خطأ اخي جعلني فصليه

بارت4

#الكاتبه ضحى التميمي
........ 
دره: فجر اخاف اكو احد بيهم مياكل كباب دجاج شلون
فجر:اهو شلون شغله هاي خل اشوف شنو اكو بثلاجه واسوي وياه (سم الهاري ان شاءالله)احنه كاعدين بلمطبخ ونشتغل والجو حار يموت وهما ولا هامهم كاعدين بالصاله
دره:ميخالف اشتغلي وانتي ساكته لا يجي احد ويسمعج وتصير مشكله
فجر: اي ساكته خل اشوف الثلاجه
دره: طلعي بتيته وبيتجان خل نكليهم
فجر: اي هو راح اطلعهم
دره: خل اساعدج انه خلصت المقبلات
فجر: هاج ثرمي البتيته خل نستعجل مبقه وكت
دره: اي والله اخاف يجي الشيخ والعشه بعده شفكنه منه
فجر: هو الي يشوف وجه زكيه يشتهي ياكل
دره: ههههه ولج اسكتي لا اسمعج والله تموتج
فجر:خل تولي عجوز البين بس تتأمره عايشه لحظه
دره: عوفيهه نسوي المطلوب منه وهذا هو
.......
زكيه: مااااجده تعالي
ماجده: اي يمه جايه
زكيه:سدي الباب وراج
ماجده:ها يمه شتردين
زكيه:هسه اصعدين لغرفه اخوج رواح وتخربطين الغرفه وطلعين الملابس من الكنتور وتخلين ملابس فجر بمكانهم
ماجده:ليش يمه
زكيه: ولج ثوله تعرفين اخوج شكد يحب النظافه ومايحب احد يغير مكان شي يخصه من راح يشوف ملابسهه بمكان ملابسه راح يعصب عليهه وتتبهذل
ماجده: اي يمه اعتبري التردينه صار بس و دره هم هيج اسوي بغرفتهه
زكيه: لا عوفيهه هاي حسابهه بغير وكت هسه خليني اشوف فجر شراح يصير بيهه
ماجده: يله يمه انه صاعده فوك
زكيه:بسرعه استعجلي ولا تخلين احد يشوفج
ماجده: اي يمه
.......
فجر: الحمدلله خلصنه العشه قبل لا يجون
دره:اي الحمدلله وشكر
فجر: خل اروح اسأل جنات شوكت يردون العشه
دره: روحي شوفيهه وانه راح احظر الماعين
فجر: اي بس لا اطلعين هوواي ترا احنه نغسلهم😔
دره: يمعوده الشغل ما يموت
فجر: طاح حظج 😒تردين تموتينه
دره:يله ولج روحي شوفيهه وتعالي
فجر: اي رايحه 😒
......
فجر: جنات
جنات: ها كلبي
فجر: شوكت نصب العشه
جنات: بعد ربع ساعه كلهم تلكيهم هنا مجمعين
فجر: ماشي حبي لعد راح اروح اساعد دره
جنات: ماشي كلبي الله يساعدج
...
دره: ها فجر شوكت
فجر: بعد ربع ساعه
دره: لعد يله هميلا نلحك اكلج هما شكدد عددهم
فجر: ماادري بس مو هواي
صبينه العشه والكل اجه
سلمان: شنو هاي الريحه الطيبه منو مسوي العشه اليوم
زكيه: الفصليات سوو عشه
سلمان: زكيه عيب انتي مره جبيره ومؤمنه نعرفين الي صار قضاء و قدر
زكيه: سلمان كلبي محترك ع وليدي محد يحس بكلب الام
سلمان: هو هم وليدي بس شنسوي بعد حكمه ربج بعد يله تعابي تعشي
فجر : كعد الكل ع السفره ومن ضمنهم رواح ولا باوع بوجهي ولا عبالك موجوده بسيطه انه اعلمك استاذ رواح شايف روحه شوفه (وجه السطل 😒)
دره: شبيج ادردمين كعدي خل ناكل ونكوم
زكيه: انتو متكعدون ويانه تاكلون بلمطبخ
فجر&دره: 😔😢حاظر
سلمان: زكيه
زكيه: سلمان الله يخليك لا تتدخل مااريد اشوفهم كبالي ع نفس السفره ترا والله اكوم
سلمان: يابه روحي للمطبخ
.......
رواح:دخلت للبيت وشفتهه كبالي وماخذه راحتهه عبالك بيت الخلفوها وتصب بالاكل وتنقله للسفره تالي عرفت هيه الي مسويه العشه تفاجئت كلت هاي المايعه يطلع منهه هيج
.....
فجر: هففف العجوز ما عاجبهه نكعد وناكل وياها
دره: عوفهه هنا احسن
فجر: خاب ما تلصمين 😡
دره: يله تعاي خل ناكل ورانه غسل ماعين
فجر: مااشتهي اكلي انتي
دره: فجر بله رعونه وتعاي اكلي يله
فجر: اي اي اجيت
....
زكيه: وين الماي
جنات:راح اجيب ماي
زكيه: كعدي انتي معليج عندج اثنين يخدمونج وتكومين
جنات: بس ماما
زكيه:اششش ولج فجر
فجر: ها خاله محتاجه شي
زكيه: وين الماي
فجر: اي خاله هسه احيب
زكيه: مره الثانيه لا تنسونه 😒
فجر :اي تدللين 😏بلكت اشربين الماي وتغصين بي وترحين وره ابنج 😒
زكيه: شنو كلتي
فجر: لا ما كلت شي
زكيه:يله بلعجل جيبي ماي
...
دره: خرب شلون نسينه الماي
فجر: ليش هذول يخلون عقل براسج
دره: ههههه لا والله يردون كلشي بستعجال
فجر: اي ان شاءالله سم الحسن
دره:هههه لا هليوم صاير بيهم شي من وراج
فجر: لا تخافين كلشي مابيهم حصونه 😒
...
زكيه: يله تعالو شيلو السفره وغسلو الماعين
فجر&دره: حاظر
دره: عزه بالي الماعين عبالك مال 100 نفر 😂
فجر: عود كتلج قللي 😭
دره: اي يله تعاي خل نغسلهم 😔
فجر: اي
دره: تدرين فجر من جنت عد اهلي مااغسل ولا ماعون وشغل البيت كله ع ماما
فجر: ولج انه بلسنه حسنه اشتغل من اشوف ماما مريضه لو من اسافر لذالك انه اعرف اطبخ بس اكثر شغل البيت ع ماما
دره: وشوفي حالنه هسه طبخ وغسل ماعين 😔
فجر: وينج خوله تعاي شوفي بتج صارت مره 😂
دره: 😂اي والله لو اهلنه هسه يشوفونه شلون نشتغل
فجر: ايبااااه ع اساس هيه طبخت 😒ع كيفج ست دره حميتي ترا
دره: اصلا اعتبر الي سويته انجاز بحد ذاته 😂
فجر: يله بلا لغوه خل نخلص كلش تعبانه اريد انام
دره: يعني هسه راح انام
فجر: لعد شتردين اسوين لا تكولين تردين تنظفين البيت كله
دره: لا ولج بس هسه اكيد انس ينتظرني و رواح ينتظرج 😔😒
فجر: عزه بعينج معقوله
دره:جا ليش غير هليوم ليله عرسنه 😒😞
فجر: خرب بعرضج ولا اجه ع بالي هيج شي خفت 😱