خطأ اخي جعلني فصليه

بارت6

#الكاتبه ضحى التميمي
قراءه ممتعه احبتي
........

فجر:ولج كلشي ممسويه مااعرف شبي دخلت للغرفه وضل يعيط عليه لكيت الغرفه عبالك قنبله منفجره بيهه ملابسه مو بلكنتور و عطوراته وساعاته دخت وانه افكر شلون هيج صار تخيلي ملابسي بمكان ملابسه ومكياجي بدال عطوراته وساعاته ويكلي انتي هيج مسويه بهذلني الله لا ينطي
دره: عزه صدك تحجين
فجر: اي والله
دره: والله مااعرف صرت اخاف من هذا البيت
فجر: لا تخافين الله ويانه
دره: يله خيه خل نكمل شغلنه قبل لا يجون الناس وتصير هوسه
فجر: اي
.......
زكيه: هاا ما خلصتو بعدكم شلون بنات
بنات هلوكت صارلكم شكد بلمطبخ وبعدكم
فجر: احنه مو اسرع من النار 😒
زكيه: وسم ان شاءالله لا تردين بوجهي واشتغلي وانتي ساكته
فجر: اسفه مو قصدي
زكيه: انطمي انه رايحه اكعد بالاستقبال اخاف يجون الناس وانتو ضلو بلمطبخ ممنوع طلعون منه
فجر: تدللين منطلع
امداج عجوز البين كون تلحكين ابنج
دره: ولج سكتي لا تسوين مشاكل
فجر: ولج ما شوفينهه شلون تعاملنه مثل البهايم عدهه شوفي بناتهه كاعدات واحنه من الصبح الهسه دك شغل
دره: بعد شنسوي هذا نصيبنه
فجر: الله يسامحك علاوي ضيعت روحك وضيعتني وياك
مشتاقه لاهلي اول مره اصير بعيد عليهم 😔ممتعوده طلعاتي كله ويه ماما وقموره
دره: وانه هم كلبي شاب نار عليهم 😭
فجر: خل اروح اتصل عليهم
دره: ولج بعدين خاف تجي الحجيه وتسأل عليج
فجر: تولي كليلهه راحت للحمام
دره: بسرعه رجعي
فجر: اي بس احجي ويه اهلي
دره: اكلج فجر رواح يدري عندج تلفون
فجر: مااعرف بس واذا عندي تلفون شكو بيهه
دره: مو اخاف ميقبل
فجر: شسالفه هو تلفون واتصل ع اهلي قابل شراح اسوي بي
دره: مااعرف بعد براحتج حبيبتي بس ديربالج كلبي
فجر: اي حبي دقايق وارجع
........
صعدت فوك واشوف الغثيث نايم 😒نامت عليك طابوكه
اخذت تلفون وطلعت برا اتصل ع اهلي مشتاقتلهم حيل
خوله: الوو هلا ماماتي شلونج شخبارج بالي يمج والله 😭😭
فجر: هلا ماما انه زينه انتو شلونكم 😔بابا قموره علاوي اشرف شخبارهم مشتاقتلهم حيل 😔😭
خوله: ولج يمه البيت ضلمه بدونج 😔كلهم مشتاقيلج
فجر: انه هم مشتاقتلهم قمر وينهه
خوله: قمر قمر تعاي اختج ع تلفون
قمر: صدك ماما
خوله: اي ماما تعاي
قمر: ولج فجر مشتاقتلج كطعتي كلبي 😭😭
فجر: وانه هم مشتاقتلج يروح اختج 😔ديربالج ع ماما وبابا انتي صيري قويه 😔
قمر: بعيوني هما بس شوكت تجين
فجر: الله كريم حبيبي بابا وين يمج
قمر: لا بابا طلع
فجر : سلميلي ع بابا و لولد وكليلهم لا يفكرون بيه انه زينه
قمر: ان شاءالله
فجر: ديربالج عليهم حبيبتي
قمر: اي
فجر: يله باي
قمر: بايات حبي
.....  
فجر: اريد ارجع للغرفه واشوف رواح يباوعلي و وجهه مكلوب
رواح: ويامن جنتي تحجين
فجر: ويه اهلي
رواح: منيلج هذا تلفون
فجر: تلفوني
رواح: ومنو سمحلج اجيبينه وياج ولج انتي شكد صلفه
فجر: شفته اجه يمي متت خوف
رواح: ولج جاوبي منو سمحلج
فجر: اااخ رواح هد ايدي أذيتني
رواح: انطيني تلفون يله
فجر: لا فدوه اريد احجي ويه اهلي
رواح: اهلج ماكو بعد انسيهم
فجر: لا عفيه رواح كلشي ولا اهلي
رواح: خاف عبالج اعوف اخوج علي لا تحلمين
فجر: انته شتريد منه بعد مو نحلت المشكله
رواح: ههه يصير خير هسه ولي سويلي ريوك وصعدي الي فوك
فجر: انته شبيك ليش هيج وياي
رواح: ولي صلفه
.....
فجر: نزلت وانه دموعي ع خدي شكد فرحت من سمعت صوت اهلي وشكد كسرني رواح بكلامه الي يسم البدن خل اسويله ريوك لا يضل يصيح عليه
دره: شبيج فجر باجيه
فجر: لا حبيبتي مابيه شي بس لان مشتاقه لاهلي
دره: الله كريم حبي
فجر: انتي مخابرتي لاهلج
دره: لا معندي تلفون
فجر: صدك اخذي تلفوني
دره: مشكوره حبيبتي بس مو هسه بعدين خل نخلص شغل لا تجي الحجيه
فجر: اي وانه راح اسوي ريوك لرواح
دره: ماشي حبيبتي سوي وانه خلصت الغده مبقه شي والناس مبينه بدت تجي
فجر: اي شفت شكم مره كاعده يم الحجيه
......
ماجده: هاي شنو بعدكم ما خلصتو شكد تسولفون يله فضوها و سوو جاي و نومي بصره جاي يجون الناس
دره: حاظر
فجر: لو اعرف هاي شبيهه ويانه هيه وامها
دره: معليج بيهم حقهم ملجومين يمكن لو احنه بمكانهم نسوي هيج
فجر: هاي جنات مو مثلهم ولا عبالك اخت ماجده
دره: ماجده خسرت اخوها ومو بس اخوها لا تؤمها يعني كسرتهه جبيره
فجر: اي هم حقها
دره: يله خلصتي الريوك
فجر: اي خلصت سم الهاري 😒
دره:ههه لو يسمعونج من اسوي الاكل جان موتوج
فجر: هو انه شحاجيه
دره: لا ع بختج كلشي ما تحجين ساكته ههه
فجر:😒😒
.....
اخذت صينيه الريوك وصعدت فتحت الباب ونصدمت
رواح: انتي شبيج ليش مدكين الباب طلعي برا خل اكمل تبدلين يله ادخلين
فجر: 😏ع اساس جسم ريثيك روشن
رواح: اطلعين لوو اطلعج بطريقتي
فجر: خفت كلت خل اطلع واسلم ع روحي لا احصل كتله مثل البارحه مابيه حيل خليت صينيه ونزلت شفت البيت هوسه ودره خطيه ملتهيه بالجاي والماي وهوسه الجهال
دره: همزين اجيتي تعاي ودي هاي الصينيه الهم
فجر: لا ع بختج استحي
دره: وكت مستحه هسه جايه وراج انه
فجر: ناس هواي
دره: اي نسوان عمامهم و بناتهم
فجر: اووووف
........
لا تنسوون التصويت فديتكم