خطأ اخي جعلني فصليه

بارت16

الكاتبه ضحى التميمي
...............................
‏ليتهم يعلمون
‏أن الكلام السيء يؤذي
‏ولو ألبسته وشاح المزاح
‏والكلمة الطيبة تسلي
‏وتسر ولو كانت مجاملة
‏ليته يحاول أن يجعل على لسانه حارساً
‏من نفسه
‏حافظاً له من قيل وقال
‏وحتراماً لذاته
................................
رواح: فقدت كلش ضليت اضرب بي
فجر: روااااح عووووووفه هذا اخوي
رواح: سمعتهه كالت هيج تحنطت بمكاني انه ما شايف خوانهه ولا اعرفهم هاي اول مره اشوفه بس هيه الحق عليهه من الاول و كولي اخوي ليش تخليني افقد اعصابي
فجر: اشرف كوم صارلك شي حبيبي
اشرف: لا تخافين مابيه شي وحقه زوجج هيج يسوي انه لو بمكانه هم اسوي مثله واكثر
رواح: اسف مو قصدي
اشرف: عادي ولا يهمك حصل خير
رواح: فجر تكدرين تكعدين يم اخوج
انس اخذ امي والبنات وانه اجي وراكم
انس: ماشي ديربالك ع نفسك
يله امشو
فجر: كعدت يم اشرف متلهفه ع شوفته
اشرف كطعتو كلبي
ويامن جاي ماما وياك لو علاوي
اشرف: والله اجيت بحدي ضايج كلت خل اروح للنجف بلكت ارتاح شويه
عوفينه من هذا الحجي و كولي انتي شلونج شخبارج
فجر: الحمدلله زينه
اشرف: يعني مرتاحه
فجر: اي الحمدلله
رواح:من رخصتكم شويه وارجع
ردت اعوفهم شويه ياخذون راحتهم بلكلام
اشرف: احجي فجر راح رواح شلونج وياهم مأذينج بشي
فجر:لا يضل بالك والله زينه
اشرف:ولج يا زينه باوعي لوجهج متغير والله ما عرفتج بالبدايه مره اكول هيه ومره اكول لا تشبهه مو هيه
فجر: لا شسالفه
اشرف: ولج شكلج متغير وضعفانه
فجر: ولك احسن رشاقه 😂
اشرف: انجبي رشاقه ام حلك شوفي وجهج صاير بلطول زين ما يشرد منج الرجال بليله ظلمه 😏
فجر: لا شسالفه
اشرف:والله باوعلي لشكلج عبالك طالعه من الكبور
حبيبتي اختي اهتمي بصحتج ولا يضل بالج علينه احنه بخير ونعمه بس مشتاقين لشوفتج
فجر: 😏😒انه طالعه من الكبور
اشرف😂:اييييي
رواح: خليتهم يسولفون ع راحتهم رحت للسوك اخذت لفجر شكم قطعه ملابس شفتهه تباوع عليهم
ورجعت كتلهه يله فجر لازم نروح باجر من الصبح ورانه مقبره
فجر: اي
اشرف حبيبي سلم ع اهلي وكلهم مشتاقتلهم 😓😢
اشرف: ان شاءالله حبيبتي ديربالج ع نفسج وع صحتج
رواح:شفتهه ضلت تبجي كسرت خاطري خطيه
اشرف:رواح ديربالك عليهه تره هيه مالهه ذنب
رواح: اعرف لا توصي
اخذت فجر و رحنه للفندق
عيونهه ورمت من البجي (نقطة ضعفي رموشهه وعيونهه الناعسة🙂❤️)
كتلهه يله فجر روحي يم البنات
فجر: انتبهت شايل بيده علاليك صار عندي فضول اشوفها
رواح: ها شبيج تباوعين روحي
فجر:تصبح ع خير
رواح:وانتي من اهله
دخلت للغرفه لكيتهم نايمين من التعب بدلت ونمت كبل
فجر:دخلت للغرفه لكيتهم بسابع نومه غسلت وبدلت ونمت
...............
