انهرتُ امامَك للكاتبه *آلاء عصمت* [مكتمله]

الفصل الثامن عشر

فى شركة الدمنهورى ......
اوس بصدمه لملك : انتى مين .
ملك بدموع وهى مش مصدقه نفسها : بنت فى اولى جامعه اعجبت بالدكتور اللى كان بيديها بس هو ولا كان شايفها بس هى مكنتش بتشوف حد قدامها غيره كان هو كل الناس ليها لما كانت بتشوفه كانت بتحس ان كده خلاص يومها كمل مع انه مبصلهاش حتى فى مرة دكتور حلو وشيك ومهتم بنفسه وكل بنات الجامعة بيجروا وراه عيعوز ايه من واحده زيها بس هى مع الايام اتعلقت بحلمها اكتر بقت عايزة تشوفه علطول لحد ما فى يوم حصلتلها مشكله جامده ومكنش فى اى حد من صحابها معاها ومحدش واقف جنبها وفاجئه لقته هو لقته جنبها ودافع عنها وجابلها حقها ساعتها اتمنت انها تقوله اخيرااا اخيرااا شوفتنى انا بحبك بحبك بقالى كتير اوووى كمان بس اللى فاجئها بجد هو ان هو اللى قالها الكلام ده هو اللى قالها انا من ساعة ماشوفتك وانا غرقت فى بحر عيونك عيونك توهتنى فيهم ومبقتش عارف اشوف اى حد غير البنت ام عيون زرقه ساعتها قالى انا مهما شوفت وميزت عمرى ما هغلط فى لونهم حتى ولو بعد 100 سنه البنت ساعتها كانت مش قادرة تستوعب من الفرحه حست ان الدنيا اخيرا ضحكتلها بس فى عز فرحتها جه كلامه ليها علشان يهدمها قبل ما تكمل كانت لسه رايحه تقوله انها بتعشقه من زمان وبتموت فيه بس هو فاجئها لما قالها بس انا اسف ليكى جدا انا فعلا حبيتك بجد بس مش هينفع نفضل مع بعض وده لمصلحتك انتى انا ديه آخر سنه ليا فى الجامعة هنا وممكن اخر مرة تشوفينى فيها كمان لان ده آخر يوم ليا هنا انصدمت جامد من كلامه يعنى ايه فى لحظه يطلعها فوق السحاب وفى اللحظه التانيه ينزلها بمنتهى القسوة لسابع ارض وسابها ومشى بس قبل ما يمشى قالها ان عيونها عتفضل محفورة فى قلبه وعقله مهما عدى عليه الوقت سابها تايهه ومشى سابها من غير لا شفقه ولا رحمه سابها مش عارفه تعمل ايه تفرح لانه طلع بيحبها زى ما بتحبه ولا تزعل لانهم مش عيقابلوا بعض تانى وعدت عليها سنين الجامعة كلها وهى بتتمنى بس تلمح طيفه لحد ما يأست مكنتش مفكرة انه لما قال 100 سنه كان يقصدها بجد يأست وقررت انها تنساه وفكرت انها نجحت فى ده بس عمرها مانسيت نظرة عينيه ولا كلامه ولا شكله يمكن نسيت اسمه مثلا بس لحظه هى عتنسى اسمه ازاى وهو نفسه عمره ما قال اسمه لحد وكان كل محاضرة لما حد يساله عن اسمه يقوله قولى الاسم اللى انت بتحبه علشان محدش يكرهنى من اسمى وعمره ما قال اسمه لحد ولا حتى ليها بس اللى هى واثقه ومتاكده منه انه عارف اسمها وعارفه كويس جدا كمان .ملك اخدت نفاسها لانها كل ده بتحكى ودموعها مش عايزة تقف ...
ملك بعياط اكتر : عارف ايه هو اسم البنت ديه .
اوس : ام عيون زرقه الملاك اللى بيتميز من وسط ملايين الملاك اللى فضل الولد ده يحلم بيه سنين ومش عارف ينساه اللى خطف قلبه وعقله واتملك من كل جوارحه واحاسيسه كانت اسم على مسمى فعلا كانت ملاك فعلا كانت ملك محمد الكيلانى .
