انهرتُ امامَك للكاتبه *آلاء عصمت* [مكتمله]

الفصل الرابع

فى مكتب عميد الكليه
العميد : استاذ آدم انا بطلب بس من حضرتك انك تهدى بس شويه وانا شايف ان ده خلاف صغير يعنى ممكن يتحل ودى .
آدم بغضب : يتحل ودى انا مش هسكت ابدا البت ديه لازم تعيد السنة دى .
شيما ببرود عكس الغضب اللى جواها تماما : اعيد ايه ليه بقه ان شاء الله انا مجهودى وتقدراتى هى اللى تتكلم عنى مش انت .
آدم : مجهودك ... طب ياريت نشوف مجهودك ده .
العميد رفع سماعه التليفون : الو ...عايز نتيجة شيما سليم المنشاوى حالا على مكتبى .
بعد فترة دخل واحد المكتب : اتفضل يا دكتور ديه النتيجه .
آدم اخدها من ايده بسرعه وعصبيه : ورينى .
آدم بص للنتيجه وتنح ... بس ظهرت على وشه ابتسامه خبيثه .
آدم بمكر : ايه ده ده انتى تقديراتك كلها حلوة جدا ده انتى على كده بقه مرشحه من اللى عيتقدموا للشغل ف احد فروع شركات النويرى اللى هنا .
شيما بانتصار وهى مركزتش فى اسمه خااااالص : طبعااااااا ده انا مليون شركة تتمنانى مش النويرى بس .
آدم بخبث اشد : تمااااااام ...... لا انتى كده طلعتى شاطرة جداااااا وانا من رأيى ان الموضوع يتحل ودى احسن برضو علشان محدش يتئذى ولا ايه رايك يا دكتور .
العميد : والله انا كنت بقول كده برضو يا آدم بيه ومفيش داعى للمشاكل .
آدم وهو وقف وبيدى الشهاده لشيما : فرصه سعيدة .
شيما اخدت منه النتيجه وطبعا مبسوطه ان هى اللى كسبت فى الاخر ومعتذرتش : انا اسعد .
وهما ماشين ناحيه الباب آدم قرب من شيما ووشوشها فى ودنها بخبث : عتنورى شركة النويرى .
وسابها ومشى وطبعا شيما محطتش ف دماغها ولا كانت تعرف هو يقصد ايه .
برا اوضه المكتب كان عمر وملك واقفين على نار واول ماشافوا شيما خارجه من المكتب طلعوا يجروا عليها .
ملك : عملتى ايه يا شيما ايه اللى حصل جوا قوليلى .
عمر : البنى آدم اللى كان جوه ده عملك حاجه اوعى يكون طول لسانه عليكى تانى .
ملك : انتى اعتذرتى يا شيما ولا لاء .
عمر : اوعى تكونى اعتذرتى انتى مغلطيش فى حاجه .
شيما : بسسسسسسسسسسسس ايه كل ده ادونى فرصه اجاوب ايه واكلين ايه على الصبح .
ملك وعمر : ماشى جاوبى .
شيما بفخر : احم احم بصوا فى البدايه كده انا معتذرتش لحد .
ملك : ايه بتتكلمى جد ده كان عيكلك تحت لو مكنتيش اعتذرتى .
شيما : ههههههههههههههه ياكل مين يا ماما ده انتى مشفتيش شكله وهو بيقول للعميد خلاص خلينا نحلها ودى ديه مشكله صغيرة يعنى ههههههههههه كان شكله عامل زى الكتكتوت المبلول بالظبط ههههههههههه .
ملك باستغراب : مين ده اللى قال نحلها ودى آدم ؟! لاء انتى بتهزرى صح .
عمر : وهتهزر ليه يعنى هو اساسا كان باين عليه انه بؤ على الفاضى .
ملك : استنى انت بس بلا بؤ تعالى كده يا شاهى يا حبيبتى واحكيلنا اللى حصل جوه بالتفصيل الملل علشان نفهمك كده .
