خطأ اخي جعلني فصليه

بارت 20 و الاخير

الكاتبه ضحى التميمي
..................................
لا تجعل شخصًا سيئًا يدمرك وبذات الوقت يرمم ما دمره بك🖤.
..................................
فجر: كعدت الصبح اباوع ع رواح شلون نايم
هادئ ولا عبالك هاي العصبيه الي عنده
احساسي ما مفهوم مااعرف شنو اريد بلضبط احب قربه بس اتوتر مااعرف اتصرف من اصير يمي
هو يحب البنيه الواعيه الجبيره الفاهمه وانه اطلع الكلمه بدون تفكير
كمت بدلت ونزلت جوه شفت بس دره كاعده
خطيه هاي البنيه تعبانه وياهم وهمااا لا حمدا ولا شكوره لو شما اسوي محد يكلهه تعبتي لو الله ينطيج العافيه فقيره و هادئه و تشتغل بهدوء ولا مره سمعتني كلمه تغثني ولا تزعجني بشي بلعكس توكف وياي فعلاااا اسم ع مسمى دره مال الله 🌹بس اااااخ لو انس يصير وياها زين لازم احجي وياه فزيت من صفنتي ع صوت دره
دره: ها فجر شبيج واكفه هنا و صافنه
فجر: ها لا مابيه شي
بس اكلج انتي تحبين انس
دره: باستغراب ليش هذا السؤال
فجر: جاوبي وبعدين اكلج ليش
دره: اي احبه
فجر: يعني شلون عرفتي تحبينه
دره: قربه يوترني بعده يضوجني مشاعر متخربطه اذا يتأخر ما انام انتظره يرجع يله انام اذا ما ياكل اخاف عليه و احاول اخلي ياكل من يتأذه احس الألم بيه مو بي
فجر: اوووووووو هذا الحب هيج
دره: ههههههه شمدريني هذا حساسي جمعتهم كلهم طلعو حب
فجر :هههههه
دره: ليش تسألين
فجر: يمكن احب رواح
دره: ههههه لا بربج
فجر : خاب ولي مو مال واحد يكلج يله تعاي نسوي الريوك قبل لا تكعد زكيه خانم و بتهه المصون
دره: ههههه خاب بعدج تنكتين
فجر: شسوي دره تردين اضل ابجي واندب حضي واكول ليش هيج ياربي قررت الي يصير اليوم باجر انساه وارجع اعيش من جديد
دره: احسن شي اسوينهه بس شوفي وجهج ازرك
لازم تخليله مرهم
فجر: اي شسويله حته استحيت انزل امس
اكلج هاي مريم الحيه شوكت راحت امس
دره: ههه ولج ضلت كاعده شكد تالي سألت ع رواح تكول اريده يوصلني
انس كلهه رواح نام بعد ما يكعد تعبان
هيه صارت ب10 بليل أيست و راحت هههه
فجر:وجع شكد لزكه ولا تستحي
دره: بدت تغار ست فجر
فجر: لاااا ليش اغار
هو رواح بكد ابويه شفت معاني دره تغيرت من الضحك الى الصدمه ولج شبيج هيج انصدمتي قابل مجذبه بكدي ابوي 😒
دره: اي صحيح عمو سلمان يطلع بكد ابوج
فجر: ولج يا عمج سلمان جاي احجي ع
دره: اااااااي ادري شبيج
رواح: لا دره خليهه تكمل
فجر: بسم الله الرحمن الرحيم شجابك هنا
انته تمشي ع رجليك لو اطير اشو بدون صوت تمشي
رواح: امشي عادي بس انتي ماخذج الكلام ما حسيتي
فجر : هههههه اي صدك جنت اكلهه رواح بكد ابويه هه حته شعره بي شيب
رواح: انه بكد ابوج
طاح حظج كلت هسه اجذب و تكول جاي احجي ع ابوك بس انتي السانج متبري منج
فجر : ع شنو اجذب انته بكد ابويه
رواح: يله صبو الكل كعد وراي شغل مستعجل
دره: فجر ليش تحجين هيج رواح اكيد ضاج من كلامج الرجال كل ما يكبر احسن يصير واعي ويفتهم
فجر: جاي اشاقه ترا
دره: بس رواح ضاج
فجر: لا حبي شسالفه مو تكولين هو واعي المفروض ما يضوج ولا يزعل بعدين فرق بيني وبينه انه 18 و هو 27
دره: العمر مو مشكله المهم انتو مرتاحين سوه وهذا كلش كافي
فجر : بعدين اعتذر منه لان مجنت اقصد شي ولا بالي شي من حجيت هيج
خلصنه ريوك و رواح ما حجه ولا كلمه صعد فوك صعدت وراه
رواح: ضجت من كلامهه حيل يعني اشوفني جبير عليهه و ما تريدني حزت بخاطري هاي الكلمه
فجر: رواح شبيك
رواح: مابيه شي
فجر: ضجت من كلامي تره جنت اشاقه
رواح: لا ما اضوج من الحقيقه
فجر : والله اشاقه
رواح : عادي يله مع السلامه
فجر : الله وياك
......................................