ملك بانهيار : ليه ليه يا اوس ليه عملت فيا كده ليه علقتنى بحلم مستحيل انه يتحقق ليه عيشتنى فى وهم وسراب مستحيل يتحقق ليه قولتلى الكلام ده وبعدين اختفيت ليه مقولتليش اسمك ولا حتى اى معلومه عنك ليه عذبتنى السنين ديه كلها ليه يا اوس ليه.
اوس مقدرش يتماسك اكتر من كده قدام انهيارها ده فراح بسرعه وركع على ركبته قدامها ...
اوس بنبرة ضعف : انا عمرى ما نسيتك كنتى دايما على بالى انا من اول يوم شوفتك فيه فى الجامعة وانا حبيتك حبيتك بجد من اول نظرة بس بعدت علشان ميئذوكيش علشان هددونى بيكى علشان انتى كنتى ملاكى ومكنتش هتحمل اى حاجه تحصلك انتى مش عارفه انا عملت ايه انا قطعت علقتى باقرب اصدقائى بعد اللى حصل انا سبت ادم يا ملك وبقيت الد اعدائه واياد بقت علاقتى بيه متوترة جدا مجرد شغل وبس ملك انا مقدرتش اعدى يوم غير لما ابص فى صورتك واسرح فى عيونك اللى عمرهم ما فارقونى انا مكنش بايدى ان ابعد عنك لو انتى كنتى بتتالمى فى اليوم مرة  فانا كنت بموت فى اليوم الف مرة وانا بعيد وحاسس بالعجز صدقينى انا محبتش ولا هحب غيرك انتى ملاكى يا ملك .
ملك : انت فضلت بُعدى عنك يا اوس سبتنى من غير حتى ماتبررلى موقفك كنت اشرحلى على الاقل فاهمنى يمكن ساعتها كنت هعذرك.
اوس : كنت خايف عليكى .
ملك : من ايه .
اوس : من انهم يئذوكى .
ملك : انت اخدت القرار زمان يا اوس وبعدتت وانا اللى هاخد القرار دلوقتى .
اوس بقوه : وايه هو قرارك يا ملك .
ملك : انا...............
__________________________________
فى شركة النويرى ....
لولا بلهفه : ادم وحشتنى بجد مش مصدقه انك وافقت تقابلنى .
ادم بقوة : اظن مش ده اللى انتى جايه ليه .
لولا : فعلا انا انا كنت يعنى جايه علشان...
ادم قاطعها بحزم : ماتخلصى جايه ليه .
عُدى : اهدى يا ادم وبص ناحيه لولا اتفضلى اخلصى .
لولا : هو انهاردة .......وحكتلهم عن كلامها مع اوس فى المكتب .
ادم : والمطلوب يعنى .
لولا : انا خايفه ليشك فيا .
ادم : طب اطمنى لانه فعلا شك فيكى .
لولا بتوتر : ازاى يعنى تقصد ايه .
ادم : اقصد انك بقيتى بالنسبالى كارت محروق وخلاص استغنيت عنه .
لولا : يعنى ايه .
ادم : يعنى تتفضلى من هنا من غير مطرود واعتبرى ان شغلنا مع بعض انتهى .
لولا بصدمه : انتهى هو ايه اللى انتهى لا يا ادم مش بالسهوله ديه .
ادم اتحرك من عند مكتبه وراح وقف قصادها واتكلم بسخريه : لا تصدقى بقه انه بقى بالسهوله ديه ويلا بقه يا شاطرة بدل ما اوس يكتشف غيابك وساعتها ياعينى عتصعبى عليا اوووى .
لولا : لا يا ادم انت مش هتبعنى كده بعد كل اللى عملته علشانك والا والله لروح لاوس و....
قاطعها ادم : وايه بقه عتقوليله انى انا اللى كنت برجع ورق المناقصات اللى كنت بتاخده من ادم ليه تانى لا براڤو وهو بقه عيكافئك لاخلاصك طبعا ده مش بعيد يقطع رقابتك ويرميكى فى الشارع ولا هياثر فيه .
لولا باستعطاف : ادم ادم انت عارف انى بحبك وعملت ده كله علشانك و....