شيما وملك وعمر راحوا قاعدوا فى كافتريا الكليه : اوكيه اقعدوا بقه كده وانا هقولكم كل حاجه بصوا احنا اول ما دخلنا ....................
وبعد ماحكت شيما كل حاجه لملك وعمر .
عمر بانبهار : الله عليكى يا شاهى يا اسطورة انتى ايه ده... ده انتى خلتيه يقلب كتكتوت صح .
ملك بشك : بصى ياشيما انا مش متطمئنه حاسه انه نويلك على مصيبه .
شيما : مصيبه ايه بس يا مصيبه انتى لاء طبعا ميقدرش يعمل حاجه .
عمر : معاكى حق بصراحه انتى قلقانه على الفاضى ياملك ..... بس عجبتينى يا شاهى ايه كل ده يا بنتى .
شيما وهى بترفع رأسها بغرور : اومال انت يعنى فاكر ايه انا مش اى حد برضو .
ملك : يلا ربنا يستر .
شيما : ان شاء الله عيستر المهم قولولى عملتوا ايه ف النتيجه صح .
عمر وملك بابتسامه : نجحنا وبتقديرات عاليه كماااااان .
شيما بابتسامه : الف مبروووك وحيث كده بقه فيلا بينا نروح نشوف شركة النويرى ديه فين علشان نقدم فيها .
عمر وملك : يلا بينا .
وفى نفس الوقت ده من ناحيه تانيه .
خلاص يا مرام يلا بينا بقه علشان الحق اروحك واروح الشركة .
مرام : والله انا مش عارفه يا ادم انت ليه اصريت اننا نفضل هنا ونسمع كلامهم .
آدم بثقه : لا مفيش بس كنت عايز اتاكدت من حاجه كده واتاكدت منها خلاص يلا بقه علشان اروحك .
مرام : مع انى مش فاهمه حاجه بس عايزة اسئلك سؤال محيرنى .
آدم : اسئلى يا ام العُريف .
مرام : هى البت شيما ديه متعرفش ان انت صاحب مجموعه النويرى كلها .
آدم بابتسامه ثقه : انتى شايفه انها تعرف .
مرام : بصراحه هى باين عليها انها متعرفش طب هى لو جاتلك عتعمل معاها ايه وهو مش معقول تمشى الموضوع ودى كده غير لما تكون بتفكر فى كارسه ليهاااا .
آدم بخبث : اخس عليكى يا مرمر انا برضو ده انا مش هعملها حاجه خااااااالص .
مرام : ياخوفى .
آدم فى نفسه : انا بس هعرفها مين هو الكتكوت المبلول اللى بتقول عليه ده .
بعد مرور فترة من الوقت وصلت شيما & ملك & عمر لشركه النويرى .
شيما باستفهام : ايه ده احنا عنسئل مين ولا مين هنا ديه امة لا اله الا الله كلها هنا .
عمر : خليكى هنا يا شاهى انتى وملك وانا هروح اسئل على المكان وهاجى .
شيما وملك : اوكيه .
عمر راح عند موظف الاستقبال وسئله وهو قاله على مكان مكتب المدير وطبعا كان آدم مبلغه انهم هما بالذات عيجوا يسئلوا عليه فيقولهم على مكانه علطول .
وراح عمر وشيما وملك لمكتب آدم واول لما وصلوا قابلوا نڤين (سكرتيرة آدم )
نڤين وهى بتبصلهم بغرور : مين حضرتكم .
عمر : احنا جاين علشان الوظايف اللى انتوا علنين عنها هنا عن مترجمين واحنا خرجين كليه تربيه قسم ترجمه فرينش ومعانا اكتر من لغه كماان .
نڤين :، اهاااا وجايين هنا ليه بقه .