دره: ها شصار
فجر: ضاج مني
دره : تستاهلين ضليت اركعلج ماكو تغردين ما اسكتين
فجر: اووووف شمدريني عود علاقتنه صارت زينه ما الحك اله يصير شي اريدد ارتاح ماكو مشكله وره مشكله
..........................
رواح : كعدت بلمكتب ضايج ومالي خلك روحي من وره كلام فجر
انس: رواح اكو بنيه بره تريد تحجي وياك
رواح:منو
انس: مااعرف بس كالت ضروري تحجي وياك
رواح : اوك دخلها
اجت البنيه ودخلت اباوعلهه شكلهه غريب مااعرفها
أسيل : السلام عليكم استاذ رواح
انه أسيل صديقه فجر
رواح: وعليكم السلام يا هلا تفضلي
بشنو اكدر اساعدج
أسيل: اجيتلك علمود احجي وياك بخصوص فجر
رواح: ليش شبيهه فجر
أسيل: انه وفجر سوه من المتوسطه واعرف كلشي عنهه بنيه بسيطه وحبابه وصغيره انظلمت بهذا الزواج
رواح: وانتي منو كلج انظلمت
اسيل: انه صديقتهه واعرف كلشي عنهه
عوف فجر طلكها خطيه ليش خالهه وياك تعيش وهيه ما تحبك ولا تريدك وجبير عليهه بكد ابوها
رواح: شنو هذا الحجي منو كلج ما تحبني
اسيل: كتلك انه صديقتهه واعرف بعلاقتهه ويه بهاء
رواح:منو بهاء
اسيل : حبيب فجر جانو ناوين يزوجون بس بعد التخرج وصارت هاي المشكله وانجبرت تتزوجك
انته كسرتهه احنه بيا زمن واطلبون فصليه حرام عليكم
رواح: انتي صدك تحجين
اسيل: عوف فجر خطيه
هيه ما تدري وانه اجيتك اريد تعوفها علمود ترجع لبهاء يحبهه ويريدهه وحالته تصعب ع الكافر ياريت اطلكها هو مناسب الهه اكثر منك
سلملي عليهه مشتاقتلهه هواي كلهه صديقه عمرج مشتاقتلج واسفه اذا زعجتك بشي مع السلامه
رواح ضليت بدومه مااعرف شسوي لو شنو اصرف اذا اروح للبيت هسه ابتلي بيهه بعد ما حبيتهه وارتاحيتلهه هيج يصير اووووووف ياربي
الله ياخذ النسوان كلهم نفس الشي ماعدهم غير الخيانه  اخذت سويج سيارتي ورحت للبيت كبل
..........
