انهرتُ امامَك للكاتبه *آلاء عصمت* [مكتمله]

الفصل الخامس عشر

فى صباح يوم جديد على الجميع ...
البدايه فى فيلا النويرى
ادم وشيما صحيوا من النوم
ادم : صباح الجمال
شيما : صباح الخير
ادم : اعملك قهوة معايا
شيما : لا ميرسى يا حبيبى ارتاح انت وانا هعمل .
ادم : لا انا مش واخد على الدلع ده ياست شيمى .
شيما : ههههههههه شيمى حلو ده جديد اول مرة حد يقولهولى .
ادم : ومحدش عيقولهولك غيرى يا شيمتى .
شيما : لا يا ادم انا كده عيغمى عليا فى ايه .
ادم : مفيش بدلع مراتى فيها حاجه يعنى .
شيما : لا مفيش حاجه لسمح الله يلا انا هقوم اعملك القهوة علشان متتاخرش على الشغل ولا انا كمان .
ادم : ايه ده انتى ناويه تروحى الشغل .
شيما : ايوة ليه يا حبيبى .
ادم : لا مفيش بس بحسبك مش هتروحى .
شيما راحت قعدت جنبه : ادم انا لما فكرت اشتغل ده كان علشان ابنى ذاتى وتكون ليا شخصيه مستقله واقدر اعتمد على نفسى .
ادم : براحتك ياروحى انا مش هقدر امنعك عن الشغل او اى حاجه حاباها .
شيما : ربنا يخليك ليا يا دومى .
وراحت شيما عملت قهوة وبعدين راحوا هما الاتنين الشركة سوا وكانوا فرحانين جداااااا .
_____________________________
فى شركة النويرى
فى مكتب ادم
ادم : نڤين كلمى انسه ملك وقوليلها تيجى ضرورى .
نڤبن : حاضر يا فندم بس ليه
ادم : مش شغلك يا نڤين ايه فى ايه
نڤين بحرج : سورى يا مستر ادم مكنش قصدى .
ادم : اتفضلى اخرجى .
وبعد ماخرجت نڤين دخلت شيما علطول .
ادم : لا مش معقول لحقت اوحشك .
شيما : انت بتوحشنى علطول اساسا .
ادم بغرور : طبعااا طبعا عارف .
شيما : يا سلام على الثقة .
ادم : ها يا ستى كنتى عايزة ايه بقه .
شيما : مفيش بس سمعت انك عتعين ملك فى شركة الدمنهورى .
ادم : اه فعلا .
شيما : ليه .
ادم : ده لمصلحتها جدا هى اساسا مش عايزة تيجى الشركة من ساعة موضوع عمر زى ما انتى عارفه .
شيما : بس انا سمعت برضو ان اوس الدمنهورى صاحب شركات الدمنهورى ومدير الشركة اللى المفروض ملك عتروح تشتغل فيها يبقى الد اعدائك صح ولا ايه .
ادم : صح .
شيما : يعنى انت عايز ملك تبقى جاسوسه ليك هناك صح .
ادم : بصراحه هو مش بالظبط يعنى بس مش هكدب عليكى ان ديه طبعا فرصه حلوة ليا انى اعرف حاجات خاصه بس فى نفس الوقت انا مش هخلى فى ضرر على ملك نهائى .
شيما : وافرض اتكشفت .
ادم : مش هتتكشف لان كل المعلومات اللى واصله لاوس انها كانت شغاله عندى واستقاله وهو عيفتكر بكده انها تعرف حاجات عن الشركة وهيحاول يستغل ده .
شيما : طب وتفتكر ملك توافق .
ادم : ماهى ديه مهمتك بقه يا شوشو انك تقنعيها هى صاحبتك واكيد عتسمعلك .
شيما : اوكيه بس انا مش هخبى عليها حاجه علشان تبقى عارفه كل حاجه بالظبط .
ادم : تمام طبعا من حقها .
شيما : اوكيه انا هتصل بيها علشان تيجى
وقامت من على الكرسى وراحت علشان تخرج .
