الكاتبه ضحى التميمي
...............................
هل تشعُر مثلّي؟ تخدش نَفسكَ كُلما تُفضفّض لأحدً، لا يُمكنك ان تبوّح الى اي احدًا مهما يكّون او يَحصّل لكَ، تنحشر الدموع في جفوّن عينك وتمضّي، تشعُر وكأنك تُهين نفسك وتُصغر نفسك كُلما تَفعل ذالك".
............................
فجر: اباوع ع رواح ما عاجبني بس يبتسم
رواح: شبيج تباوعين
فجر: مابيه شي بس شكلك مو طبيعي
رواح: شلون يعني مو طبيعي
فجر: اول مره اشوفك هيج تبتسم
رواح: رفعت حاجبي هيج اذكرت شغله البارحه وضحت
فجر: هااا
رواح: خل اتصل ع جنات تصعد تاخذ الصينيه
فجر: ليش انه انزلهه
رواح: ممنوع اطلعين من الغرفه هسه
فجر: ليش ممنوع
رواح: اشتغفرالله كتلج ممنوع وبس ماكو طلعه اضلين هناااااا
الو ها جنات تعاي اخذي الصينيه
جنات: اي حبيبي هسه اجي
زكيه: ولج جنات شنو انتي خدامه لفجر
احنه جبناها هيه تخدمنه مو انتي تخدميهه اذا اصعدين اكسر رجليج والله
ماجده: ولج ثوله لشوكت تخدمينه كعدي وسكتي وخليهه هيه تنزل مو خدم الخلفوها احنه
جنات: ماما البنيه مريضه عادي اذا ساعدتهه
زكيه: عمه بعينج انه المريضه مو هيه منين اجت مريضه جنهه احصان
اذا صعدتي ما تلومين اله نفسج
.........
رواح: انه راح انام من تجي جنات انطيهه الصينيه ومثل ما كتلج ممنوووووووع اطلعين بره عندج حمام بلغرفه وهاي علاكه بيهه اكل هاج تلفوني لعبي بي بس طلعه ممنووووع
فجر: اي افتهمت
ضليت انتظر جنات تجي علمود تاخذ الصينيه ماكو اخذت تلفون رواح كعدت اتصفح بي لكيت عنده شكد برامج التواصل الاجتماعي وحسب شغله يتواصل ويه هواي ناس ضجت من تلفون ومااكدر اتصل ع اهلي هوه نايم شلون احجي رجعت تلفون يمه واخذت علاجي وجنات بعدهه كلت خل انزلهه انه شنو البنيه بتلت بيه تروح وترجع علمودي لبست شالي واخذت الصينيه ونزلت لكيتهم كلهم كاعدين ع الاكل كلت السلام عليكم
الكل : وعليكم السلام ما عدا ماجده وزكيه وسلمان
فجر: سكتت ومشيت للمطبخ غسلت الماعين
عامر: منو هاي
ماجده:الفصليه
جواد: قصدج زوجه رواح
جنات: اي هاي فجر زوجه رواح
عامر: هااا ليش ما تكعد ويانه شعدهه فوك من اجينه لهسه ما شفناها
زكيه: ايدهه طويله ما نأمن اضل يمنه وتكعد بيناتنه
جنات: ماما
زكيه: انجبي وسكتي
فجر: سمعتهه متت قهر بس مااكدر احجي يعني شكول انه مظلومه محد يصدك بيه
ردت اصعد فوك خلصت الماعين
ماجده: وووووين صاعده ما صدكنه نشوفج رجعي للمطبخ ساعدي دره اثنينكم خدامات مو صدكتي روحج وتردين الكل يخدمج جنات بعد ما تصعد الكم فوك عيب استحي ع نفسج ونزلي اشتغلي مثل العالم
رواح: فزت ع اتصال صديقي الوووو هلا كاظم لا تعبان مااجي لا حبي غير وكت امركم يله مع السلامه
اريد ارجع انام اذكرت فجر ماكو صحت عليهه كلت خاف بلحمام ماكو هاي وين وصلت وانه كتلهه ماكو طلعه هفففففف شكد متعبتني بت الاوادم
نزلت جوعثه وسمعت كلام ماجده وفجر ساكته
مااااجده شنو كلتي عيدي
فجر: فزيت ع صوت رواح جان صوته عالي هز البيت
ماجده: الي سمعته خليهه تنزل حالهه حال دره هيه مو احسن منهه وهليوم يردون يجون صديقاتي اريدهه تنظف البيت وتقوم بالواجب
زكيه: يمه عوفيهه اخوج متخبل عليهه مايقبل نحجي وياها صدك لو كالو لولد ولد امه الحد ما يزوج بعد هسه مو الي صار لمرته
رواح: يمه شبيج صدك تحجين
زكيه: شوف تصرفاتك وماتقبل ع اخت كتال اخوك
رواح: فجر صعدي فوك بسرعه
فجر: باوعت عليه شلون عصبي صار اووووف لو ما نازله احسلي هو نبهني ما انزل بس اااااااخ مني كسرت كلمته ونزلت صعدت بسرعه واجه وراي
رواح: انتي ليش تكسرين كلمتي هااااااا كتلج لا تنزلين لولا ليش نزلتي
فجر: رواح والله جنات ما اجت والغرفه صارت ريحتهه اكل كلت خل اخذ الصينيه و ارجع بسرعه
رواح: ولج بت الاوادم الف مره كتلج لا تنزلين ولج شنو بمكان عقلج مطي
فجر: اسفه
رواح: الله ياخذني وارتاح منكم
فجر: ما اعيدهه بعد
رواح: عيديهه وشوفي اكسرج والله
فجر: رواح اكدر اتصل ع اهلي
رواح: ليش تردين يجون ياخذونج
فجر: لا بس هسه كلهم موجودين علمود احجي وياهم
رواح: هاج اخذي
فجر: مشكور
...........