فجر : جاي اطبخ الغده و دره اتنظف البيت اشتاقيت لرواح وانقهرت عليه كلت بس يرجع اعتذرله مره الثانيه واخلي يسامحني ونفتح صفحه جديده
سمعت صوت الباب انفتح شفت رواح كلبي انعصر من شكله مبين الغضب عليه اجه عليه وكال
رواح: شفتهه كبالي بعد ما تحملت اريد اشرب من دمها
ولج حقيره خاينه ادبسززززز صكط ليش هيج اسوين
ضليت اضربها راشديات وبوكسات
فجر: شسويت فهمني
يضربني بلا رحمه
رواح: ولج ساقطه مكانج مو يمي بعد انه اعرف شلون اكسر راسج
فجر: ما تحملت وكعت بلكاع
جسمي بعد ما يتحمل
رواح: ضليت اضرب بيهه تالي سحبتهه من شعرها وخليتهه بلمخزن ورجعت للبيت كتلهم هااااااي الجلبه اذا احد انطاها ماي لو اكل احركه بمكانه افتهمتووووو
زكيه: شبيك يمه شصار
رواح:بعدين تفهمين مو هسه
فجر: اااااااخ جسمي موتني ضليت ابجي وادك ع راسي ملخت شعري صار كله بيديه تعبت ضلت بس دموع تجري
رواح: انه راح اصعد لغرفتي ماااريد احد يصيحلي لا ع سم ولا شي والجلبه محد يوصللهه
صعدت فوك بعدني افووووور اريد ارجع اكطعها ما اهتميت الهه ضليت افتش ملابسهه ماكو اي دليل لو شي يخص بهاء
كلبت الغرفه كلشي ماكو تعبت كعدت بمكاني وضليت صافن
................
جنات:عزه هذا شسوه بيهه
ماجده: خل تولي تستاهل اكثر
جنات: مو وكتج ماجده انجبي
زكيه: احترمي نفسج جنات
لا تردين ع اختج الجبيره هيج
جنات: ما اشوفينهه شلون تحجي
دره شصاير ليش هيج سوه رواح ما تعرفين
دره: لا والله كلشي مااعرف جنه واكفين بلمطبخ ودخل رواح كبل راح لفجر وضربها وانتو اجيتو
جنات: اوووووف شبيهم ليش هيج جاي يصير بيهم
..........
فجر : صار ليل ومحد اجه شافني شصاير بيه تعبت نمت
رواح: عفتهه وما رحت شفتهه بس رغم هذا كله بالي يمهه
اذكر كلامهه عني وشلون تكول جبير اااااااااخ
.......
جواد: انس شبي رواح ليش هيج سووه بمرته
انس: والله مااعرف الصبح اجت بنيه و دخلت ع رواح من طلعت شفته طلع وراها معصب
جواد: ماعرفتهه منو
انس : لا
جواد: اووووف
ضجت ع وضعيه رواح ومنا قمر لهسه ما ردتلي خبر ضجت حيييل 
راسلتهه وكتلهه شنو جوابج
قمر: موافقه بس بشرط
جواد بفرح : شنو شرطج
قمر: حاليا خلينه هيج بس نتعرف وبعدين يصير خير
جواد : مووو تدللين
اوووف هسه يله ارتاحيت جنت خايف ترفضين
قمر : هههههه اسفه
جواد: اشتعل شيب الخلفوج ☺😌😒
.............
فجر: ضليت ايام واليالي بلمخزن ومااشوف احد مجرد يجي رواح يجيب اكل ويطلع بدون كلام
ااااخ بس لو اعرف شنو مسويه وهو هيج عاقبني ما انطاني فرصه احجي
رواح: يوميه اروح انطيهه اكل واشوفها
ماتحجي بس تباوعلي بنظرات عتب عفتهه تستاهل
...........
جواد :ها قموره صارلنه فتره سوه مو كافي
قمر: ماادري احس بعد وكت
جواد: حبيبتي كافي عدنه فتره خطوبه
قمر: بكيفك بس اهم شي دراستي
جواد: اي اخليج تكملين
راح احجي ويه اهلي
نزلت متوتر شفتهم كلهم كاعدين كتلهم همزين كاعدين اريدكم بموضوع
سلمان: شنو تريد بويه خير ان شاءالله
جواد: قررت ازوج
سلمان: بس اخوك ما صارله سنه من توفه
جواد : بويه بس اريد اخطب الزواج بعد مو هسه
سلمان : تدلل وليدي
زكيه: من باجر ادورلك
جواد: لا يمه انه اعرف بنيه واريدهه
سلمان: وين بيتهم وبت منو عائلتهه شلونهه مستواهم
جواد : اووووووو بابا قابل راح ازوجهه لو ازوج اهلهه
سلمان : ميخالف بابا
رواح: جنت كاعد وبالي كله يم فجر
جواد: بيتهم بمنطقه ...... ابوها اسمه احمد
و يكلوله ابو اشرف مستواهم زين مثلنه
رواح : انصدمت من سمعت جواد لالالا ما معقوله جاي يحجي ع اخت فجر
سلمان : شنو هاي جواد صدك تحجي
جواد : ليش بابا شكلت انه
سلمان : ولك هاي اخوها هو الي قتل اخوك
جواد بصدمه : شنو تحجي انته صدك
رواح: اي صحيح هاي الي جاي تحجي عليهم اهل فجر
زكيه: مستحيل اوافق ع جثتي
جواد : بس انه وقمر مالنه دخل شنو ذنبنه
شدخلنه
زكيه: والله اموت روحي ولا اخليك تزوج اخت فجر الحيه
رواح: طبعا محد عرف بالي صار وعرفتنه عن فجر لحو عليه بس ما كتلهم ليش
......