ادم : ايه ده انتى رايحه فين .
شيما : رايحه مكتبى .
ادم : هو انا مقولتلكيش .
شيما واقفه مكانها : لا مقولتليش .
ادم : انا هنقل مكتبك هنا عندى .
شيما باستغراب : ده ازاى ده .
ادم : عادى بدل مافى عندى فى المكتب اوضتين اجتماعات هخلى اوضه واحده والتانيه هنقلها مكتب تانى وهخلى مكنها مكتبك .
شيما : وليه كده بس .
ادم : علشان تفضلى قدام عنيا علطول.
شيما اتكسفت وخدودها احمرت : احم تمام اسيبك انا بقه وارحت ناحيه الباب
ادم : شيما .
شيما بصتله : ايوة .
ادم : بحبك .
شيما بكسوف : وانا كمان وطلعت جرى من الاوضه .
ادم بابتسامه: مجنونه اقسم بالله
_____________________________
فى مكان تانى
*مرام كانت واقفه قدام كوفى شوب على البحر ومستنيه صاحبها*
مرام بزهق : اوووووووف كل ده دول راحوا فى انهى داهيه دول كمان ياااربى اعمل ايه بس .... طب انا هتمشى شويه بقه عقبال مايجوا وراحت تتمشى على البحر
*مرام وهى ماشيه خبطت فى حد قدامها ومكنتش واخده بالها *
مرام :اوو سورى والله اسفه مكنتش واخده بالى و.....*وبعدين بصت قدامها وتنحت لما شافت الشخص اللى خبطت فيه *
مرام : ايه ده انت .
عمر : نعم عايزة ايه .
مرام : ايه يابنى ادم انت بتكلمنى كده ليه مش حيالا انت اللى خبطنى .
عمر : ياسلام انا اللى ماشى بكلم نفسى ومش شايف قدامى برضو .
مرام : وانت مالك انت اكلم نفسى ولا ماكلمش الله بتتكلم كده ليه انت .
عمر : خلاص خلصنا  *وكان عايز يمشى *
مرام بسرعه : استنى بس .
عمر بصلها : نعم عايزة ايه .
مرام : الله انت مش حافظ غير الجمله ديه ولا ايه .
عمر : _________.
مرام : ايه ده هو انت يا اما بتقول الجمله ديه يا اما تسكت .
عمر : عايزة ايه يا انسه .
مرام: ايه ده ضفت كلمه يا انسه لا فى تغيير .
عمر :  متخلصى فى يومك ده وتقولى عايزة ايه .
مرام : ماشى يا عم هقول متزقش بس.
عمر : اخلصى .
مرام : امممم شكلك مش عارفنى انا مرا.....
قاطعها عمر : مرام النويرى بنت عم ادم النويرى ها بقه عايزة ايه.
مرام : ايه ده يعنى انت طلعت عارفنى.
عمر : اه خير بقه.
مرام بابتسامه : كل خير ان شاء الله يا كابتن الكابتين .
عمر : افندم ايه كابتن الكابتين ديه .
مرام : بدلعك .
عمر : افندم ماتحترمى نفسك انتى عتصحبينى .
مرام : اه وفيها ايه .
عمر : لا فيها انا مش عايز اصاحب وخصوصا بنات  *وسابها ومشى خطوتين بس مرام وقفته وهى بتقول*
مرام : بساببها صح كل ده بسببها عامل كل ده علشانها وبس علشان رفضت مش كده .
عمر رجعلها تانى : انتى بتقولى ايه انتى مجنونه .
مرام بانفعال: انت اللى مجنون ونص ومش شايف اساسا واحده شابهها متستهلش كل اللى انت عامله فى نفسك ده علشانها ليه يعنى هى كانت مين علشان كل ده .
عمر مستغرب هجومها ده اتجاه ملك وفى نفس الوقت هو لسه بيحبها ومش عايز حد يتكلم عنها : انتى هبله يا بت انتى خليكى فى حالك ياشاطرة وملكيش دعوة بغيرك ركزى فى نفسك وبس .
