انهرتُ امامَك للكاتبه *آلاء عصمت* [مكتمله]

الفصل الرابع عشر

وحشتووونى كتير والله واسفه اكتر على تاخيرى الغير مبرر ده بس يارب متكونوش زعلتم منى ومملتوش ..... ثم ان انا عندى خبر يعنى ممكن يزعلكم منى شويه بس خلونى اقولهولكم تحت بقه 👇👇 علشان متتقفلوش من البارت 😂😂
________________________________
فى شركة النويرى ...
عُدى : عتبعتله مين يعنى .
ادم : ملك محمد الكيلانى .
عُدى : نعم مين .....هى مش ملك سابت الشغل برضو ولا ايه .
إسلام : لا طبعا .
عُدى : ازاى بقه .
ادم : ملك بطلت تيجى الشركة بس لكن مسبتش الشغل .
عُدى باستغراب : اومال بتشتغل فى البيت .
إسلام : بالظبط كده .
عُدى : لا انتوا اكيد بتهزروا .
ادم : بص يا عُدى ملك فعلا بتشتغل وهى فى البيت وبتبعت الشغل بتاعها على الميل بس لانها من ساعة اللى حصل وهى مش عايزة تيجى الشركة تانى فابلتالى هى مش معروفه وهتكون طُعم كويس لأوس .
عُدى : امممم طب عتبعتها ازاى .
ادم بتفاخر : لا ديه سيبهالى بقه ديه لعبتى .
######################
فى مكان تانى فى شركة النويرى ..
نيكول : تشرفت جدا بمعرفتك .
البنت : انا اكتر .
نيكول : هاا بقه عرفت انك من اكتر الناس اللى بتكرهه شيما .
البنت : طبعااا ده انا لو اطول اموتها اعملها .
نيكول : هايل جدا شكلنا عنتفق سوا .
_________________________________
فى شركة الدمنهورى ..
اوس : ايه آخر الاخبار يا اياد .
اياد : مفيش جديد يا باشا الوضع هو هو .
اوس : لسه مرجعش البت الشغل .
اياد : لسه يا باشا من ساعة اللى حصل فى الفرح وهى مختفيه .
اوس : تمام جدا .
اياد : بس انا مش عارفه ايه سر الاهتمام ده كله .
اوس : عتعرف بعدين .
__________________________________
فى ڤيلا ادم النويرى ..
دخل ادم وكان لسه راجع من الشغل لقه شيما جريت عليه .
ادم : ايه مالك بتجرى كده ليه .
شيما وبدون اى مقدمات : بحبك يا ادم .
ادم وهو فى حاله من الصدمه والذهول والاستغراب : ااااااااايه .
شيما : بحبك بحبك بحبكككك .
وفاجئه صحى ادم من النوم ...
ادم : يا خبر ده كان حلم ايوه لو كان حقيقه كنت احتمال وديت شيما السرايا الصفرا ههههه قال شيما تقولى بحبك قال يلا لما اروح اشوفها فين .
نزل ادم ودور على شيما لحد مالقاها فى المطبخ .
ادم : لا مش معقول اوعى تكونى بتطبخى .
شيما : ههههه لا خيالك ميروحش لبعيد كده ده انا كنت بعمل سندوتش بس .
ادم : اه اذا كان كده ماشى كنتى عتقلقينى عليكى والله .
شيما : ادم هو انت عملت ايه مع ايمن وفريد.
ادم وهو بيقعد على الكرسى : هو انا محكتلكيش .
شيما : لا محكتليش .
ادم : موضوعك مع ايمن خلص خلاص واعتبرى فريد مش موجود فى الدنيا .
شيما : ايه ده ازاى .
ادم : مفيش انتى اساسا من اول ماقولتيلى وانا حطيته فى دماغى ولغيت الدعوة اللى كان رافعها ديه وهددت فريد وسفرته برة البلد نهائي .
شيما : ايه ده انت عملت كل ده من غير ماتقولى وسكتت شويه طب يعنى انت كنت نهيت كل حاجه قبل جوازنا ليه اتجوزنا بقه .