جواد : مستحيل اعوفها انه احبهه لالا يوافقون عليهه انه متأكد
قمر: ضليت ع نار راح يحجي ويه اهله انتضرته يدز رساله ماكو دزيتله رساله ها حبي حجيت ويه اهلك
جواد : اجتلي رساله قريتهه متت قهر شنو راح اكلهه اهلي مموافقين رديت عليهه
ها حبي
قمر: ها شنو الاخبار
جواد : اكلج قمر اختج شلون ازوجت
قمر باستغراب:ليش
جواد: جاوبي
قمر: اخوي تعارك ويه شاب
وهذا الشاب جانت صحته مو هلكد مات بيدين اخوي واهله طلبو فصليه وخذو اختي بس ليش تسأل
جواد: تعرفيني انه منو
قمر : شبيك جواد مجاي افهم
جواد: انه اصير اخو رواح واخو امجد الي قتله اخوج
قمر :شنووووو صدك تحجي لالا تشاقه اكيد 😭😭
جواد : لا تخافين احبج ومااعوفج
قمر :😓واهلك
جواد : يجي يوم ويوافقون
...............
رواح : رحت لفجر شفتهه تعبانه وكاعده شغلهه متغير (كــــــــنت ..أتمني لو بإمكاني  ان اجتاز معك كل المسافات
وأسكن معك في مدينة يغفو بين أرجائها الحب
ونتدثر معا بوشاح الوفاء
  كــــــنت أتمني أن أحلق معك فوق السحاب
ونخترق بسهام حبنا أمواج الضباب
ونستقر علي غيمة بيضاء لون قلبي الذي يحبك
  ونبقي نحلم ونحلم لا نستفيق
كي لا يهرب منا هذا الحلم الجميل ويداهمنا واقعنا)
ااااااخ خسرتيني يا فجر
فجر: اباوع عليه بس بعد ماعندي قابليه للحجي
راد يطلع رواح كتله طلكني ما اريدك اكرهك طلكني
رواح: سمعتهه هيج حجت تخبلت رجعت عليهه ضليت اضرب بيهه واكول حقيره تردين ترحين وياه اله اذلج واكسر راسج عفتهه وطلعت
فجر: ما فهمت شي هذا شيكول
اااخ الله ياخذك حقير مجرم
................
بعد مرور شهر
جواد : مصر ع قرار لو قمر لو مااريد
رواح: عفت فجر ضليت بس ادخل انطيهه اكل وملابس واطلع عنهه اريد اذلهه وانتقم منهه
فجر : انتهيت بعد مااعرف شسوي ضليت اخاف من باجر (‏"لم يعُد ايُِ شيءٍ قادر على جعلي مُطمئنة، أنا خائفةٌ إلى الأبد.")
.......
