انهرتُ امامَك للكاتبه *آلاء عصمت* [مكتمله]

الفصل الحادى عشر

فى صباح اليوم التالى فى منزل سليم المنشاوى .
شيما : سلام يا بابا سلام يا ماما
زينب : سلام يا شاهى خلى بالك من نفسك .
سليم  : سلام يا شيما ومتتاخريش .
شيما : اوكيه يا بابى .
________________________________
فى شركة النويرى
داخل مكتب شيما
شيما : والله يا موكا زى مابقولك كده .
ملك : لاء يا شاهى انا من رأي  انك متروحيش تقابلى حد وبعدين انا مش مرتاحه وحاسه انه عايز يوقع بينك وبين ادم .
شيما : يعنى انا مروحش .
ملك : ده من رأي .
شيما بتفكير : امممممم خلاص ربنا يسهل .
_________________________________
فى مكان تانى وتحديدا داخل شركة الدمنهورى .
شخص : عملت ايه يا اياد فى الموضوع اللى قولتلك عليه .
اياد : تمام كله يا باشا تحب مين يروح يقابلها.
الشخص بسخريه : يقابل مين البت مش هتروح اساسا .
اياد بتعجب : ايه ازاى والرساله .
الشخص : متبقاش غبى يا اياد علشان مش بشغل معايا اغبيه .
اياد : انا اسف يا اوس باشا بس ممكن حضرتك تفهمنى .
اوس : بص يا اياد بت زى ديه جبانه مش هتروح تقابل حد بمجرد انه بعتلها رسالة على الفون يعنى .
اياد : طب احنا بعتنهلها ليه .
اوس :علشان انا عايز اخليها تشك وهفضل وراها لحد ما تيجى .
اياد : تمام كده ياباشا ايه بقه المطلوب مننا .
اوس : اسمع انت .......................قال اوس لاياد الحاجات اللى هو عايزه يعملها .
تعريف :
اياد هو مساعد اوس ودراعه اليمين .
_____________________________
عودة لشركه النويرى
فى مكتب ادم
ادم : نڤين ابعتيلى انسه شيما حالا .
نڤين : حاضر يا فندم اى اوامر تانيه .
ادم : لاء اتفضلى انتى .
خرجت نفين وبعد فترة جت شيما .
شيما : حضرتك طلبتنى .
ادم :ايوة يا انسه اتفضلى استريحى .
شيما : خير فى حاجه يا فندم .
ادم : تشربى ايه الاول .
شيما : لاء ميرسى جدا مش عايزة .
ادم : تمام يبقى نتكلم علطول .
شيما : ياريت .
ادم : كلمتى استاذ سليم فى الموضوع اللى قولتلك عليه .
شيما : ايوة وهو فى انتظار حضرتك انهاردة .
ادم : حكيتلهم على التفاصيل .
شيما : اكيد طبعا .
ادم : تمام انا هكون عندكم النهاردة الساعه 9كده مناسب .
شيما : تمام مفيش مشاكل .وسرحت شيما شويه وبان عليها التردد وادم لاحظ .
ادم : مالك فى حاجه عايزة تقوليها .
شيما : هه لا مفيش .
ادم : اصل شايفك سرحانه كده ومترددة .
شيما كانت مترددة تقوله على الرساله اللى جاتلها ولا متقولش بس فى النهايه حسمت امرها ب
شيما : لاء مفيش حاجه ده بس حاجات فى الشغل .
ادم : تمام تقدرى تروحى على مكتبك .
.............................................................
فى مكتب شيما
الباب خبط ودخلت دينا
دينا : استاذة نيكول برة وعايزة تقابل حضرتك .
شيما اخدت نفس عميق : اوكيه دخليها .
خرجت دينا ودخلت نيكول .
شيما بحده : افندم خير .
نيكول : كان فى ورق المفروض انه يترجم تبع صفقة معينه معايا بس فى ورق مهم جدا مش موجود فيه وعرفت انه معاكى .
شيما : اها وايه المطلوب .