ادم اتنهد : عتعرفى النهاردة بالليل ..وسابها ومشى ...
شيما لنفسها : هو فى ايه انا مش فاهمه حاجه.
*******فى المساء ********
شيما : ادينا بالليل اهو والزفت طلع برة من ساعتها ومجاش ياااادى النيله ..وفاجئه تليفونها رن وكان ادم ....
شيما : الو يا ادم انت فين انت من ساعه مامشيت الصبح ومرجعتش لحد دلوقتى هو فى ايه .
ادم : اهدى يا شاهى بس شويه وانا هفهمك .
شيما : تمام ادينى هديت اهو فهمنى بقه .
ادم : اول حاجه اطلعى اوضتك فوق عتلاقى فستان محطوط على السرير البسيه وبعدين انزلى الجنينه .
شيما : فستان ايه ال....... ولقت الخط اتقطع.
شيما لنفسها : يا ابن ال.... بقه بتقفل السكه فى وشى طيب والله لاوريك وسكتت شويه بس فستان ايه ده اللى بيقولى عليه لا انا الفضول عيموتنى انا هطلع اشوفه .
...ملحوظه بس ياجماعه شيما مشتمتش ولا حاجه 😂😂هى بس مكملتش الكلمه علشان منغاظه بتحصل يعنى 😂😂يلا خلونا نكمل...
وطلعت شافت الفستان وكان فستان اسود سواريه وشيك جداا .
شيما : واو والله طلع حلو طب مالبسوا واشوف ايه اللى عيحصل
وفعلا لبست شيما الفستان ونزلت الجنينه ....وكانت المفاجئه 🔥🔥
..كانت الجنينه متزينه بورد بنفسجى من اللى شيما بتحبه وكان فى نص الجنينه قلب من النار وكان فى حته مفتوحه من الجنب وكان ادم واقف فى نص القلب ..
ادم : يارب تكون المفاجئه عجبتك .
شيما بانبهار : واااو بجد هو انت اللى عملت كده .
ادم : طبعا تعالى هنا بقه علشان المشهد يكمل.
شيما راحت ووقفت قدام ادم فى نص القلب .
ادم ومسك ايديها : تعرفى انك احلى حاجه شافتها عنيا ...احلى شعور حسيته وانا معاكى ....انا عارف ان حكايتنا كانت توم وچيرى بس اللى انا واثق منه انها مكنتش كره ابدا ..... انتى اول بنت قلبى يدقلها ...اول حد اهتم بيه واخاف عليه حتى من نفسى وبعدين ركع على ركبته بحبك يا شيما وربنا شاهد على اللى جوايا نحيتك بحبك من اول موقف شوفنا فيه بعض مصدقت جتلك مشكله علشان اتلكك واتجوزك بحبك يا شيمتى بحببببك .
شيما كل ده واقفه ومش مصدقه نفسها فعلا ادم طلع بيحبها وهى كمان هى كمان بتحبه يعنى طلع حبها متبادل محستش بعنيها الا وهى بتدمع من كتر السعادة .
ادم قام وقف قدامها تانى : ليه الدموع ديه بس شيما انا عارف انك مبتحبنيش بس........
شيما حطت ايديها على شفايفوا علشان تمنعوا يكمل ..
شيما : ادم مين قالك انى مبحبكش انت احلى حاجه حصلتلى فى حياتى انت اللون اللى جه ولونها انت كنت امانى وانا جنبك مكنتش بخاف من اى حد ابدا انا بحبك يا ادم ومن اول يوم شوفتك فيه وانا حبيتك وانجذبتلك كنت خايفه يكون حبى من طرف واحد بس انا حقيقى بحبك يا ادم بحبك بحبككك .
ادم كان عيطير من الفرحه فعلا شيما طلعت بتحبه ومكنتش بتكرهه وقف عقله عن التفكير وشال شيما ولف بيها : وانا بعشقك وبموت فيكى وبحبك يا احلى نور جه حياتى .