دره:انس صار زين وياي وبده يتقربلي
انس: طول هاي الفتره وانه اراقب دره كلشي ما عدهه قررت انسه سالفه التلفون وارجعلهه ونبدي حياتنه من جديد لان احبهه ومااكدر بس اعيش بدونهه اريدهه يمي وقريبه عليه مااتحمل بعد شفتهه بلمطبخ رحتلهه و كتلهه
ها دره اساعدج
دره : لا ماعندي شي هسه اصب غده بس عامر ماكو وين راح مو عادته يجي متأخر ع الغده
انس: هسه يجي
اروح فدوه للحنونه انتي ماكو منج كلبج ابيض
دره : 😌😊اريد اطلب منك طلب
انس: عيوني الج
دره : تسلم عيونك
بس اريدك تحجي ويه رواح علمود فجر خطيه صارلهه شهر بلمخزن وبحدهه
خاف يصير بيهه شي
انس: اووووف شكد حجيت وياه ماكو فايده معند ومايقبل
دره : ميخالف حاول وياه بعد
انس: لا تخافين يرجعها للغرفه
دره : ان شاءالله
انس: يله صبي متت جوع عوفي عامر من يجي يتغده
دره : لعد اخذ السفره افرشهه
انس: مو تدلل مريتي 😉
دره : ههه يله روح
صبيت الغده وكعدنه كلنه ع الغده وبدينه ناكل
اجه عامر الكل انصدم من شكله
رواح : شبيك عامر شصاير بيك
عامر : الحكووووني
انس : شصاير احجي
عامر : سويت حادث
رواح: شلون و وين
عامر : جاي اسوق وطلع ولد كدامي فجئه ما شفته والله دعمته
زكيه : يمه صخام الصخمي شجاي تحجي انته
يبوووووووي صخمت وجهنه ولك
عااامر : الله يخليكم شوفولي حل والله مو قصدي هو طلع كبالي
انس : شلون خاله لولد
عامر : مات
سلمان : لا اضل بلبيت اطلع منه روح لبيت خالك هسه اهل لولد يجون
جنات : ضلينه خايفين كلساع نكول هسه يهدون علينه اهل لولد
رواح : خفت ع فجر بلمخزن رحت اطلعها اخليهه بلغرفه احسن رحتلهه يله كومي
فجر : وين
وشصاير بره
رواح: مو وكتج امشي يله
فجر : مشيت وياه وانه خايفه
خاف يسويلي شي
رواح: حسيتهه خايفه مني كتلهه
لا تخافين مااسويلج شي بس عامر داعم واحد و لولد مات وخاف يجون اهله هسه وخفت عليج انتي هنا امشي لغرفتنه
فجر : رحت وياه ودخلت للغرفه
رواح : لا اطلعين منهه
خليت ونزلت جوه البيت كله خايف خاف يجون اهل لولد ويطلبون بثارهم
فجر: اول ما دخلت اخذت ملابسي وكبل للحمام
طلعت مشطت شعري اباوع لوجهي شصاير بي متغيره ولا عبالك فجر الترفه هاي وحده ثانيه (‏وانا في زاوية غرفتي أعاني من أشياء لا أعرفها وأمراض لا افهمها يكاد قلبي وعقلي فقد اشياء كثيرة منه🖤.)
رحت نمت ع جربايه متت من نومه الارض وبدون فراش
رواح : تأخر لوكت محد اجه كتلهم يله كل واحد يدخل لغرفته وينام كافي
دخلت للغرفه لكيت فجر غاطه بنومها
رحت يمهه مشتاقلهه نسيت كلشي حظنتهه وبستهه من راسهه ونمت
فجر: حسيت بي بس سويت روحي نايمه مجاي افهمه يحبني ويأذيني بنفس لوقت احتارين وياه شسويله
رواح: فزيت ع صوت رمي
فجر: شصاير
رواح : لا تخافين ماكو شي ضلي هنا انه راح اشوف شكو
فجر:لا رواح عفيه لا تروح وتعوفني
رواح: لا تخافين مااعوفج اخذتهه لحظني وكتلهه
اذا ترديني ليش خنتيني
فجر: شنو تحجي انته شبيك
رواح : مابيه شي يله راح انزل بستهه ونزلت
فجر : خفت عليه الكره الي بلكلبي كله راح خفت يصيرله شي واخسره من حبيته ابتعد عني
سلمان : اجو اهل لولد معناها عرفو عامر الي سواها
دكونه و راحو باجر اجمع الشيوخ ونروحلهم
هسه بعد ما يرجعون رحو نامو
انس: دره شبيج
دره: انس راح اموت من الخوف
انس: تعاي حبيبتي لا تخافين انه يمج 😘
رواح : رجعت للغرفه شفت فجر تنتظر
فجر: ها رواح شصار
رواح: مصار شي باجر ابويه و شيوخ يرحون و يتفاهمون يله رجعي نامي