دره: مرت الايام وانس ع نفس وضعه مايحجي وياي بس وجود جنات و جواد و عامر غير من نفسيتي شويه هذول زينين وياي ويعاملوني بطيبه فجر مشتاقتلهه بس استحي احجي ويه رواح علمود اشوفها و هو مانعها تنزل هفففف الي صار ويانه انه فجر ما ينعقل
ماجده: دره يله صديقاتي ع جيه كومي حظري الكعده
دره: ان شاءالله
سلمان: ماجده ليش ما تشتغلين بويه ليش كله تأمرين دره
ماجده: ليش يابه منو كلك ما اشتغل بلعكس اشتغل كلش هواي
جواد: اي صحيح واضح شوفي اظافرج خطيه مكسرات و ايديج خشنه من الشغل
عامر: اي صحيح وجهج هم تعبان شغل البيت كله فوك راسج سوده بوجهي
جواد: اي والله سوده عباتي
جنات: ههههههه ولك جواد منيلك عبايه انته
جواد: لصمي هذا مثل يناكل خوب مو صدك عندي عبايه
جنات: هههههه عبالي عندك
..........
دره: كمت وحظرت كلشي اجه انس
انس: دره حظري ملابسي اريد ادخل اسبح
دره: ان شاءالله
..........
فجر: حجيت ويه اهلي ارتاحيت شويه وخاصتا من سمعت صوت علاوي واشرف صارلي هواي مسامعته
ضليت اشهك واحجي وياها ميته ع شوفتهم
رواح: شفتهه تبجي وتحجي وياهم طلعت من الغرفه كلت خطيه خل تحجي ويه اهلهه نزلت جوه
عامر: همزين نزلت رواح اريدكم بموضوع
رواح: ها عامر شتريد
عامر: اريد نروح للنجف صارلي هواي مازاير الامام علي ( عليه السلام) وهم نروح للمقبره
رواح: عادي انه ماعندي شي
عامر: كلنه نروح
زكيه: اي والله ميته ع النجف
ماجده: ااي فدوه حته انه اروح وياكم
عامر: اي كلكم ترحون ها يابه بيك حيل تروح
سلمان: اي بويه اروح وياكم
رواح: ماشي شوكت تردون نروح
جواد: باجر
رواح: شنو بهاي السرعه
عامر: ماعدنه شي نروح وجايه المدارس و الدوامات بعد ما نكدر
جنات: اي عفيه اريد اروح وياكم واذا بده الدوام مااكدر اروح بعد
رواح: تدللون ماعندي شي حظرو روحكم باجر
انس: والبنات هم يروح
ماجده: اكيد نروح
انس: لا اقصد ع دره و فجر
زكيه: لا ما يرحون
رواح: لا يمه يرحون
ماجده: شعدهم رايحين
رواح: لعد يضلون هنا بحدهم مايصير خويه
ماجده: هو شكد انضل 3 ايام قابل همااا صغار
رواح: لا يرحون ويانه
انس: اي احسن ماكو امان هنا يضلون
دره: اعرف شنو قصده مايريد اضل وحدنه خاف اطلع لو اسوي شي
شكد الواحد ينهضم من يتهم بشغله ما مسويهه يضل محتار بس يريد يثبت برأته بس شلون ماعندي دليل ولا اعرف منو سواها
........
رواح: صعدت فوك اريد ابدل واطلع حته اشوف سياره تكفينه لان طريق طويل من البصره للنجف متعب ومابيه حيل اسوق يراد تركيز بلطريق
دخلت شفت فجر بعدهه تبجي
هاي شنو بعدج تبجين صدك جذب
فجر: مشتاقتلهم
رواح: جان فتحتي وياهم كامرا
ع فكره باجر نروح للنجف
فجر: فدوه اخذني وياكم
رواح: حبيت العب باعصابهه ههههه
حجيت بجديه وشعندج رايحه ويانه لا انتي ضلين هنا
فجر: لا فدوه خل اروح والله ما تسمع صوتي
رواح: لا ماكو روحه
يله حظريلي ملابسي اريد اطلع
فجر: رواح والله مااسوي شي طاك كلبي ع الزياره خل اروح وياكم
رواح: انتي مريضه خاف تتخربطين هناك
فجر: لا والله صرت زينه وكلشي مابيه بس خل اروح وياكم
رواح:كافي شكد تلغين حظري ملابسي
دخلت سبحت وبدلت وطلعت للشغل التهيت هناك تالي خلصت
أنت تقرأ
خطأ اخي جعلني فصليه
Romanceما ذنبي خطأ اخي و تصرفاته جعلتني فصليه بين تلك الوحوش التي لا ترحم