سلمان: يله بويه كعدو كافي نوم صار الصبح
جواد: حجي عوفنه نايمين شرايد منه
سلمان:ولكم كومي ورانه مقبره خل نروح قبل لا تطلع الشمس وتصير حاره
رواح: اي يابه راح نكوم
كمت اهوووو ملابسي يم فجر ياربي شكد ثوله هاي البنيه ماتعرف تخلي ملابسي بجنطه ثانيه
عامر فدوه روح جيب ملابسي
عامر: جااا وين ملابسك
رواح: ملابسي عد فجر رواح جيبهه
عامر:والله مابيه روح انته
رواح:اتمنه مره اكلك ع شي و اسوي
خل اكوم انه احسن (اتعب اجدامك ولا تتعب اللسانك)
عامر: هههههه اي من الاول وكوم
رواح:رحتلهم واشوفهم بعدهم نايمين
ولكم كومو يله مابقه وكت يله
اشوف فجر غاطه بنومها رجعت نعست ههههه
يله كافي 10 دقايق الكل كاعد وجاهز ماشي
فجررر يله كومي اريد ملابسي
فجر: ملابسك بلجنطه 😴💤💤
رواح: طلعت ملابسي غسلت وبدلت
شفت الكل كعد كتلهم تتريكون هسه لو من نطلع من المقبره
سلمان:بويه خل نروح ونزور اخوك وبعدين ناكل لاحكين ع الاكل
رواح: يله امشو السياره جوه تنتظرنه
نزلنه مشينه شويه شفنه السياره صعدنه متوجهين للمقبره
ضليت افكر شلون راح اشوف قبر اخووي انه فكره موته مجاي انقبلهه ماااااريد افكر بيهه هسه راح اشووف قبره شلون دخلنه للمقبره واشوف الكل تغيرت تعابير وجهم للحزن السكوت جان سيد الموقف بس صوت القرأن مسموع
قبل لا نوصل القبر امجد اشوف الكل يبجي بصمت حته دره و فجر
ااااااااخ يلتمن جروحي عبالك اليوم اول يوم توفه رجعت اعيش تفاصيل اول اسبوع من وفاته
دموعي سبقتني وضليت ابجي
فجر: دخلنه المقبره كلبي انقبض اباوع بلوجوه كلهه تبجي حته رواح ضل يبجي ع شكلهم و بجيهم ضليت ابجي وصلنه لقبر امجد اوووووف منظرهم يكطع الكلب رجعو عاشو معاناه اول يومين الفاتحه
الكل يبجي ويدك ع راسه
..................
#لا يانجف #قصرتي حيل ويانة اعزاز #اخذتي وضجنةمن #دنيانه
الجان كل روحي وهلي هسه #مدفون بعلي لا يانجف #قصرتي حيل ويانه
.................
زكيه:ولك يمه امجد اكووووم شوف منو اجه يشوفك ولك يمه اجو خوانك يشوفونك ولك يمه خوانك تخرجو اكعد شوفهم انته مشتاقلهم
جواد: انته كتلي بس اتخرج اخلي الشغل فوك راسك انته واخوك 😥😢هسه كووووووووووم قابل بكلشي انه بس كووم ارجع ويانه ااااامجد
....
