خطأ اخي جعلني فصليه

بارت 8

الكاتبه ضحى التميمي
اتمنى الكم قراءه ممتعه احبتي
...........
فجر: طلعو وانه كبل اريد اصعد لغرفتي اذا اشوف المخده يمكن مااعوفها شهر ع هذا التعب
زكيه: وين رايحه فجر
فجر:لغرفتي محتاجه شي
زكيه: لا اصعدين هسه بليل صعدي هسه خاف يجي خطار منو يقوم بواجبهم غيرج انتي و دره
دره: حجيه خليهه تروح تنام شويه انه موجوده
زكيه: لا اثنينكم تكعدون ولا وحده بيكم ترتاح لو تنام منا لليل عود خمدو براحتكم
......
فجر: اوف هاي شبيهه
دره: عوفيهه اكلج فجر انتي مو كلتي عادي تخابرين لاهلج من تلفوني
فجر: اي تردين اجيبه الج
دره: ياريت والله
فجر: من عيوني هسه اجيبه
دره: تسلم عيونج
فجر: صعدت فوك اجيب تلفون دخلت شفت رواح كاعد ع تلفونه اذكرت هو اخذه مني
رواح
رواح:نعم
فجر:اريد تلفوني
رواح:شسوين بي ماكو تلفون واهلج انسيهم بعد
فجر: مو الي والله
رواح:لعد لمن
فجر: دره تريد تتصل ع اهلهه خطيه
رواح: امممم خل تاخذ تلفون انس لا انتي سوين روحج فقيره وتردين الخير الهه
فجر: ليش هسه انه شسويتلك ترا ميصير هيج تعاملني ع خطأ ما سويته
رواح: ولج سكتي اللسانج لا اكصه الج تكسحي طلعي برا لا تحصلين كتله مثل البارحه
فجر:شكد اناني تفكر بس بنفسك ما تفكر بغيرك انه صرت مرتك هيج اسوي بيه عفت اهلي غصب عني لا تفكر ميته عليك لو اريدك 😔
رواح:اللهم طولج ياروح اطلعين منا لا اخذ روحج
فجر:اي بعد من اسمك مبين بس فكر شويه ترا كلشي ممسويه انه واسلوبي وياك كلشي مابي
رواح بعصبيه:كتلج طلعي براااا
......
فجر:طلعت انه ميته قهر يربي شسوي وياه بسرعه يعصب وانه كلشي محاجيه وياه يارب صبرني
دره:شبيج صاير شي
فجر: والله مااعرف شكلج بس رواح اخذ تلفوني ومايقبل ينطيني وكال اذا دره تريده خل تتصل ع اهلهه من انس
دره:عادي ولا يهمج حبي
انس:شبيكم هيج واكفين فجر بيج شي
فجر:لا مابيه شي بس رواح اخذ تلفوني
انس:ااخ منك رواح ميخالف يرجعه الج
فجر:لا انه مااريده بس دره خطيه تريد تتصل ع اهلهه
دره: لا بعد مااريد
انس:دره جان كلتيلي وانه انطيج تلفوني هاج تلفون بس انتي حافظه رقم اهلج
دره:اي حافظته
انس:اوك اخذي راحتج عادي
فجر: اباوع عليهم صح مامعتبرها مرته بس ع الاقل محترمها مو مثل العندي عصبي وما يتفاهم كعدت انتظر دره تخلص من مكالمتهه كلبي تكطع عليهه شلون تبجي ع اهلهه و تسأل ع اخوها اذكرت اخوي علاوي شلونه هسه هم مشتاقلي
.....
زكيه:وينكم
فجر:هفف هاي العجوز ما ترتاح اذا اشوفنه كاعدين
نعم حجيه تردين شي
زكيه:اي راح يجون بيت اختي ام سلوان
نظفي الصاله وخلي دره جهز الضيافه
فجر: ان شا۽الله
ماجده:لعد دره وينهه
فجر: موجوده بلمطبخ
ماجده: يله روحي كليلهه واستعجلو
.....
فجر:ياربي مايخلون احد يرتاح شويه واشوف رواح نزل وكاشخ عبالك صدك عريس اول مره انتبه عليه شكد حلو وانيق وخاصتا عيونه بيهم سحر مو طبيعي
رواح: شفتهه تباوع عليه وكصتني كص
هاااا فجر سالمين بي شي
فجر:هااا لالا مابيه شي شنو انته طالع
رواح:اي نعم ليش عندج اعتراض
فجر: لا مو هيج بس بيت خالتك جايين
رواح:اها عادي بليل من اجي عود خل الكه مسويتلج مصيبه ويه اهلي لو بلغرفه وهاااا لا تحاولين ادورين ع تلفونج ترا كسرته وذبيته
فجر:😔
رواح:اي عفيه لا تحجين صيري حبابه
فجر:انته شبيك
رواح:صوتج وثول
فجر:رواح لا تعاملني هيج انه مو خدامه عندك شوف اخوك صح ما يريد دره بس ع الاقل يعاملهه باحترام ليش ما تصير مثله
رواح: اششش لا اضلين تقارنين لا اموتج خوش
....
