خطأ اخي جعلني فصليه

بارت11

الكاتبه ضحى التميمي
اسفه ع التأخير بس والله ماكو واهس ابد
لان تفاعل مابيهه القصه بس ان شاءالله بعد ساعه هم انزلكم بارررت طويل تعويض
......... ........
فجر: مجاي اصدك الي جاي اشوفه شنو جاي يصير انه عمري كله مماده ايدي ع شي مو الي هسه يلكون الفلوس ويه ملابسي و رواح حته ما حاول يفهم الموضوع كبل حكم عليه وجابني هنا للمخزن شلون مكان يخوف ومابي شي غير الشغلات القديمه ألم و خوف بنفس الوكت ضليت ع هاي الحاله ساعات اخر شي استسلمت ونمت حته بدون فراش
...
خوله: احمد اكعد
احمد: شبيج خوله صاير شي
خوله: مااعرف مجاي اكدر انام احس بتي صايرلهه شي
احمد: استغفري ربج ونامي مابيهه شي ان شاءالله
خوله: لعد ليش تلفونهه مغلق
احمد: لا تخافين عليهه بتج كدهه
احجي هيج بس اريد خوله تطمن بس انه خايف عليهه جهازه صارله يومين مغلق
...
رواح: لهسه ما مصدك فجر هيج اسوي شكلهه بريئ ومبينه بت خير بس شفت ماجده شلون طلعت الفلوس من الكنتور اووووف ياربي صارلهه بس شكم يوم وتعودت عليهه هسه شلون صارت بس لا بعدهه مريضه
....
فجر: ضليت بلمخزن مااعرف شكد يمكن يوم  ولهسه محد اجه يشوفني لو ينطيني اكل
...
دره: طحت من عين انس وبدون سبب اكله انه مظلومه ومو الي ميصدك ابتعد عني وحته صداقه مايريدهه بعد مجرد خدامه عنده لا اكثر ولا اقل
...
انس: انصدمت بدره جانت عندي ثقه بيهه وحته رحت سألت عليهه بلكليه كالو خوش بنيه وثكيله وماعدهه سوالف مكسره وجنت هذا الي اريده هيج بنيه احلم بيهه ومن ردت اتقربلهه الله كشفها تلفون ضل عندي و ارقام غريبه تتصل و رسايل من شباب يسألوها ليش ما ترد عليهم ماتوقعت هيج شي يطلع منهه
....
زكيه: يمه جنات روحي كعدي رواح و انس علمود يرحون للمطار يجيبون خوانج
جنات: ماما بعد وكت ب11 يوصلون
زكيه: ميخالف يمه ع ما يتريكون و المطار بعيد خل يرحون ع وكت لا يتأخرون ع خوانج
جنات: هسه رايحه اكعدهم
......
رواح: كعدت واذكرت هليوم يجون عامر و جواد شكد مشتاقلهم
جنات: يله رواح اكعد
رواح: جنات دخلي
جنات: ها رواح محتاج شي
رواح: فجر
جنات: قبل لا تكمل انه اعرفها بريئه ومااسويهه والبنيه جانت مشغوله بلشغل وبعدين مريضه شلون خذتهم ومحد شافهه
رواح: يعني شلون هسه انه احتاريت
جنات: روح طلعها من المخزن خطيه مريضه ومحد يمهه وحته اكل محد انطاها
رواح: اهووو نسيت جنات ديربالج عليهه وانطيهه اكل انه نازل اتريك واروح اجيب عامر وجواد
جنات : تدلل هسه اروح اشوفهه وانطيهه ريوك
.....
رواح: يله انس استعجل روح يم مرتك سويلنه ويوك 😂مثل امس
انس: رواح اسكت
رواح: ليش يابه روح ساعد دره خطيه
انس : مالي مزاج اساعدهه هليوم هيه مو صغيره حته اساعدهه تعرف ادبر نفسهه
...
دره: هو يحجي وانه ميته قهر معاملته اختلفت من يوم شاف التلفون وهو اصلا مو الي
بس لو اعرف منو سوه بيه هيج
وحته فجر خطيه مسويهه هيه طول الوقت وياي لازم احجي ويه رواح وافهمه ع الي جاي يصير
....
رواح: رحت انه وانس انجيب لولد انتظرناهم ربع ساعه واجو
عامر: هلا بلشباب شلونكم شخباركم
جواد: ياالله شكد مشتاقلكم
انس: هلا والله واخيرا نورتو
رواح : البصره نورت بيكم
جواد : لا يابه منوره بيكم انتو
شوف شكلكم شلون صاير عبالك مزوجين 😂😂
رواح: من كال جواد هيج اجت ع بالي فجر
انس: لا يابه امشو للبيت
طبعا عامر و جواد ما يعرفون بلصار كله و بابا نبه ع الكل محد يكلهم لان اخر سنه الهم وامتحانات ما يريدهم تتعب نفسيتهم ولا يأجلون السنه ضليت محتار اذا وصلنه للبيت و عرفو امجد توفه شراح يصير بيهم جواد يمكن يتقبل الموضوع بس عامر ينخاف منه هفف فكره اجيبني و فكره توديني
عامر: الووو انس شبيك وين شارد
انس: مابيه شي
عامر: واضح صارلي ساعه احجي وياك ومترد عليه
جواد: عوفه مبين الاخ عنده وحده شاغله تفكيره
انس: هاا رجعتو لسوالفكم
رواح: ليش اكو احله من سوالفهم ههه
جواد: تدرون مشتاق للبيت كله وخاصتا امجد
هو الوحيد الي مااتصل علينه صارله فتره ومن اتصل عليه ماكو احجو الصراحه امجد بي شي
رواح: هسه نوصل وتشوفه
عامر: خل اشوفه وشوفو شراح اسوي بي هيج يعوف خوانه مايتصل عليهم تدري ضل بالنه يمكم
انس: لا ماكو شي هسه نوصل
...
فجر: اجت جنات تبجي جابتلي اكل واخذت علاجي صرت احس بس حسيت بخيبه امل خسرت رواح اكيد بعد مراح اشوفه ولا راح يفهمني
جنات: لا تخافين ادري بيج بريئه راح احجي ويه رواح علمود يطلعج
فجر: رواح بلشغل
جنات: لا راح يجيب خواني
فجر: خوانج
جنات: اي عندي 2 غير رواح وانس
فجر: اول مره اعرف
جنات: اي لان هما مسافرين بالخارج يدسون وحته مايعرفون بامجد متوفي
فجر: اها
جنات: يله حبيبتي انه رايحه اساعد دره خطيه بحدهه بلمطبخ
فجر: اصدكين اشتاقيت لدره سلميلي عليهه وكليلهه فجر مظلومه
جنات: ان شاءالله اجيج وقت الغده باي
فجر: الله وياج
...
رواح: وصلنه للبيت ودخلنه
زكيه: هلا بوليداتي هسه نور البيت يابعد امكم
جواد: هلا يالغاليه شلونج
عامر: هلا حجيه شلونج
مشتاقلج ومشتاق لكلشي بهذا البيت
زكيه: الحمدلله يمه اسأل عنكم
عامر: جنات شنو هاي صايره تخبلين
جنات: يبعد اختك مشتاقتلك
جواد: ها ماجده بعدج هنا عبالي ازوجتي
ماجده: كاعده ع كلبك شرايد مني
عامر:لعد امجد وين
........
قراءه ممتعه احبتي