انهرتُ امامَك للكاتبه *آلاء عصمت* [مكتمله]

ملك&عمر

فى قلوب كتير بيتجمعوا وبيبقى نفسهم يكملوا مع بعض .... قلوب بتحب بصدق .... قلوب بيبقى عندها كبرياء وعزة .... قلوب مستعده تضحى بكل ما تملك علشان خاطر اللى بتحبهم ........
٭٭٭٭٭٭٭٭٭٭٭٭٭٭٭٭★★★★★★★★★
هبدء كلامى بملك ........
اكيد فى بعضكم كان ضدها ومش مأيد موقفها من حب عمر وشايف انها ظلمته بقرارها وببعدها الاول وفى البدايه محدش هيفهم قصه ملك غير اللى هيحط نفسه مكانها مكان بنت اتعلقت بحد متعرفش عنه اى حاجه اتعلقت بيه وحبته مع انه كان حلم بعيد عنها قفلت قلبها عليه على واحد بس للاسف كل اللى حكموا على ملك وقسوتها مسألوش نفسهم طب هى ليه عملت كده ايه السبب اللى يخليها تجرح بالشكل ده ولانى خليت السبب ده مبهم فده كان لانى عايزة اوصل للى فعلا ممكن يقدر وضع ملك ويقف معاها علفكرة ملك مش شخصيه خياليه او بعيدة عن الواقع بالعكس فى بنات كتير اووى مروا وبيمروا بنفس تجربه ملك الفرق اللى ممكن يكون موجود هو الايمان و الثقه بس احنا اللى مش واخدين بالنا احنا اللى مش بنعترف بالحب ووجودة صدقونى الحب مش خلطه محتاجه مكونات سحريه او مش موجودة بالعكس ده بيتكون من اسهل وابسط مكونات فى الدنيا بيتكون من ضحكه،، اهتمام ،، صبر،، ثقه صفات ممكن تكون عند اى حد ولو دققنا شويه عنعرف ان احنا مش عنعرف نعيش من غير الحب مش عنعرف نعيش من غير ضحكه اب لبنته علشان يطمنها ولا من غير حضن اخ لاخته علشان يحميها ولا من غير صبر و ابتسامه ام لاولادها علشان تشيل عنهم هموم واحزان لو دققنا شويه بس عنلاقى الحب فى كل تفصيله فى حياتنا عنلاقى الحب هو حياتنا اصلا .......
ملك مع انها كانت لا تعرف اسمه ولا اى حاجه عنه حتى انها يأست من انها تشوفه بس قلبها كان واثق انه عيقابل اللى اتعلق بيه ودقله كان واثق بس المطلوب الصبر الصبر لحد ما يجى الوقت اللى نستاهل اننا نحب فيه بجد........ اتالمت واتوجعت بس الاكيد بعد الالم ده كله عيجيلها فرحه وحب يعوضوها يمكن لو مكنتش اتالمت مكنتش تستحق الحب ده او الحبيب ده .....................

★عمر يمكن اكتر شخصيه كنتوا متعاطفين معاها فى الروايه بسبب حبه لملك ... ساعات مشاعرنا بتبقى بريئه اوى لدرجه اننا ممكن نتعلق بحد لمجرد انه دخل قلبنا وبس ... ملك تعتبر اول بنت تدخل لحياه عمر يمكن عمر ماختبرش مشاعر الحب قبل كده معرفش يميز بين اعجابه بحد وبين ان قلبه يكون عايش بينبض لحد ،،، عمر مشاعره كانت صافيه لسه متخلطتش اول بنت حس باتجاهها بمشاعر فكر ان ده الحب ... انا مش بعاقب عمر على انه معرفش يحدد مشاعره او انه اهداها للشخص الغلط بالعكس هو فى عز احتياجه وضعفه ظهرتله فعلا اللى هو عايش علشانها اللى قلبه بيدقلها هى اللى فعلا هيحس معاها بمشاعر الحب مش الاعجاب الموضوع محتاج بس لشويه وقت وقت نقدر فيه نفصل ونميز بين مراحل حياتنا وقت بنعيد فيه حسابتنا لكل حاجه علشان الاختيار بعد الوقت ده بيكون هو الاختيار الصح اللى مفيش ندم عليه ،،، وربنا بيعوض كل واحد على حجم المه وعمر المه خلاه يبعد عن كل الناس حتى اهله و فى نفس الوقت ربنا بعتله حد يرشده للطريق الصح حد خلاه يفتح قلبه من جديد بس يفتحه المرادى على الحب الحقيقى الحب اللى بجد ..........

★★★★★★★★★★★★★★★
انا حبيت انى اوضح وجهه نظرى فى شخصيه ملك و عمر وفى غيرهم شخصيات كتير هوضح برضو هدفى منها ايه مع الوقت بس تاكيد انا كل شخصياتى مفيهمش حاجه خيال ولا مستحيل تكون فى الواقع بالعكس الشخصيات واقعيه جدا وموجوده فى الدنيا كمان بس لو ركزنا شويه عنلاقى ان فى حوالينا حكايات وقصص فعلا تستحق تبقى روايات بس لو دققنا فى التفاصيل عنلاقى نفسنا ساعات بنتوقع رد فعل حد او حاجه ممكن تحصل وغيره اى روايه مهما تكون خياليه او شايفين انها مستحيل تكون موجودة فى الوقع ففكرتها لازم تكون مبنيه على حاجه حقيقيه ولو حتى موقف او كلمه اتقالت فى الحقيقه كانت مصدر الهام لحاجه فى الخيال حياتنا كلها حكايات فتحوا عيونكم واتنوا عتشوفوا اجمل روايه ممكن تقروها روايه حياتكم روايه بتضيفوا عليها نكهتكم و لمعانكم الخاص روايه بتكونوا انتوا ابطالها روايه لازم نعيشها كلنا بكل تفاصيلها مع اختلاف اللى عيفهمها صح ويضيف عليها نكهته الخاصة ★
★★واهلا بيكم فى روايتى *عاشقه_البنفسج*
.
.
#Alaa_Esmat
#Princess lolo
#عاشقه_البنفسج