خطأ اخي جعلني فصليه

بارت15

الكاتبه ضحى التميمي
................
الساتر الُلُهہ ؏ـيوني رفن لا يگلبنهاا بچي..!!💔
...............
فجر: كعدت وحظرت ملابس الي ولرواح
رواح دخل يسبح وانه بدلت ملابسي
رواح: ها فجر جاهزه
فجر: اي جاهزه يله خل ننزل
رواح: حظرتي ملابسي
فجر: اي
رواح: خو ما ناسيه شي
فجر: لا كلشي مناسيه
رواح: تمام يله خل ننزل صارت ب5 ونص ب6 لازم نطلع
.............
فجر: نزلت وعيونهم عليه ما يردوني اروح وياهم حجي سلمان وزكيه و ماجده ابدهم ياكلوني
جواد: يا هلا بمرت الغاليه هسه نور البيت
عامر: اي والله اكول البيت نور لان مره الغالي اجت
رواح: بدت رحمه الله
فجر: ههه هلا بيكم البيت منور بوجودكم
رواح: عوفو مرتي تره مريضه ومابيهه حيل
صدك فجر جبتي علاجج لولا
فجر: لا ضل فوك
رواح:ولج ثوله شسوي فوك غير اجيبينه
يله صعدي جيبي وتعاي بسرعه
فجر: تمام صعدت جبت العلاج نزلت لكيت الكل جاهز طلعنه و ركبنه بلسياره
رواح: عامر و جواد كعدو قريبين ع السايق علمود سولفون وياه ويلتهي مايحس بلطريق
عامر: ماشي
رواح: يله يابه اصعد
كعد بابا يم ماجده وماما يم جنات
انس انته اكعد يم مرتك
انس: لا رواح خليني اكعد يمك و فجر تكعد يم دره
رواح: اريد اقربهم من بعض اكثر لان احس صاير شي بيناتهم
لا حبيبي انه اريد مرتي روح اكعد يم مرتك انته
انس: ايباااااااه ع كيفك روميو
رواح: هههههه يله ولي اكعد يمهه خطيه باع وجهه صاير اصفر بس لا حامل
انس: 😱😠ولي يله حامل من استغفرالله خل اصعد احسن
رواح: هاااااا ليش ما دبرتهه 😂😂😂😂
انس: 😤😤😤😒
.......
دره: اجه انس كعد يمي اباوع عليه كوه متحمل
فجر: رواح حباب انه اريد اكعد يم الجامه فدوه
رواح: لاااا انه متعود اكعد يمهه
فجر: لاااا حباب والله مااعرف اله اكعد يم الجامه
رواح: ههههه تصرفاتهه مال اطفال هاي شحجي وياها بله يله تعاي كعدي يم الجامه امري لله
فجر: ههه شكرا
...........
فجر: بدت السياره تمشي والطريق طويل من البصره للنجف 6 ساعات الواحد يتكسر يله يوصل
رواح: مشت السياره تقريبا ساعه ونص صارت ب7 ونص جعت
اكول ما جعتو محد يريد يتريك
جواد: اي والله بدت بطني اطلع نغمات
عامر: اي والله تعال اسمع شلون نغمات تسطر
شوف مطعم خل ينزل ياكل لا ياكلني
رواح: ههههه سايقنه اقرب مطعم نزلنه فدوه
السايق : تدلل استاذ رواح
رواح: ها فجر جعتي
فجر: لا مجوعانه
رواح: لازم تاكلين علمود علاجج ورانه طريق وخاف ترجع عليج الصخونه واحير بيج هناك
فجر: لا ان شاءالله ميصير شي
وصلنه للمطعم نزلنه تريكنه كلنه وصعدنه
رواح: ها اخذتي علاجج
فجر: اي هسه اخذه بس اريد ماي
رواح: انس انطيني بطل ماي من يمك
انس: هااك
رواح: يله شربي
فجر: شربت علاجي دخت نمت