نيكول: عايزة الورق طبعا .
شيما : اظن يا انسه نيكول انى انا اللى باديكوا الورق اللى المفروض تاخدوه وبحتفظ بورق معين عندى فانتى ماتجيش تقوليلى انا عايزة ورق لانى لو كنت عايزة ادهولك كنت ادتهولك .
نيكول : يعنى ايه .
شيما : يعنى تتفضلى حضرتك على مكتبك وتشوفى شغلك اللى يخصك بس .
نيكول  بغضب : هى بقه كده .. ماشى .
وخرجت نيكول من المكتب وهى بتتوعد لشيما .
وبعد مده مش قليله
دخلت دينا : استاذة .. انسه ملك واستاذ عمر واسلام واحمد عايزين يقابلوا حضرتك .
شيما باستغراب : دخليهم .
ملك : شاهى قلبى اخبارك .
شيما بصتلها بتعجب : نعم .
عمر : شاهى ليكى وحشه والله .
شيما : لا انتوا كده شاربين حاجه .
اسلام : لا والله يا انسه شيما ده احنا جايين ف الخير .
شيما : والله .
احمد : طبعا حضرتك فكرانا انا واسلام مع انك مقعدتيش معانا غير نص يوم يعتبر .
شيما : اه بصراحه انا قعدت معاكوا خمس دقايق يعتبر وبصت ناحيه اسلام بس انا شوفت الاستاذ كتير .
توضيح : اول لما شيما وملك اتعاينوا فى الشركة كانوا قاعدين فى نفس المكتب مع اسلام واحمد قبل ما شيما تبقى مديرتهم .
ملك : المهم بقه مديرتنا القمر عايزين منها خدمه .
شيما : اها علشان كده بقه افتكرتونى .
عمر : بت حلال والله يا شاهى يا فهمانا دايما.
شيما : اشجونى .
اسلام : بصراحه هما جايبنى معاهم كوسيط علشان عايزين اجازة .
شيما : نعم !! كلكوا .
عمر : بصراحه اه .
شيما : نعم يا بابا منك له كلكوا عايزين اجازة مرة واحده ليه ان شاء الله .
ملك : يا شيما احنا من اول ما اشتغلنا واحنا ماخدناش اجازة خالص .
شيما : اه تقوموا بقه اول ماتخدوا اجازة تخدوها كلكوا .
عمر : الناس لبعضيها يا شاهى .
شيما : عين العقل يا عمر علشان  كده انا بقولكوا ان مينفعش تاخدوا اجازة من حد اخد اجازة اساسا .
اسلام : ايه ده هو انتى كمان اخدتى اجازة .
شيما : ايه ده انتوا متعرفوش .
احمد : لاء منعرفش .
شيما : بما ان ملك واكيد عمر عارفين فامجتش عليكوا بقه .... انا هتخطب .
احمد : بجد..الف مبروك .
شيما : اه والله بجد والله يبارك فيك ياحمد .
اسلام : مبروك يا استاذة .
شيما : الله  يبارك فيك يا اسلام اه بالمناسبه بلاش استاذة ديه منك او من احمد يعنى انتوا بقيتوا زى ملك وعمر وبعدين انا بندلكوا باسماكوا عادى فانتوا كمان قولولى شيما عادى.
احمد : والله بجد عادى كده .
شيما : هههههه اه والله بجد .
ملك : ايه ده يا احمد انت عتموت من الفرحه ولا ايه .
احمد : لا اصلك انتى مش متخيله انا علاقتى بالمدرين علاقة غريبه يعنى زى اى حاجه من اى حاجة كده .
شيما : سورى يعنى ايه .
ملك : لا ياشيما اسكتى ده لو فتح مش هنخلص ومش عتفهمى ولا كلمه .
(طبعا ملك وعمر عارفين احمد لانهم هما التلاته بيشتغلوا مع بعض فى نفس القسم.)
عمر : اسئل مجرب .
شيما : تمام انتوا اضرى بس على العموم محدش يجيب سيرة بموضوع الخطوبه ده فى الشركة  .
