انهرتُ امامَك للكاتبه *آلاء عصمت* [مكتمله]

الفصل الثامن

مساء الخير عليكم ...فى البدايه فانا احب اهدى الفصل ده لعلياء صحبيتى لان عيد ميلادها كان امبااارح .... وانا بعتذر جدااااا لانى مقدرتش انزل الفصل امبارح ... فسمحونى بليز واتمنى ان الفصل يعجبكم
....______________________________
فى شركة النويرى
آدم : مين اللى مقدم البلاغ ده
المُحضر : استاذ ايمن
شيما وهى تقف من الصدمه : مين
ملك وهى لاتقل صدمه عن شيما : ايمن .. يالهوووووى .
تدخل عُدى علشان يحسم الموقف : تمام حضرتك ممكن تمشى .
المحضر : اوكيه يا فندم بس ياريت مدام شيما تمضى .
شيما : مدام مين انت اتجننت انا مستحيل امضى على الهبل ده .
آدم : شيما لو سمحتى امضى دلوقتى واحنا عنشوف الموضوع ده بعدين .
شيما : انت متعرفش حاجه ده........
قاطعها ادم بحزم :، شيما امضى دلوقتى علشان البنى ادم ده يمشى (يقصد المحضر )
ملك :، خلاص يا شيما امضى دلوقتى وبعدين نحلها .
شيما : انتوا اتجننتوا حتى انتى يا ملك طب هما مش فاهمين حاجه لكن انتى .
عمر بعد طوول صمت : شيما احنا مش هنسيبك بس امضى علشان نعرف ازاى نخلص الموضوع ده .
شيما وهى تكاد تبكى : يعنى يعنى فى حل .
عمر : اكيد طبعا امضى انتى بس علشان نعرف نفكر .
شيما وهى بتاخد الاوراق : طيب .
بعد ما وقعت شيما على الاوراق خرج المحضر .
آدم : انا عايز اعرف مين ايمن ده .
ملك كانت لسه هترد بس قاطعتها شيما .
شيما : ده يبقى ابن عمى وللاسف مش هقدر اقول لحضرتك معلومات تانيه .
عُدى : احنا عايزين نساعدك يا انسه شيما مش اكتر.
شيما وهى تقوم : اسفه جدا بس ديه حياتى الشخصيه ومش عايزة داخل حد فيها عن اذنكم . وخرجت شيما من المكتب .
ملك باعتذار :، انا بتاسف بالنيابه عن شيما بس هى فعلا انطوائيه شويه على حياتها الشخصيه ومبتحبش تدخل حد فيها فبليز متزعلوش منها مش قصدها .
عدى بتفهم : لا عادى مفيش مشكله احنا كنا عايزين نساعدها بس .
طول الحوار ده وادم سرحنا فى عالم تانى وبيفكر ياترا ابن عم شيما رفع عليها القضية ديه ليه وعايز منها ايه وايه حكايتها مع فريد ادم فى سره :، فى حاجه انا لازم افهمها .
اخرجه من شروده صوت ملك وهى تقول :، طب عن اذنكم هنروح انا وعمر المكتب .
آدم بسرعه :، ملك استنى انا عايز اعرف كل حاجه عن شيما .
كل الموجودين بصوله فى صدمه واستغراب.
ملك : افندم ليه .
آدم وقد تدارك نفسه : احم لامفيش يعنى علشان كنت عايز اساعدها .
ملك : بس انا قولت لحضرتك ان شيما مبتحبش تدخل حد فى حياتها الشخصيه وانا اسفه بس مش هقدر اقول لحضرتك حاجه من وراها .
عمر : احنا متشكرين جدا لحضرتك ومقدرين ان حضرتك عايز تقف جنبها بس صدقنى شيما مستحيل تقبل المساعدة ديه وعن اذن حضرتك انا و ملك لازم نستاذن علشان ورانا شغل .
وخرج عمر و ملك من المكتب وفضل عدى وادم .
عدى قاعد بيبص لادم باستغراب
آدم : فى ايه يا عدى مالك بتبصلى كده ليه عجبك .
عدى : انا اللى مالى برضو  يا آدم ولا انت فى ايه مالك مهتم بمواضيع شيما ليه ديه بت معقدة و.........
قاطعه ادم بصوت صارم : عدى فى ايه ايه معقدة والكلام اللى انت بتقوله ده انا بس عايز اساعدها .
عدى :، و الله تساعدها متاكد مش ديه اللى انت كنت عايز تنتقم منها فاجاه كده بقيت عايز تساعدها .
آدم وهو يقف وراح ناحيه النافذة بغضب : يوووووة يا عدى انا حر اساعدها انتقم  منها انا حر اعمل اللى انا عايزو محدش يتدخل .
عدى وقام وقف ورا ادم : لحد امتى عتفضل تكابر و تعاند انت فاكرنى مش فاهمك لاء يا ادم انت صاحب عمرى واقدر افهم انت بتفكر فى ايه من غير ما تقول .
آدم وبان عليه التوتر بس حاول اخفائه : انت بتقول ايه ايه الهبل اللى انت بتفكر فيه ده انا مستحيل احب شيما اساسا بطل تخاريف .