رواح: الكل نام بس جواد وعامر كاعدين يسولفون ويشاقون ويه السايق وانس نام اشوف دره صافنه عليه و دمعتهه بخدهه لازم من ارجع افهم سالفتهه مبين صاير شي بينهه وبينه بس انس مايحجي لاي احد طبعه صعب هسه انه طبعي صعب بس جنت اسولف لامجد الله يرحمه بس انس ابد ميسولف حسيت ع فجر نامت ع جتفي وانه هم نمت
فجر: فزيت لكيت روحي بحضن رواح ياااااا شكد فشله
رواح: هاااا صح النوم بعد وكت جتفي راح من رواج شكد وزنج 150
فجر: عزززززه 150 فد مره شسالفه مبين عليه سمينه
رواح: شوفي روحج
فجر: اسفه بس من اخذ علاجي انام
رواح: تدرين صارلج 3 ساعات نايمه اهلي كلهم نامو وكعدو وانتي بعدج نايمه
فجر: اي لان اخذ علاج انام
السايق : اكو استراحه هنا تنزلون ترحون للحمامات تغسلون
انس: اي والله نزلنه هنا تعبنه الطريق يموت
رواح: ها تنزلين
فجر: اي انزل شنو انته ما تنزل
رواح: لا انزل يله نزلو بس لا تتأخرون بسرعه تعالو
ماجده: اي تدلل ما نتأخر
رواح: رحت للحمامات وبعدين غسلت وارتاحيت شويه والبنات بعدهم عود كتلهم لا تتأخرون هاي كله بلحمام شلقضيه
هااااا خاتونات هسه يله شرفتو
ماجده: هاي مرتك اخرتنه اكلهه يله تكول بعدني خل اغسل
فجر: عزه انه خلصت اول وحده
ماجده: عينك عينك اجذب
جنات: خافي ربج ماجده البنيه خلصت اول وحده
رواح: اهوووووو بدت رحمه الله يله صعدو السايق صارله ساعه ينتظر خطيه
وره ساعه وصلنه للنجف جانت ب12 الظهر وحاره
نزلنه كتلهم اوكفو هنا خل اشوفلكم فندق رحت انه وانس ندور ع نفندق مرتب لكيت فندق حجزت غرفتين كبار
يله لكيت فندق تعالو دخلنه غرفه بيهه انه و لولد و بابا و غرفه بيهه ماما والبنات
يله ارتاحو حته نطلع نتغده
جنات: لا عفيه بعد مابينه تكسرنه من الطريق جيب هنا الغده
زكيه: اي والله يمه انه مابيه اطلع بعد
رواح: ماشي هسه انجيب الغده هنا ونتغده بس شتردون
ماجده: اريد كباب
جنات: اريد بيتزا
رواح: وانتي دره شنو تردين
دره: بكيفكم
رواح: وفجر شتردين
فجر: بكيفك عادي كلشي اكل
رواح: ماشي
زكيه: اشووو ما سألتني يبن بطني
رواح: ههههههه اويلي بدت الغيره
حجيه اعرفج شنو تاكلين انتي والحجي ما يحتاج اسإلج لان حافظج حفظ
زكيه: شنو اريد بله
رواح: انتي ما تحبين هاي السوالف اذا مو تمن و مرك ما ترتاحين ولا تحسين روحج ماكله
زكيه: اي والله حشه نعمه الله هذا مال عشه مو غده
رواح: يله فد شويه وارجع
رحت للولد عامر جواد روحو جيبو غده
عامر: صدك تحجي مابيه اكوم ولا بيه اتحرك
جواد: انه اروح امشي انس وياي
انس: اي مو انه بنكالي الخلفكم
جواد: فديتك شلون بنكالي تخبل
رواح: بس خلو بالكم امي وابوي يردون تمن ومرك و جنات تريد بيتزا و ماجده كباب وفجر و دره عادي كلشي ياكلون
جواد: تمام نص ساعه و نكون عندك
رواح: يله ع ما اسبح وارتاح
دورت ع جنطتي ماكو خرب وينهه اريد اسبح معقوله نسيتهه بلسياره لالا مستحيل نزلتهه