فجر:طلع رواح ارتاحيت منه واجو بيت خالته شكلهم ناس بسيطين
دره:يله فجر خل نقدم الضيافه الهم
فجر:اي
فجر&دره:السلام عليكم
ام سلوان:وعليكم السلام  حبيباتي
شلونكم
فجر&دره:الحمدلله خاله
ام سلوان :تعالو خاله كعدو يمي فدوه لهلوجه الحلو شلون جناين حصلتي زكيه
زكيه:هذن فصليات ام سلوان
ام سلوان:خيه ميصير هيج عامليهم مثل بناتج حرام عليج الله يوم القيامه يحاسبج
زكيه:ام سلوان سكتي محد يعرف بنار كلبي سكتي
ام سلوان :حقج خيه
....
صار المغرب و راحت ام سلوان البيت صار هدو۽ وعاد هسه تعال فكر شراح نسوي عشه هفف مسوؤليه ولعبان نفس هنوب مااعرف طبعهم ولا اعرف شيحبون
جنات:ها كلبي شبيج صافنه
فجر:مابيه شي بس جاي افكر بلعشه
جنات:ولا يهمج هسه اتصل ع انس واخلي يجيب عشه من برا
فجر:اي والله ياريت لان كلش تعبانه و دره ماتعرف تسوي شي
دره:جني سمعت اسمي
جنات&فجر:ههه اي
فجر:ولج عوبه علمود العشه جنات كالت راح اتصل ع انس علمود يجيب من برا
دره:اي والله ياريت لان صدك تعبانين هليوم خطار و هوسه
جنات:ماشي هسه اتصل عليه شنو تردون انتو
فجر:عادي اي شي
دره:وانه هم عادي
..
زكيه:هاي شنو العشه بعد
جنات:اي ماما انس راح يجيب وياه
ماجده:وليش اجيب وياه هذول شنو شغلهم
جنات:انه اشتهيت اكل من برا واتصل ع انس فجر ودره معليهم
زكيه: اها اذا انتي تردين عادي من يجي انس صيحولي
...
فجر: اجه انس وخطيه جايب اشكال
انس:يله بنات هذا العشه تفضلو بس فرشو السفره ع ما يجي رواح وابوي
دره:شوكت يجون
انس:هسه بلطريق استعجلو لا امي تصيح عليكم
فجر: انس انته شعجب هيج تعاملنه
انس:انتو مالكم ذنب
يله كافي حجي وفرشو السفره راح يوصلون
فجر:اي
جاي اشوف دخل رواح وعمو سلمان
سلمان:السلام عليكم
فجر:وعليكم السلام عمو
هذا شبي حته ما يسلم عبالك شايف كباله عزرائيل
رواح: اباوعلهه هواي جاي تتعب بس تستاهل ع طول السانهه اله اكصه الهه
فجر: كملت السفره انه و دره وصحتلهم
محتاجين شي بعد
سلمان: تعالو بويه كعدو تعشو ويانه
زكيه: سلمااااااان
سلمان:زكيه كافي عيب الي جاي اسوينه هذول مثل بناتج
زكيه: تعالو كعدو
فجر: كعدت وانه حته مالي نفس اكل بس هيج
انس:فجر شبيج
فجر:لا مابيه شي
انس:لعد مجاي تاكلين
فجر: هيج شبعانه
دره:انتي كلشي مااكلتي ع حته الغده شبيج خاف مريضه
فجر: لا كلشي مابيه حبيبتي
خلصنه اكل وشلنه السفره
رواح وانس كاعدين يسولفون ع الشغل الحجيه زكيه تنام ع وكت وعمو سلمان هم
كعدنه انه ودره وجنات نسولف ع حياتنه
جنات: اصدكون من كال بابا طلبنه منهم فصليات انه متت قهر
فجر: اصلا انه مجنت اتوقع هيج طلب
دره: لا انه جنت اعرف راح يصير هيج
جنات: شنو تردون تعرفون علمود احجيلكم
فجر: احجيلي ع رواح ليش دائما عصبي ومجاي افهم عليه
جنات:بلعكس رواح جان هادئ وماكو منه بس الي صار وياه خلاه بهاي الحاله
فجر: قصدج تأثر بوفاه اخوج
جنات: لا قبل لا يتوفه امجد
فجر:لعد شنو السبب
جنات: رواح جان يحب وحده وبعدين خاتنه وتركته وهو جان متفق وياه ع زواج بس يتخرج بس هيه خانته وتركته خلته ايام والليالي مايحجي ويه احد وحابس روحه بغرفته ومن هذاك اليوم هو هيج عصبي و وفاه امجد بعد زادت عليه عصبيته وصار منعزل مااشوفين حته وياي كلامه قليل مو بس وياي ويه البيت كله ضل يكره شي اسمه نسوان لو زواج اعرف هسه هو ما متقبل فكره ازوج بس يافجر انتي وشطارتج كسبي و رجعي للحياه خطيه تأذه هواي
فجر: مجنت اعرف هيج صاير ويه رواح
جنات: واكثر بعد كلش انعزل
فجر:منو هيه حبيبته جانت وياه بلكليه
جنات: مو بس وياه بكليه لا صديقه الطفوله هم مشوفين انصدم بيهه وضل يكره النسوان من وراها
فجر :منو هيه
جنات: انتي شفتيهه اليوم
فجر: منو
جنات:........
..........
لا تنسون التصويت