الكل انتهه
فجر: ضلو كاعدين يم القبر ساعه بعدين نزلت الشمس و صار الجو حار
رواح:يله كومو كافي
زكيه: ماااا اكوم عوفوني يم وليدي و روحو
رواح: امي حبيبتي كافي كومي الجو صار حار و مو زين عليكم
يله كومي هففففف كوه كامو رحنه بلسياره و زرنه باقي اهلنه وطلعنه من المقبره بس تعبانين ومالنه خلك نحجي حته نسينه شي اسمه ريوك طلع بينه السايق لكربله وصلنه ب11
احنه عدنه شقه بكربله من نروح نكعد بيهه
فجر: وصلنه تعبانين اريد بس اكل وانام
دره: انس بعده مجاهلني تعبت منه حيل ومن تصرفاته تركته للزمن واعرف طلبته من الامام علي ومراح يردني انه هم اجاهلته ضلت بيناتنه بس النظرات
فجر: دخلنه للشقه حلوه ومرتبه وجبيره كعدنه
انس: انه رايح اجيب غده اكيد جوعانين ضليتو بدون ريوك
رواح: لا تروح وحدك اخذ وياك واحد من الولد
جواد: انه امس رحت وياه هسه دور عامر
انس: مزعطه 🙄
رواح: يله عامر كوم ويه انس
عامر: اي اروح قابل زعطوط واتعارك علمود الروحه
جواد: امششي الخايس ابو جوايب مزروفه
😛
سلمان:عيب بويه كافي انتو زلم كافي عرايك
عامر: انه فقير بس هذا القبر شوفو زايعته الدنيه 😒
رواح: ما طلع علينه سم روحو جيبو وتعالو
فجر حضري السفره
دره: لا فجر كعدي انه احضرها
فجر: لا خل اساعدج شعندي حضرنه السفره واجه انس،وعامر جابو الغده تغدينه وخلصنه وكل واحد راح لفراشه ناااامو
خلصنه غسل ماعين انه و دره طلعنه من المطبخ الكل نايم
دره: ولج وين انام هسه
فجر: يم البنات بس بيا غرفه هما
اشو جواد و عامر نايمين هنا
مو 3 غرف موجوده ليش هنا نامو
جواد: اي عيني طردونه
دره: بسم الله انته مو نايم
جواد: اي بس سمعتكم وكعدت
فجر: وليش نايم هنا 😐
جواد: ابويه ما قبل كالو 3 غرف
غرفه لرواح ومرته وغرفه لانس ومرته وغرفه النه انه وامك وخواتك
فجر: وطردكم الحجي مو 😝😂😂😂😂
جواد:خااااب ولي احنه طلعنه لان صوت الشخير موتنه
فجر: اي والله البارحه لو ما تعبانه جان ما نمت من وره صوتهم العالي
اكول جواد وين غرفتنه 😜😝
جواد : وجع هذيج اول وحده 😐
فجر:دخلت الغرفه بارده وضلمه
كبل رحت نمت
رواح: تعودت عليهه تجي تنام يله انام دخلت كبل نامت ههههه تعبانه وين متعوده ع هيج
نمت وكعدت العصر لكيتهم نايمين هم كعدتهم
يله كومو هو بس هليوم وباجر نرجع لا تكولون ما شبعنه زياره خلينه بعد تره عدنه شغل يله كوووومو
كامو وطلعنه رحنه زرنه وتعشينه ورجعنه
فجر: رحت زرت الامام الحسين و العباس (عليهم السلام) ارتاحيت كلش حته نفسيتي تغيرت رجعنه للبيت نمت كبل حته ملابسي ما عيرتهم
........
انس: دره تغيرت شويه قبل جانت بس تريد تثبت التلفون مو الهه بس صارلهه يومين حته ما تحجي وبس اسوي المطلوب منهه حته من خلو النه غرفه احسهه ضاجت تريد اضل ويه البنات ماتريد اضل وياي تعلقت بيهه واريدهه بس مجاي اتقبل وانسه الي شفته
........
سلمان : يله بويه كعدو كافي نوم صار الصبح هم يله
الطريق طويل ونريد نرجع ع وكت
رواح: اي يابه كعدنه شفت فجر غاطه بنومها غطيتهه وطلعت اجيب ريوك
جبت ريوك شفتهم كاعدين تريكنه وطلعنه
تكسرنه من الطريق وصلنه كل واحد راح الغرفته يريد ينام
طريق 8 ساعات يموت من كربله للبصره 😐يتكسر الواحد و كعده وحده
....... ........
قراءه ممتعه احبتي
اتمنه اليقره يصوت
😞😞بليززززززز
وغلسو ع السحك كيبورد جديد وموتني تأخرت بسببه