مرام : لحد امته عتفضل عايش على حبها اللى عمرها ماحبتهولك لحد امته عتفضل مستنيها .
عمر بغضب : ملكيش فيه ميخصكيش ديه حياتى انا وانتى مش من بقيه عيلتى علشان تدخلى انتى سامعه وياريت بقه ماتديش نفسك اكبر من حجمك ولولا انى عامل خاطر لادم بس كان عيبقى ليا تصرف تانى معاكى .*وسابها ومشى وهو متعصب جداا*
وبعد مامشى مرام فضلت واقفه مكانها بتعيط .
مرام بعياط: ماشى يا عمر انا تقولى كده اه صح ما انت معاك حق يعنى انا بالنسبالك ايه اساسا ولا حاجه ماشى يا عمر صدقنى عتندم بحق وجع قلبى اللى انت واجعهولى ده ماشى يا عمر .
____________________________
فى بيت محمد الكيلانى
ملك وهى بتتكلم فى الفون : ايوة ياشيما ....... اه ماهى نڤين كلمتنى من شويه .......... اه قالتلى فى شركة الدمنهورى باين ........... سمعت عن اوس اه ........... والله يا شيما انا مش عايزة اروح اساسا ............. طيب انا جايالك الشركة دلوقتى ........... ماشى سلام .
*قفلت ملك مع شيما ولبست هدومها وراحت الشركة *
_____________________________
فى شركة النويرى
فى مكتب شيما
شيما حكت لملك كل اللى ادم قالهولها
ملك بسخريه : يعنى هشتغل جاسوسه.
شيما: بصى يا موكا انا حكتلك كل حاجه بالتفصيل زى ما ادم قالى بالظبط وانتى ليكى رايك .
ملك : على اساسا انى ممكن اختار مثلا يا شيما طب ما انتى عارفه انا كده كده كنت هسيب الشغل هنا دلوقتى او بعدين .
شيما : ما انا عارفه علشان كده شايفاها فرصه كويسه ليكى وخصوصا انك عايزة تشتغلى .
ملك : ماشى وامرى لله .
شيما : بجد يا ملك يعنى موافقه .
ملك : ايوة يا شيما .
شيما : اوك اذا كان كده بقه فيلا نروح عند ادم علشان يقولك اللى انتى عتعمليه بالظبط .
ملك : اوك يلا .
####################
فى شركة الدمنهورى
اياد:  البت راحت الشركه النهاردة يا باشا .
اوس : وبعدين .
اياد : شكل فى حاجه بيخططلها  .
اوس : البت ديه لو جت علشان تتقدم للوظيفه عينها يا اياد .
اياد : بس ديه كده ممكن تنقل اخبارنا يا باشا .
اوس : مش هتلحق .
اياد : ازاى .
اوس : ده شغلى بقه يا اياد المهم لما تيجى عينها .
اياد : حاضر يا باشا
*ومشى اياد من المكتب*
اوس : شكلك كده مش غاليه عند ادم خالص لانه عيضحى بيكى ويجيبك هنا عندى بس اوكيه مفيش مشكله هديتك مقبوله يا ادم باشا واستلقى واعدك بقه يا حلوة علشان هخليكى تندمى انك سمعتى كلام ادم ولو للحظه واحده .
_________________________________
كاااااااااااات
......تتوقعوا ايه اللى ممكن يحصل لملك من اوس وايه ياترا سر العداوة ديه بين ادم واوس ،،،،،،،،، تفتكروا ايه ممكن تكون حكايه مرام وعمر ¿¿
★★★★★★★★★★★★
انا نزلت فصل اهو بدرى وقبل المعاد كمان علشان بس تبقوا تعذرونى ايام الامتحانات علشان مش هقدر انزل وشكراااااااا مرة تانيه لكل الناس اللى بتدعمنى وبتشجعنى 💗💗شكرا بجد على دعمكم ليا يارب اكون دايما عند حسن ظنكم ..........
اشوفكم الفصل الجاى ......
#Alaa_Esmat 💞
#Princess lolo 💘
#عاشقه_البنفسج