تالي اذكرت ملابسي ويه فجر
خل اروح اجيب ملابس واسبح رحتلهم فجر ماكو
جنات وين فجر
جنات: دخلت تسبح تريد شي منهه
رواح: اريد ملابسي وين الجنطه
جنات: هاي كبالك
رواح: رحت فتحت الجنطه واشوف ملابسهه ويه ملابسي اول مره اشوف ملابس مره يم ملابسي ابتسم مجاي اعرف شنو اريد بلضبط ارتاح من تكون موجوده يمي وبنفس الوكت احس بشعور غريب مو حب بس مااعرف شنو
اخذت ملابسي و رحت سبحت طلعت من الحمام لكيت لولد جايين
انس: ها وين نكعد بغرفه البنات لو هنا
رواح: لا هناك غرفتهم اكبر
رحنه وكعدنه ناكل والكل تعبان بس يريد ياكل حته ينام اباوع لفجر تاكل وهيه مغمضه هههههه عود الطريق كله نايمه خلصنه غده وكتلهم
يله نامو وارتاحو فد ساعتين علمود نطلع نزور
وما نرجع اله بليل حسبو حسابكم
الكل: ان شاءالله
رحنه للغرفه انه و لولد
جواد وعامر ضلو يشاقون ويسولفون والطريق هم كضوه بس سوالف ولكم سكتو خل انام
سلمان: بويه اريد انام سكتو
عامر: بابا ما نعسانين شنسوي
رواح: عامر احنه تعبانين خل انام ورانه طلعه
جواد: اهوووو كوم عامر ناخذ غير غرفه وين مكعدينه ويه شياب
سلمان: وثول منو الشايب ولك
جواد: ههههه بويه اقصد ع رواح شايب مو عليك
رواح : رحم الله والديك انه شايب لو انته ماتتعب جنك ثور
حجي امشي انام بلغرفه الثانيه
عامر: حجي خوب كول اشتاقيت لامي وتريد تنام يمهه 😂😉😉
سلمان: عمه بعينك السانك انه موو بكدك تحجي وياي هيج
رواح: عيب استحي
جواد: خااااب روح ع اساس انته ماتريد مرتك هم 😂😂
رواح : طاح حظكم حظ اليكعد يمكم
رحنه يم البنات
جنات: ها رواح ليش اجيت
رواح: من وره خوانك مايسكتون وانه والحجي تعبانين نريد انام
فجر: نزلت من الجربايه وكتلهم خلي الحجي ينام بمكاني
جنات: لا حبي انتي معليج خلي ينام بمكاني
فجر: لا حبي عادي تعال عمو نام هنا
عمو سلمان ما صدك بسرعه اجه نام نعسان ههههه
جنات: رواح تعال نام بمكاني وانه انام ع الارض
رواح: لا حبي عادي روحي نامي معليج
فجر: فرشت النه ونمنه بلكاع من التعب نمنه كبل
فزيت ع رواح يكعدني
رواح: كعدت باوعت ع الساعه لكيتهه ب4 ونص لعد احنه شكد نايمين شفت فجر نايمه كعدتهه بهمس فجررر يله كعدي
فجر: رواح هسه نمت شتريد مني
رواح: ولج هسه ب4 ونص كومي يله وكعديهم انه رايح اكعد لولد حته نروح انزور
فجر: تمام
رواح: كومي كدامي غسلي رجهج لان متأكد بس اعوفج ترجعين تنامين
فجر: بس نص ساعه واكعد فدوه
رواح: ولج يله كومي وسحبت الغطه منهه
فجر: بعد طارت النومه 😒😒كمت غسلت وكعدتهم
بدلنه وخلصنه
رواح: رحت للغرفه ولكيت الولد نايمين حقهم ههههه تعبو ونامو اكيد
يله كعدوووووو كافي نوم استاذ عامر يله استاذ جواد اكعد
يله كعدو خستو من النوم
جواد: ولك قبل شويه نمنه عوفنه
