خطأ اخي جعلني فصليه

بارت7

الكاتبه ضحى التميمي
قراءه ممتعه احبتي
........
دره: يله دخلي
فجر: السلام عليكم
الكل: وعليكم السلام
ام عدي: هاي الحلوات منين
زكيه: هذن الفصليات
ام عدي: ها يعني جناينج
زكيه: لا ام عدي كلت الفصليات مو جناين
....
فجر: قدمت الهم الجاي وانه كوه متحمله ماارد عليهه وحده من بنات عمهم تقصدت تعثرني حته اوكع
مريم: شبيج مااشوفين عميه
فجر: انتي الي عثرتيني
مريم: انه شعليه انتي عميه
جنات: يله مصار شي بنات عادي تصير دائما
فجر: عفتهه و رحت جبت الماسحه ومسحت المكان وطلعت بهدوء اووف ياربي شلون راح اتحمل عيشتهم المره مبين الشر بعيونهم من البدايه ولا واحد بيهم زين غير جنات وخاف هم يجي اليوم الي تنكلب بي عليه
دره: شبيج فجر ليش صافنه
فجر: مااشوفين شسوت بيه
دره: اي شفتهه ومبينه جانت متقصده
فجر: هسه انه شسويتلهه حته هيج اسوي
دره: معليج حبي
فجر: انتي فالحه بس بهاي الكلمه معليج بطيتي كلبي 😒
دره: هههه لعد شتردين اروح اتعارك وياهم واملخ شعرها
فجر: ايبااه ع اساس يطلع منج وتتعاركين
دره: ولج انتي بعدج ماتعرفين قصتي بليل اسولفلج مدام انس ما يريدني 😂بليل نعوفهم ونطلع برا بلحديقه نكعد واسولفلج
فجر: ماشي بليل نكعد سوه ونسولف هاي اذا ما نمت قبل العشه 😂لان ابد ممتعوده هيج شغل وتعب
دره: الله يساعدج انه متعوده ع التنظيف بس طبخ لا
يله امشي للمطبخ انشوف خاف ناقص شي
فجر: اي امشي وخل نكعد هناك احسن بهواي من شوفت وجهم الكئيب باعي ست زكيه شلون كاعده عبالك مديره 😂 والمعاونه مالتهه ماجده😒
دره: هههه ولج سكتي
فجر: والله كتلج حلال موتيني كل مااحجي تكولين سكتي
دره: خايبه امشي
.....
صار وكت الغده و هوسه زلم و نسوان واطفال دخت من وراهم
.....
انس:انه انس عمري24 متخرج مدرس اجتماعيات بس تعيين ماكو اشتغل ويه اخوي رواح
مواصفاتي ابيض عيوني نرجسي طولي 179
....
دره: فجر خل انصب كلهم اجو
فجر: شنو زلم ونسوان سوه يكعدون
دره: مااعرف خل اروح اشوف جنات واسألهه
فجر: روحي شوفيهه
جنات: ها بنات اجيت اساعدكم اسفه مساع مااجيت وياكم بس تعرفون امي
دره&فجر: لا عادي حبيبتي
دره: بس شنو كلكم تكعدون ع سفره وحده لو زلم وحد
جنات: لا حبي محد غريب كلنه ع سفره وحده
وين السفره خل افرشهه واجي انقل الاكل
فجر: هاي السفره حبي
دره: شلون حبابه ربي يوفقها
فجر: خاف تالي تنكلب طنطل
دره:ههه انتي محد عاجبج 😒
فجر: اي بس روحي عاجبتني 😊
صبينه الاكل وجنات و دره ينقلونه
كعد الكل ع الاكل والهوسه يبووو ومايسدون حلكهم الكل يحجي بنفس الوقت
سلمان:دره&فجر تعالو تغدو ويانه
زكيه: سلمان
سلمان: لخاطري زكيه عيب بس هلمره كبال خواني ونسوانهم
زكيه: خوش بس هلمره
سلمان: اي
يله تعالو يابه
فجر: كعدت يم جنات وكوه اكلت نظرات رواح خلتني ارتبك ومااعرف اكل اما دره كعدت يم انس واباوع عليهم شكلهم حلو صح تصرفاتهم رسميه بس مبينين عبالك واحد يحب الثاني
انس:دره انطيني كلاص ماي من يمج
دره: تفضل
انس: اكول رواح شوكت ننزل للشغل بعد كافي العمال خبلوني كلساع واحد متصل منهم والشغل متراكم علينه
لازم باجر نروح
رواح:يصير خير
انس: لا رواح كافي صارلنه اسبوع كاعدين والشغل واكف ومتراكم علينه ولازم خلال هذا الاسبوع نسوي جرد الطلبات كلهه متوقفه و حجي جاسم موتني بالاتصالات
رواح: اي كافي تلح نروح باجر ونشوف
مريم: اكول رواح هاي مرتك شبيهه حته مسلمت علينه ودخلت بيدهه صينيه الجاي و وكعتهه عليه همزين محتركت لو ما ماجده انطتني من ملابسهه وغسلت وبدلت
رواح:شعجب وكعتهه عليج البارحه جابت صينيه العشه شكبرها ما وكعتهه والصبح الريوك وهسه الغده شمعنه بس عليج وكعت وهيه صينيه خفيفه
مريم: شتقصد رواح يعني انه متعمده اوكعها
رواح: لا بس جاي اكول شعجب يعني
مريم: والله مااعرف
سلمان: ع كيفكم يابه احنه كاعدين وجاي ناكل احترمو نعمه الله
فجر: فرحت من شفت رواح دافع عني ومبين ما يطيق مريم انتبهت من يحجي وياها عينه ع الاكل ما يباوعلهه ويحجي وهيه ماتت قهر 😒تستاهل الجذابه شسويتلهه انه
....
خلصو الغده انه ودره نشيل السفره
انس: خل اشيل الصينيه عنج فجر ثكيله
فجر: اي والله مابيه حيلهه شكرا
انس: ولو تدللين
.....
سلمان: يابه جاي
فجر:يبووو عفيه جاي يردون صبح وعصر وليل
انس:هههه بعدج ما شفتي شي ابويه كل ما يضوج يصيح يابه جاي
دره:هههه
فجر: خاف عباله الجاي مهدئ اعصاب
انس&دره:هههه
انس:يله شويه واجي اخذ الجاي حظرو
فجر:خلي دره اسوي انه مااحب الجاي
دره: يله غسلي الماعين وانه اسوي الجاي
فجر: اي بس خلصي بسرعه وتعاي ساعديني لان هواي
جنات:افااااا عليج اجيت اغسل وياج
فجر: يله اوكفي ع السنك
جنات:😒بلجذب كولي روحي ارتاحي انه اغسل
فجر;😂لا بربج ما صدكت شوكت تجين
اكول جنات شوكت يرحون الجماعه
جنات:هسه يشربون جاي ويرحون
فجر: اها لعد استعجلي دره
دره&جنات:😂ولج سكتي لحد يسمعج
فجر:تعبت اريد انام اول مره اكعد من وكت 😔
جنات: تعودي لان امي تكعد ع وكت وماتحب احد يضل نايم
فجر:😔اي
....
خلصنه الماعين وانه متت تعب اريد بس اشوف الفراش وانام
يمكن انام يومين من التعب
........
لا تنسون التصويت
بداعتي 😒😂