ادم قاطعها بحده : عُدى خد الزباله ديه من وشى بدل ما هتصرف معاها تصرف يزعلها .
لولا بقوة : لا يا ادم مش انا اللى تعمل فيها كده لا يا ادم صدقنى هتندم صدقنى .
عُدى راح عندها وشدها من دراعها وخرج بيها برة المكتب ....
لولا بزعيق سيبنى يا بنى ادم انت سيب اااااااااااااااه وفاجئه صرخت لولا جامد بسبب القلم اللى ضربهولها عُدى ......
لولا بصدمه : انت بتضربنى .
شدها عُدى معاه لحد ما وصل لعربيته وفتح الباب وزقها جوه بقوه ولف وركب هو وطلع بالعربية بسرعه ........
لولا بغيظ : انت بتمد ايدك عليا يا عُدى مااااشى وانا اللى كنت مفكرة انك الوحيد الل. ممكن تحس بيا انا فعلا كنت غلطانه و....
عُدى قاطعها وهو بيوقف العربيه بسرعه وبصلها بقوة : احس بيكى وانتى انتى بقه مبتحسيش انتى ايه لسه لحد دلوقتى بتحبى ادم مع انه قالهالك صريحه انه مبيحبكيش لا وكمان اتجوز وانتى لسه عايشه فى وهم وقصه حب فاشله عايزانى احس بيكى طب انا انا متحسيش بيا وبمشاعرى ليه ليه فى كل السنين ديه ومحستيش بحبى ليكى .
لولا بصدمه : عُدى انت.........
قاطعها عُدى : انا بحبك بحبك يا لولا تخيلى وانتى ولا حاسه .
لولا : عُدى انا.........
عُدى : اخرجى .
لولا بعياط : عُدى انا اسفه .
عُدى بعصبيه : قولتلك اطلعى غورى برة .
لولا اتفزعت من عصبيته ولانها اول مرة تشوف عُدى وهو فى الحاله ديه وفتحت باب العربيه وطلعت تجرى وهى بتعيط ......
__________________________________
عند عمر ......
عمر كان لسه قاعد فى بيت صاحبه "امير" ومرجعش بيته من ساعة فرح ادم واللى حصل فيه .........
امير دخل اوضه عمر لقاه مطفى النور ونايم  على الكنبه ومغمض عينيه وبيسمع اغنيه "ولسه بتحبه" ......
عمر كان قاعد بيفكر فى ملك وسرحان مع كلمات الاغنيه وكإن الاغنيه ديه بتوصف حاله فعلا .........
*ولسه بتحبه*
"ولسه بتحبه يا قلبى يا قلبى حرام عليك
ازاى تامن له تانى بعد اللى عمله فيك
هو انت  فاكرله ايه هتبكى فى يوم عليه
ماتقولى فاكرله ايه هتبكى فى يوم عليه
مش ده اللى كان معاك وكان هواه هواك
وتانى يوم نسيك
ولسه بتحبه يا قلبى يا قلبى حرام عليك
ازاى تامن له تانى بعد اللى عمله فيك
ياريت يا قلبى ما كنت قلبى
مدام ظالمنى وياك ليالى
ياريتنا ننسى من فات ولسه
ده حبيبنا خاين ومالهش غالى
هو انت فاكرله ايه  هتبكى فى يوم عليه
ماتقولى فاكرله ايه هتبكى فى يوم عليه
مش ده اللى كان معاك وكان هواه هواك
وتانى يوم نسيك
ولسه بتحبه يا قلبى يا قلبى حرام عليك
ازاى تامن له تانى بعد اللى عمله فيك
بعدنا عنه واسينا منه يا قلبى سيبه يفيض جراحه
مالك وماله اهو راح لحاله
وراح يا قلبى زى اللى راحوا
هو انت فاكرله ايه هتبكى فى يوم عليه
ماتقولى فاكرله ايه هتبكى فى يوم عليه
مش ده الى كان معاك وكان هواه هواك
وتانى يوم نسيك
ولسه بتحبه يا قلبى يا قلبى حرام عليك
ازاى تامن له تانى بعد اللى عمله فيك "
 
امير دخل نور النور وراح ناحيه عمر وعمر فضل مغمض عينيه .........