عدى وقد تاكد من ظنونه : وهو انا قولت ان انت بتحب شيما ولا حتى جبت سيرتها .
آدم وقد تدارك انه اخطأ ( وقع بلسانه يعنى😂) : انا ماشى واخد حاجاته ومشى .
عدى بعد خروج آدم : ياريت تفوق لنفسك يا صاحبى قبل ما كل حاجه تضيع ومشى هو كمان .
_______________________________
فى مكتب شيما
شيما وهى تفكر فى كل أحداث اليوم : انا ايه اللى بيحصلى ده يعنى فى الاول فريد وبعد كده ايمن اعمل ايه ياربى بس .
وفضلت تدعى ربنا علشان يخرجها من المشاكل ديه
وبعد فترة مش قصيرة دخلتلها ملك
ملك وهى بتبص لشيما باشفاق : متقلقيش ان شاء الله فى حل ربنا مش هيسيلك لا لايمن ولا للكلب اللى اسمه فريد خلى املك فى ربنا كبير .
شيما : ونعم بالله انا معنديش غيره دلوقتى يا ملك هو اللى يساعدنى هو الاعلم بحالى .
.......................................................
خلصت ساعات الشغل وكل واحد راح لبيته.
...............................................
فى منزل سليم المنشاوى
كان كل افراد العيله قاعدين على السفرة لتناول العشاء .
سليم لاحظ سرحان شيما وماكلتش اى حاجه.
سليم : مالك يا شاهى مش بتاكلى ليه .
شيما سرحانه ومش بترد .
زينب بقلق : شيما شيمااااا حبيبتى انتى كويسه .
شيما وفاقت من سرحانها : هاه اه ايه فى ايه.
مصطفى بمزاح : ايه يا شاهى ايه اللى واخد عقلك بس وغمزلها المز ولا ايه .
سليم بصله بغضب : ماتحترم نفسك يا ولد فى حد يتكلم مع اخته الكبيرة كده .
شيما : خلاص يا بابا مفيش مشكله ده كان بيهزر .
زينب : مالك يا شيما فى حاجه مضيقاكى .
شيما كانت محتارة تقولهم ولا لاء بس فى النهايه قررت انها مش عتقولهم حاجه .
شيما : لا يا ماما مفيش ده بس ضغط الشغل عن اذنكم داخله انام .
سليم : اتفضلى يا حبيبتى .
زينب : انا مش مرتاحه فى حاجه حصلت وبتك مخبياها انا متاكده .
سليم وهو يقوم : يلا الصبح بعد ماترتاح كده تبقى اسئليها ولو فى حاجه عتقولهالك ويلا احنا كمان ننام.
مصطفى باعتراض : بس انا مش جايلى نوم .
سليم : انا قولت يلا ننام.
مصطفى بتذمر : طيب .
__________________________________
اشرقت شمس صباح جديد
شيما وهى منمتش اساسا من امبارح : يارب مايحصل حاجه النهاردة عدىِ اليوم على خير يارب .
وقامت علشان تروح للشغل هى وملك .
_______________________________
فى شركة النويرى (فى مكتب ادم )
ادم : يعنى ده الحل الوحيد .
معتز ( محامى ادم ) : للاسف ايوة مفيش غير كده .
آدم : تمام تقدر تتفضل .
عدى : انت ناوى على ايه مستحيل تعمل اللى معتز قال عليه ده .
آدم : لاء هعمله .
عدى : هى مش هتوافق .
آدم : لاء عتوافق علشان مقدمهاش غير كده.
عدى وهو يتنهد : انا مش عارف اعمل معاك ايه .
آدم بابتسامه خبيثه : ولا حاجه بس بلغهم اول ماتوصل تجيلى هنا .
عدى : اوكيه .
______________________________
امام شركة النويرى
شيما : احنا شكلنا اتاخرنا ولا ايه .
ملك : يا ستى انتى المديرة تتاخرى براحتك .
شيما : هههههه انتى محسسانى انى مديرة الشركة .
ملك : مش مشكله مديرة ايه اهم حاجه انك مديرة وخلاص وانا صاحبه المديرة .
شيما : طب يلا يا استغلاليه بدل ما اعمل عليكى مديرة .
ملك : لا والنبى يا شاهى يا عسل يا ام قلب طيب انتى .
شيما : خلاص خلاص المرادى سماح .
وبعد كده راحت كل واحده منهم لمكتبها .
شيما وهى تدخل المكتب
دينا ( سكرتيرة شيما ) : استاذة شيما ادم بيه عايزك فى مكتبه .
شيما باستغراب : مألكيش ليه .
دينا : لاء يا فندم.
شيما : تمام انا رايحه .
وراحت شيما لمكتب آدم وكانت الصدمه.
شيما : انت  بتقول ايه انا مستحيل اوافق على اللى انت بتقوله ده .
،________________________________
كاااااااااااااااااااااات
تفتكروا ايه اللى حصل علشان شيما تقول كده .
استنونى الفصل الجاى
#Princesss lolo
#Alaa_Esmat  
#عاشقه_البنفسج