رجعت نامت وانه نمت يمهه
فجر : رواح ليش هيج سويت بيه
رواح : كله بسببج
فجر : ليش شسويت انه والله كلشي ما سويت
رواح: صديقتج اجت وحجتلي كلشي عنج وعن بهاء
فجر باستغراب: يا صديقه و يا بهاء
رواح : كلشي عرفت يله نامي
فجر : انته شتحجي شبيك والله مجاي افهم
روااااح اكعد لا تنام اكعد
رواح : ضجت منهه من نكرت كلت خل انام لا اعصب عليهه
جنات : مرت 3 ايام واحنه كلنه عايشين بخوف وقلق
4 يوم بابا راح و وره شكم ساعه رجع وجهه ما يبشر بخير
زكيه : هاااا سلمان شصار
سلمان : انكسر ضهري
زكيه : احجي شصار شنو طلبو
سلمان : فصليه
الكل : لحظه صمت
رواح : شنوووو لا مستحيل
سلمان : بالاول طلبو دم عامر بعدين الشيوخ ادخلو طلبو فصليه
لو عامر لو فصليه وانه وافقت انطيهم ماجده
ماجده : شنووووو ليش انه لا بابا مستحيل 😭😭
سلمان : بابا اخوج يروح اذا ما توافقين
ماجده : انطيهم جنات
جنات: شكد انانيه انتي
سلمان : بابا الرجال جبيره يناسبج ما يناسب اختج وحضري روحج باجر ترحين وياي
زكيه : لا سلماااان بتي فدوه
سلمان : شسووووي كولي شسوي
عامر منا و ماجده منااا شسوي هنوب رجال جبير وعنده نسوان اثنين
ماااجده:لا بابا فدوه شلون تقبل 😰😭
سلمان : كافي وحضري روحج يله بابا باجر اخذج
رواح : صعدت فوك وانه كلشي مابيدي منا اختي ومنا اخوي اوووووف الله جاي يحاسبنه ع الي سويناه باهل فجر و دره
دخلت للغرفه
فجر : ها شصار
رواح : طلبو فصليه
فجر :شنوووو لا مستحيل
رواح: اي وماجده راح تروح فصليه
فجر : شكد اكرها وما فد يوم عاملتني بطيبه بس انقهرت عليهه
اندب الباب
رواح : تفضل
ماجده : رواح اريد احجي وياكم بموضوع ضروري ممكن تنزلون وياي
رواح : اي بس شصاير
ماجده : تعال انته وفجر انتظركم وراح تعرفون
رواح :نزلت جوه انه وفجر شفت انس و دره كاعدين كتلهم شكو كالو ماادري اجت ماجده وكالت اريدكم بموضوع
فجر : خاف ماجده حلمانه
رواح : فجر مو وكتج
ماجده : اريد احجي وياكم و اعتذر منكم
انس : اختي حبيبتي احنه مسامحينج
فجر : لحظه انس ع شنو مسامحينهه
ماجده : انس انته ما تعرف انه شسويت 😭😭
دره سامحيني فدوه انه الي خليت تلفون بغرفتكم علمود انس يتركج
فجر سامحيني انه خليت الفلوس بملابسج
وانه الي دزيت اسيل لرواح وكتلهه هيج تحجي
وحته ع الغده هذاك اليوم فجر مجانت اجذب لا صحيح امي كلتلهه سوي سمج فدوه سامحوني انه رايحه وماادري شنو راح ينتظرني هناك
بس اريد منكم اسامحوني
رواح : مجاي اصدك انتي بت امي وابوي يطلع منج كل هذا لا مستحيل
انس : ولج ليش هيج سويتي ماانكسر خاطرج علينه شوفين اخوانج يتعذبون وانتي ولا هامج ليش
ماجده : جنت اكرهم هما السبب بموت امجد 😭😭
فجر : كافي ماجده الله يسامج
دره : مسامحتج روحي الله يسهل عليج
فجر : صعدت فوك وانه فرحانه واخيرا ضهرت الحقيقه مااصدك
رواح : من سمعت كلام ماجده تندمت ع الي سويته بفجر وحته مالي عين احجي وياها لو اشوفها
دخلت للغرفه كاعده كتلهه فجر انه اسف
فجر : تعال احجيلي شنو سالفه ومنو بهاء
رواح : حجيتلهه كلشي ضلت صافنه
فجر : انصدمت من كلامه وكتله
انته مو كتلي كلشي يصير تعاي كليلي
ليش ما اجيت وكتلي ليش ما فهمت مني
رواح : تخبلت من سمعت هيج وانتي جنتي مضوجتني فقدت ما تحملت بعد
اسف واعتذر سامحيني (أجمل ما قيل في الاعتذار و التبرير :
" خذني ع قد قلبي " ⁦(
فجر : مسامحتك
رواح : احبج
فجر :هاااا
رواح; وجعا
............