امير : فعلا حرام عليك حرام عليك قلبك ده حرام تعذبه مع اللى مش مكتباله حرام تعمل فى نفسك كده فوق يا عمر فوق وبص على اللى حواليك وانا متاكد ان اكتر ناس بتحبك هى اللى موجودة جنبك وبعدين ما تفتح قلبك وخليه يشوف مش يمكن يكون نصه التانى فعلا قدامه وانت اللى مش عايزة يشوفه .
عمر اول ما سمع  كلام امير فتح عينيه وجت قدامه صورة مرام علطول .....
امير بضحك : طالما فتحت عنيك وسرحت يبقى وصلتلها .
عمر بصله : مش ممكن تكون هيا .
امير : ليه يا عمر ليه مش ممكن ليه حاطط كل السدود ديه حوالين قلبك ليه شيل السدود ديه يا عمر علشان تعرف تعيش وتشوف اللى بتحبك بجد فكر بقلبك يا عمر انا واثق ومتاكد ان ملك كانت اعجاب  لكن مش حب ركز يا عمر علشان متضيعش آخر فرصه من ايديك .
وسابه امير وطلع برة .....
عمر فضل قاعد سرحان وبيفتكر مواقفه مع مرام وازاى كانت بتتكلم عن ملك وعصبيتها الزيدة وغيرتها الباينه فى صوتها وافتكر لما فضل يمشى وراها لحد ما عرف الاماكن اللى بتروحهها علشان يعتذرلها عن كلامه معاها وافتكر دموعها اللى كانت هتنزل وهى بتترجاه يكونوا اصحاب كل ده فكر فيه عمر وهو حاسس بحيرة بس اللى فوقه من سرحانه صوت تليفونه وهو بيرن
عمر بص للتليفون باستغراب لما لقه مرام هى اللى بترن .......
عمر بابتسامه : صباح الجمال .
مرام : مِساك سكر ياسطا .
عمر: ايه ده مين معايا .
مرام : ايه ده انت مش مسجل رقمى ولا ايه .
عمر : لا والله مسجله بس مش مصدق ان اللى بتكلمنى مرام .
مرام : لا صدق يا برنس بقولك ايه انت فاضى.
عمر : ايوة .
مرام : تخرج .
عمر : معاكى اوكيه .
مرام : اشطات هستناك فى المكان اللى بتلاقينى فيه علطول سلاموز .
عمر : الو الو وبص للتليفون بصدمه يابنت المجانين ايه الجنان ده .
عمر لنفسه : معقوله تكون ديه يا عمر معقوله تكون ديه هى البنت اللى بتدور عليها ويكون فعلا كلام امير صح وان علاقتك بملك كانت مجرد اعجاب وبعدين ابتسم مرام بقه مرام المتهورة المجنونه هى ديه نصيبى وبعدين ضحك شكلى مش هخلص من ادم ولا ادم هيخلص منى واول ما افتكر ادم ابتسامته وضحكته اختافوا صح ياترا ادم عيكون رد فعله ايه لو طلعت فعلا بحب مرام عيرضى اننا نتجوز بعد ما عرف انى كنت بحب ملك واللى عملته عشنها واتنهد بتعب شكل جه الوقت اللى هدفع فيه تمن غلطة وتسرع زمان.
*
*
استوووووووووووووووب
عارفه ان فصل النهاردة مش محتاج ان اتكلم كتير بعده بيتكلم عن نفسه كل بس اللى حابه اقوله ان انتوا فعلا متعرفوش تعبى فى الفصل ده بالذات كان قد ايه فلو فعلا شايفينوا انه يستاهل يتقرأ وان تعبى فيه محرش على الفاضى تشجعونى فيه بڤوت او كومنت وده طبعا لو عاجبكم 💜
وطالبه منكم سامح الفترة الجايه علشان حصلتلى ظروف مفاجئه ومش هقدر انى انزل كل يوم فياريت تعذورونى ❤❤
دمتم_بخير 💜💜
تصبحوا على الجنه ❤
#Alaa_Esmat
#Princess lolo
#

عاشقه_البنفسج