احمد : ليه ؟ ومين العريس صح ؟
شيما:ليه ! لانى مش عايزة حد يعرف دلوقتى.
احمد : تمام كده عرفنا ليه ،طب مين العريس بقه .
عمر : العريس ياسيدى يبقى ......
شيما قاطعته بسرعه : واحد كان زميلى فى الكليه .
ملك : مين .
عمر : نعم .
اسلام اتفاجئ من اللى قالته لانه عارف انه ادم : بتهزرى .
شيما : ايوة يا جماعه فى ايه مالكوا .
ملك : هه لامفيش مبروك يا شاهى .
شيما : الله يبارك فيكى .
وقعدوا فترة طويلة يتكلموا وبعدين خرج عمر واحمد واسلام وفضلت ملك .
ملك بتساؤل : ليه مقولتيش ان ادم هو العريس .
شيما : لاء طبعا انا مش عايزة حد يعرف افرضى الموضوع ماتمش .
ملك : طب ايه آخر حاجة وصلتلها .
شيما : مفيش عيجى يقابل بابا النهاردة وعنشوف .
ملك : يارب يعديها على خير .
شيما : يارب .
________________________________
فى المساء فى منزل سليم المنشاوى
سليم : بص يابنى شيما بنتى حكتلى على كل حاجه بلتفصيل وبصراحه انا اعجبت بيك جدا لانك عايز تساعدها بس فى نفس الوقت يعنى محدش بيعمل كده لله .
ادم : مش هكدب عليك واقولك انى بحبها لان فى علاقتنا ديه مفيش مجال للحب يعنى تقدر تقول باحترمها معجب بيها كده يعنى .
سليم : وده ايه علاقته بسؤالى انا بسئل ايه غرضك التانى من الجوازة ديه .
آدم : مرام .
سليم : افندم مرام مين .
ادم : بنت عمى وفى مقام اختى وعايشه معايا انا وجدى فى البيت وانا جدى مسافر القاهرة ومرام مش عينفع تقعد لوحدها علشان كده انا قررت انى اتجوز .
سليم وهو يفكر فى كلام ادم :والله يابنى انا مش عارف اقولك ايه .
ادم : يا استاذ انا غرضى الاول انى اساعد شيما من فريد او ايمن او اى حد يفكر يأذيها فاانا بطلب من حضرتك الرد دلوقتى .
سليم : تمام وانا موافق .
ادم : ياريت يبقى كتب كتاب علطول .
سليم : بس يعنى
ادم : يا فندم كل تاخير فده بيعرض شيما للخطر .
سليم : تمام يبقى كتب الكتاب الخميس الجاى ان شاء الله .
ادم : بامر الله يافندم عن اذن حضرتك .
وبعد ما ادم مشى .
زينب : ها ياسليم .
سليم : مع انى مش مقتنع  بالسبب اللى قاله بس حسيت ان مفيش حد عيحميها غيره .
شيما : يعنى ايه انت موافق يا بابا .
سليم : علشان مصلحتك يا شيما بس وبعدين انتوا عتقعدوا فترة وتنفصلوا نكون شوفنا حل للمشاكل .
شيما: تمام يا بابا .
زينب : واتفقتوا على ميعاد ايه .
سليم : كتب الكتاب الخميس الجاى ان شاء الله .
زينب : كتب كتاب كده علطول .
سليم : التاخير مش فى صالحنا يا زينب .
قطع كلامهم صوت جرس الباب
زينب : ايه ده مين جاى دلوقتى .
شيما : ياخبر ده الساعة داخله على 12.
سليم : خير ان شاء الله استنوا هروح اشوف مين .
فتح سليم الباب وكانت الصدمه
سليم  : انت .
_______________________________
كاااااااااااااااااااات

..............تفتكروا مين اللى راح لسليم فى الوقت ده وليه انصدم كده ................

استنونى الفصل الجاى
جمعه مباركه 💝
#Alaa_Esmat
#Princess lolo 💝
#عاشقه_البنفسج