شيما بغضب : لا اله الا الله انتى مسمعتيش ولا ايه جايين نقدم فى شغل عايزين نقابل مديرك يا ست .
نڤين باشمئزاز : او ماى جاد ! نو واى !، ايه ده مش معقول انتى ايه البيئه ديه انا متأكده انك لا يمكن تتعاينى هنا باسلوبك ده .
ملك : خلاص مش موضوعنا ممكن تقولى لمديرك ان احنا عايزين نقابله .
نڤين باستغراب : هو ايه اللى كل شويه مديرك مديرك هو انتوا متعرفوش اسمه ولا ايه .
شيما بنفاذ صبر : لا والله متكرمناش بمعرفه اسم حضرته .
نڤين : او ماى جاد ! انتى متتكلميش معايا اصلا .
شيما كانت لسه عترد عليها بس قاطعها عمر علشان ينهى الحوار ده .
عمر : طب لو سمحتى يا انسه هو اسمه ايه .
نڤين وهى بتبص لعمر : اسمه آدم ، آدم بيه .
عمر : تمام ممكن حضرتك تدخلى تعرفيه ان احنا عايزين نقابله .
نڤين : اوكيه .
ودخلت نڤين علشان تبلغ ادم اللى هو كان عارف من الاول وسامع كل الحوار وطلب من نڤين انها تستفذ شيما على قد ما تقدر وهى عملت كده .
فى الخارج ملك قعدت سرحانه وبتقول لنفسها : معقول يكون هو لالالاالا مستحيل ديه اكيد تشابه اسماء يالهووووووووى ديه عتبقى مصيبه لو طلع هو قاطعها صوت شيما وهى بتنادى عليها .
شيما : ملك .. ملك انتى يابنتى .
ملك بانتباه : ايوة يا شاهى فى ايه .
عمر : لاء ده انتى مش معانا خااااااالص .
ملك : لاء معاكوا معاكوا اهو .
فى اللحظة ديه خرجت نڤين من عند آدم .
نڤين : لو سمحتوا للاسف مش عتتخلوا كلكم مع بعض واحد واحد يعنى عيخش هااا مين عيخش الاول .
شيما وعمر وملك بصوا لبعض .
عمر : خلاص يا جماعه انا هخش الاول .
نڤين باندفاع : لاء يا استاذ عمر مش عينفع تدخل انت الاول .
عمر باستغراب : ليه بقه ان شاء الله .
نڤين : يعنى اللى جايب اعلى تقديرات فيكوا هو اللى يتفضل يدخل الاول .
عمر بص لشيما .
عمر: يبقى انتى يا شيما اللى تدخلى انتى اعلى تقديرات فينا .
شيما بتوتر :لا لا انا خايفه بلاش انا فى الاول.
نڤين وهى بتحاول تستفز شيما علشان توافق : اممممممممم يعنى هو مستر ادم محدش بيقدر يواجهه او يقعد قدامه حتى بس مش لدرجه خوفك ده كله .
شيما اتعصبت من كلامها : مين ديه اللى خوافه لاء طبعاااا وانا هخاف منه ليه اساسا يكون عيكولنى يعنى وسعى كده وزقت نڤين من قدمها ودخلت المكتب .
شيما بتوتر وهى بتقعد : احم احم بونچور مستر آدم .
وكان آدم عاطيها ضهره بالكرسى ... واول ما لفلها .
شيما بصدمه : انت .
آدم بابتسامه خبيثه ونصر فى نفس الوقت : اهلا اهلا انسه شيما سليم المنشااااوى .
تفتكروا ايه اللى آدم ممكن يعملوا فى شيما وايه اللى عيحصل بينهم .
..................................................
وبخخخخخخخخخخ 😂😂 يلا بقه كفايه لحد كده النهارده 😂😂
يلاااااااااااااا جود نايت 😍اشوفكم على خير 😘💗
#Alaa_Esmat
#Princess lolo
#عاشقه_البنفسج