رواح: يله كومي لا اذب عليكم ماي بارد والله
عامر: اي اي كايمين
رواح: اهووو نسيت ملابسي يم البنات
رجعت واخذتهم وبدلت
طلعنه كلنه سوه ونمشي
قبل لا ندخل للامام كتلهم يله بنات جوه نلتقي زورو وخلصو تعالو نكعد سوه جوه
خلصت زياره وكعدت انتظر
فجر: دخلت للامام وانه نفجرت بلبجي ضليت ابجي بدون وعي جنت محتاجه اروح واحجي كلشي بكلي يم علي ابن ابي طالب واعرف مراح يردني خايبه
ضليت ابجي واحجي واردد ظلموني ومحد صدكني بعدين هدئت شويه دره هم سمعته تبجي
دره: يا مولاي اريد تبن الحقيقه انظلمت
وتبجي بصوت مسموع
فجر: ارتاحيت كلش اخذت دره وطلعنه اندور ع الولد
رواح: اجت فجر وعيونهه حمر مبينه باجيه
كعدو يمنه اباوع ع دره هم نفس الشي
انس: شفت دره بهذا المنظر كلبي ضل يأذيني عليهه
ضليت احبهه وتعلقت بيهه بس الي شفته بعدني عنهه احبهه واحب اهتمامهه بس مااكدر كرامتي ما تسمحلي اسامحها هيه مو طفله وتعرف هذا الشي غلط ليش سوته ماادري
فجر: كعدنه بلحظره و رواح قره الزياره بصوت عالي صوته يجنن بحيث بس سمعته ارتاحيت واحس الهم كله راح
رواح: قريت الزياره واحس فجر صارت احسن كتلهم يله امشو نروح للسوك وبعدين نتعشه
فجر: طلعنه افترينه بلسوك
عجبتني هواي شغلات بس ماعندي فلوس واستحي اطلب من رواح
دره: ها فجر شبيج
فجر: مابيه شي انتي شبيج
دره: مابيه شي
رواح: اباوعلهه شلون تباوع ع الشغلات بس اكيد تستحي تكول واكيد هيه ما عدهه فلوس كتلهه
فجر ما عجبج شي
فجر: ها لا كلشي ما عجبني
كلت بكلبي جذب هواي شغلات اريدهم بس استحي
رواح: عرفت بيهه مستحيه وشفتهه تباوع ع محبس حلو و نازك عجبني كتلهه ها فجر عجبج
فجر: اي حلو
رواح: شوفي ع قياسج
فجر: لا مااريده
رواح: ومنو كلج الج اكو وحده اعرفهه ذبت جسمهه مثلج واريد اخذه الهه
فجر بقهر: اها لبسته شفته ع كدي كتله اي زين
رواح: اخذته وكلت بليل انطيهه
دخلنه المطعم وتعشينه وطلعت انتبهت ع فجر تباوع ع شاب وتبتسم وهو هم يبتسم الهه
ما تحملت خزرتهه
بس ما تابت ضل تباوع عليه وهو يباوع عليهه ما شال عينه عليهه
ماجده: ها فجر شبيج تباوعين لهذاك لولد و تبتسمين
فجر: شبيج ماجده يا ولد
ماجده: ادبسززز حقيره ما تستحين كدام اخوي وهيج اسوين الله يستر من وراه شسوين
رواح: اشوف لولد اجه يمنه و فجر وجهه صار اصفر
هو اجه وانه شبعته بوكسات و دفرات
فجر: لا رواح عوفه فدوه رواح عوفه خل افهمك بس
ياربي
رواح عوفه
رواح: ولج سكتي ادبسززز ما تستحين واكفه وياي وعينج ع واحد ثاني
فجر: لا رواح لا تظلمني
رواح: ما ظلمتج بس بهاي تصرفاتج جنيتي ع روحج ورجعت اضرب بي
فجر: روااااااح عوووووفه هذا...........
...............
اتمنى الكم قراءه ممتعه احبتي
لا تنسون التصويت رفعولي القصه
منو تتوقعون هذا الشخص الي شافته فجر
يله حزرو
تحياتي الكم ♥