شيما وهى تضحك : هههههههه خلاص يا ادم نزلنى وبطل جنان هقع فى النار اللى انت عملها ديه .
ادم نزل شيما وضغط على زرار كان فى الساعه بتاعته واشتغلت اغنيه رومانسيه ورقصوا عليها سلو ...
ادم : عارفه شعرك بيفكرنى بايه .
شيما : بايه .
ادم : بالكاكاو .
شيما : اشمعنا الكاكاو يعنى .
ادم : لانه بنى مصفر كده ساعات فهو مش شيكولاته بس كاكاو .
شيما : اهمممم شكلك مركز مع لونه اوى .
ادم : طبعا وعارفه كان احلى يوم اشوفك فى كان يوم الفرح .
شيما : اشمعنا .
ادم : علشان ساعتها مكنتيش لابسه حجاب وسمحتيلى انى اشوف الكاكاو .
شيما : انا عايزة اعترفلك بحاجة .
ادم : لا والله كده كتير عليا ده انا لسه مفقتش من صدمت انك بتحبينى .
شيما : هههههه لا يا ادم بجد انا بحبك وبحبك جدا كمان انت الوحيد اللى انهرت قدامه انت الوحيد اللى حصونى مقدرتش تصمد قدامه انا بعترفلك يا ادم انهرتُ امامك .
_________________________________
كاااااااااااااااااااااات
....وبكده نقدر نقول ان ديه بداية حياه جديده لشيما وادم كزوج وزوجه طبعيين بس ياترا القدر مخبيلهم ايه وحياتهم عتبقى وردى ولا لاء .........
يلا يا جماعه كله يعترف ان ده احلى اعتراف من شيما 😂😂يعنى انا واخيرا قررت يكون فى حبت رومانسيه ف. الروايه ديه بصراحه انا ملاحظه ان مكنش فيها اى رومانسيه فى الاول خالص بس متقلقوش الفصول اللى بعد كده رومانسيه ان شاء الله 😂😂..........
يلا بقه عنيجى عند الكلام اللى بيزعل دلوقتى ..انا قولتلكم فوق ان عندى خبر ممكن انه يزعلكم بس طبعا ارجوا ان محدش يزعل الخبر هو انى هوقف نشر الروايه لفترة معينه وده لكذا سبب :
1..طبعا ده لان التفاعل يكاد يكون معدوم واظن انى قولت قبل كده ان لو الروايه وحشه قولولى وانا همساحهها خالص بس مع ذلك استمرت فى النشر علشان ناس معينين كلمونى .
2..انا مش بلاقى كومنتات غير من نفس الاشخاص اللى هما تقريبا بيعطونى كومنتاتهم فى كل فصل يعنى هما دول بس اللى مقدرينى وغير كده لا .
.......انا فعلا كنت مقررة انى هوقف نشر الروايه بس لولا ان صاحبتى رحمه هى اللى قعدت تزن عليا وهى اللى اصرت انى انزله بس فاانا نزلته علشان خاطرها ..بس انا اسفه جدا لانى مش هقدر اكمل كده يعنى انتوا داعمكم حافز كبير ليا سواء كان رايكوا ايجابى او سالبى  
فانا اسفه جدا هضطر انى اوقفها لبعد امتحاناتى يعنى هوقفها حوالى نص شهر كده انا فعلا اسفه انى بقول الكلام ده وبجد مش عايزة حد يفهمنى غلط بس انا حاسه ان الروايه مش عاجباكوا او مش متعلقين بيها علشان كده انا بقول كده ...........
اوكيه شباب انا كده خلصت كلامى واتمنى ميكنش فى حد زعل منى وطبعا عايزة اعرف توقعاتكم فى اللى بتخططلوا نيكول ورايكوا فى اعتراف ادم و شيما وحبيتوا اعتراف مين فيهم اكتر .....

تصبحوا على الجنه 💓💓
#Alaa_Esmat
#Princess lolo 👸
#عاشقه_البنفسج