انس: خجلت من روحي اذا طلعت وره هاي السوالف كلهه اختي مالي عين احجي وياها بعد
دره : انس
انس : هاا دره
دره : احبك 😘
انس: حياتي انتي اموت عليج
.........
رواح : صار الصبح البيت كله حزن
ماجده طلعت من البيت وهيه تبجي وتشهك
وامي بس تبجي عليهه
........
فجر : رواح تغيرت معاملته الي وصار كل حياتي
صرت احبه واموت عليه
رواح : شبيج فجر
فجر : مابيه شي بس احبك
رواح : هههههه خاف مصخنه
فجر : مو صوجك صوجي انه اتغزل بيك
رواح : يمه يمه حبيبي زعل ❤
فجر : رواح مااريدك وخر عني
رواح :لا لا انه اريدج
فجر : لا تصير طفل كوم
رواح : ع طاري الطفل
ترا انه اريد اطفال ☺
فجر :كوووم منا ما تستحي
رواح : هو شنو مااستحي كتلج اريد طفل اذا ما تردين عادي ازوج وحده ثانيه 😒
فجر: رواااح كافي
رواح: ولج اشتعل شيب الخلفج تعاي يمي 😉
(وحدث ما لم يحدث 😂😂).....شغلات عيب
..................
فجر: صرت زوجته واحبه
عامر رجعت من راحت ماجده بس رجع مكسور ومايحجي ويه احد
زكيه بس تبجي وماتحجي ويه احد وتكول هاي كله من وراي صار هيج
وره فتره سمعنه ماجده ما مرتاحه ويه عيالهه و نسوان رجلهه مأذينهه
جواد : خطب قمر بطلعان الروح يله وافقو
...
دره : مرتاحه ويه انس وعايشين احله عيشه
.....
جواد :واخيرا قمر صارت الي وراح تنور بيتي
.......
بعد مرور اشهر
فجر حامل و دره حامل
رواح : باعي شصاير بشكلج سمنانه
فجر : هاي كله من وراه ابنك ابنطي ونافخني
انس: ههههه هاي دره مو وياج اشو احسن منج ما سمنت
فجر: مرتك عودهه ضعيف تالي اجيب ابنك وزنه ربع كيلو 😂😏
رواح : هم صحيح عاد كلشي ولا ابني 😊
........
ورا اشهر
رواح : فجر جابت ولد يجنن سميته امجد ع اسم المرحوم
و انس صار عنده بنيه تخبل سماها ليان 😍
...........
فجر و رواح و انس و دره
حياتهم عاديه تصير بيهه بعض المشاكل بس بسرعه يرجعون لان حبهم اقوه من كلشي
("كما تدين تدان"
ليس فقط في الانتقام ، بل ستدان حين تجبر خاطراً ، أو تزيل هماً ، أو تسعد شخصاً ، سيأتي اليوم الذي يدان لك فيه جميلك ..❤️😍)
ماااجده و زكيه حصلو عقابهم ( كما تدين تدان )
جنات ازوجت واحد وياها بلكليه هو يحبهه و سوه المستحيل حته ياخذهه
فعلااااا تستاهل جنات لان انسانه بمعنى الكلمه
و اهل فجر رجعو يحجون ويه اهل رواح واهل دره كذالك
...........
❤❤❤ولهنا وانتهت قصتهم ❤❤
لا تنسون التصويت مثل كل بارت 😂
احبكم