Zuria Daya(rikicin cikin gida)

*_ZURI'A D'AYA_*🎆🏢🏢

🤦🏼‍♀🤦🏼‍♀ _Rikicin cikin gida_ 🤦🏼‍♀🤦🏼‍♀

      By
_Maryam Abdul_

*In dedicated 2 Bilkisu Hashim(Mom Zee)*

🌎 *Duniya Makaranta* 🌎

_Idan Allah ya daukaka ka duniya da masoyanka zasu san matsayinka, idan ka shiga jarrabawa lokacin ne zakasan asalin masoyan ka._👌🏻

  

           *Page* 5⃣5⃣

_________washe gari su Uncle Salman suka zo kamar yadda suka yi musu alk'awari, wuni cur suka musu sai bayan asr suka wuce, sosai wani irin sabo da shakuwa suka shiga tsakanin Fauziya da Aymanah kace wasu kawaye da suka taso tare, sai tsakanar juna suke suna ta areren su, shima Mu'azzam tun yana dari-dari da cin magani saida ya sake yadda Uncle Salman ya keta jansa da hira gasu Adnan da Hafiz suma sunzo dake basu samu haduwa ba jiya, dole ya sake shima akayi dashi, saidai duk da haka yana yi yana basarwa da yamutsa fuska Wanda dama his nature ne shima Salman d'in ya fahimci hakan....

Exchange contact sukayi tare da tabbatar da zasu ci gaba da zumunci dan an riga an zama d'aya, Fauziya na tabbatar da Aymanah data haihu ta sanar musu tun suna hospital dan suzo cin remgem da wuri, dariya tayi ta tabbatar mata aiko itace zata fara gayawa ko, haka suka rabu cike da nishad'i.....

Dakika da koma sakan, sakanni sun koma awa, awanni sun juye sun zama kwanaki, kwanaki sun koma watanni, watanni haka rayuwa ke nausawa da dad'i ba dad'i farinciki sab'aninsa is all about life...

Zuwa yanzu Samiha ta gama iddar ta, in ka ganta a yanzu kai da kanka kasan ba waccen Samihar bace ta dawo wata Sayyada, bata missing zuwa islamiyya duk da tana kan karatun ta ne, duk ta tattare gyalulukan ta ta kyautar ta mayar da hijabai ta dawo decent sosai so cool, tuni manewa sun fara kawo mata hari tun daga Samari zuwa Zawarawa, ganin haka ne Abba da Dady sukace ta tsaya ta nutsu ta zabi wanda ya kwanta mata a rayuwa ta yadda da halayyarsa ta tsayar sai su kuma suyi bincike yadda ya kamata, su Momy ta shawarta inda Ammi tace ta farayin istikhara duk wanda ranta ya nutsu dashi shine mafi alkhairi agareta.....

Shawarar Ammi tabi tayi istikhara, cikin ikon Allah taji ta samu nutsuwa da wani Sudais dan abokin Dadyn ta ne, yayi aure saidai matar ta rasu gurin haihuwa, dake dama a shirye yake cikin k'ank'anin lokaci komai ya kankama.....

**************

"Yanzu Kabiru haka zakayi ta zama ba mata? Ka maida matarka kace sam kuma kak'i ka sake wani auren Anya Kabiru rayuwa zatayi haka, kada ka manta fa kune kad'ai kai da d'an uwanka kuka ragemin ba Mahaifinku ba d'an uwanku u'um?" Hajja tace da Dady, cikin sigar rarrashi da nasiha...

"Nima abinda nake ta magana kenan Inna yayi hakuri ya mayar da matarsa kodan darajar zuri'ar da ke tsakanin su, ga auren 'yarta za'ayi bata da masaniya, ka rabu da ita kuma ka rabata da yaranta, kar kaga sun d'auke idonsu suna bin duk abinda kakeso ka d'auka basa sonta, komin munin halinta suna k'aunar ta kuma basu da sama da ita, kuma na tabbatar zuwa yanzu itama ta gama gane kuskuren ta, ka d'aure ka bata wata damar Ku sake zama" Abba ya dora akan zancen Hajja.

Jinjina kai yayi Suwaiba tayi musu abubuwa fa a rayuwa "Inna, yaya bawai naki ta taku ba, amma kada Ku manta wacece Suwaiba ba wanda batayiwa tab'o a cikin mu ba, bata tsoron Allah bata da imani..."

"Haba Kabiru ya kake magana kamar haka, kamar ka manta kaddara?" Hajja ta fad'a a d'an tsawace....

"Kanina kada ka manta ko ubangijin mu muna masa laifi ya yafe mana bare d'an Adam, kai da kanka kace Yayanta ya tabbatar maka da canjawar ta, ka daure ka bata damar nan kayi mata uziri ajizanci ne irin na d'an Adam" Abba ya fad'a bayan ya dafa kafad'arsa da sigar rarrashi...