جوعان سوده عليه
ماجده: عادي ماما يطلب من مطعم ويتغده
زكيه: يله روحي كليلهم خل يصبون
ماجده: دره & فجر يله صبو غده
فجر: ان شاءالله صبينه غده وكعدو الكل
رواح: وين الاكل مالتي
فجر: هذا
رواح: شنو هذا انه مااكل سمج
فجر: هاااا ماادري بيك متاكل جان سويتلك شي ثاني
زكيه: عزززززه مو كتلج انه رواح ما ياكل
فجر:يااا شوكت كلتي
ماجده: شنو اجذبين امي
فجر: لا بس
رواح: بس شنووو ولج انتي ما تستحين هيج تحجي مره بكد امج جذبينهه طاحه الحظ ادبسزززز
اخلاقج ما عندج
فجر: رواح والله محد كلي
رواح: اشششش 😡 اكلي خره وانجبي
امي مااجذب
زكيه: شكددد صلفه انتي ما تستحين جذبيني عينك عينك
فجر: مجاي اجذب بس انتي ما كلتي
رواح: ولج بعدج تردين ع امي
مااااا تحملت تصرف فجر ضربتهه راشدي
فجر: رواح والله
رواح: ولا كلمه ولي صعدي فوك
فجر: لاااا لهنا وكافي ما اتحمل هاي التصرفات مالتكم ماعدكم ذره انسانه
انه ما مجذبه بس امك ما كالت لو كالت جان سويت
رواح: ............
............
قراءه ممتعه احبتي
لا تنسون التصويت
حته تصعد القصه