انهرتُ امامَك للكاتبه *آلاء عصمت* [مكتمله]

الفصل العاشر

عُدى بصدمه : ايه انت بتقول ايه اكيد انت اتجننت .
اسلام وهو لايقل صدمه عن عُدى : احم اهدى بس كده يا عُدى وادم هيفهمنا .
عُدى بنرفزة : يفهمنا ايه بس انا مش عايز افهم حاجه انا عايز بس اقولك حاجه يا ادم ياريت تبطل انانيه هى عملتلك ايه علشان تعمل فيها كل ده بلاش هى طب عيلتها مفكرتش فيهم انت عمرك ماكنت انانى يا ادم ايه اللى حصلك .
آدم ببرود : خلصت محضرتك يا عُدى .
عُدى بسخريه : محاضرة ...صح عندك حق ايوة خلصت .
آدم : تمام وانا قولت اللى عندى انت كنت عايز تعرف السبب وانا قولتهولك اظن كده عدانى العيب .
عُدى : لا انت فعلا عداك العيب ثم قام من على مقعده انا ماشى .
اسلام : رايح فين بس .
عُدى : ملكش فيه مش انت وهو مطبخينها سوا خلاص بقا مليش انا فى اللعبه ديه ثم تركهم ورحل .
اسلام : انا مش فاهم حاجه يا ادم انت ليه مقولتش لعُدى على الحقيقه .
ادم : الحقيقه مش لازم حد يعرفها دلوقتى خالص يا اسلام حتى عُدى مفهووم .
اسلام بتوتر : مفهوم بس يعنى انت مش هتئذى شيما صح .
ادم بصله بغضب : انت عبيط يعني انا بعمل ده كله علشان ائذيها .
اسلام : مش قصدى بس انا........
قاطعه ادم : خلاص خلاص يا اسلام اسكت .
فى اللحظه ديه دخلت نڤين المكتب .
آدم : نعم عايزة ايه يا نڤين .
نڥين بتوتر : احم حضرتك انسه شيما كانت عايزة تقابل حضرتك .
ادم : خليها تدخل ولو جت فى اى وقت بعد كده تدخل من غير استئذان مفهوم .
نڤين : مفهوم يا مستر ادم بعد اذنك .
وخرجت نڤين ثم دخلت شيما .
آدم : فى حاجه يا شيما .
شيما وهى تنظر لاسلام بتوتر : ک..كنت عايزة اقولك حاجه .
شعر اسلام بانه لا فائدة من وجوده : طب عن اذنكم بقا انا فى مكتبى . ثم رحل .
آدم : كنتى عايزة تقولى ايه .
شيما : احم بص هو انا هقول لعيلتى على كل حاجه بس ياريت محدش فى الشركة يعرف غير لما تبقى فى حاجه رسمى .
آدم وهو بيبصلها بتمعن : ليه .
شيما : افندم هو ايه اللى ليه .
آدم : فى البدايه ليه هتقولى لاهلك كل حاجه.
شيما : لانى مبخبيش عنهم حاجه .
آدم : قصدك ايه بإن تكون فى حاجه رسمى علشان الشركة تعرف .
شيما : احم يعنى لما نكتب الكتاب مثلا تبقى لو عايز تقول لحد من الشركة عادى لكن من غير حاجه رسميه ياريت لاء .
آدم وقد عرف المغزى من كلامها : علشان خايفه لارجع فى كلامى صح .
شيما توترت لانه فهم قصدها : ل..لاء يعنى مش كده انت قولتلى انك مش هترجع فى كلامك صح .
آدم : صح بس كلامك ملوش تفسير غير كده .
شيما : لاء انا كنت بقولك عادى يعنى .
وهنا دخلت نيكول المكتب من غير استئذان.
نيكول وهى عارفه ان شيما موجودة : هاى ادم ازيك وحشتنى اوووى .
آدم : انتى ازاى تدخلى من غير ماتخبطى كده ايه داخله زريبه .
نيكول : ماهو انا مكنتش اعرف ان معاك حد .
آدم : حتى لو مش معايا حد انا هنا المدير اظاهر انك اخدتى عليا اوى ولا ايه .
نيكول وهى بتبص لشيما بغيظ : انتى ايه اللى مقعدك هنا .
شيما وهى تقف قدامها : والله انا حرة اقعد فى المكان اللى يعجبنى .
نيكول : انتى بجد اوڤر وبيئه انتى ازاى تتكلمى معايا كده .
شيما وهى ترفع احد حواجبها : والله المفروض انى اتكلم معاكى ازاى بقه .
نيكول : ماتنسيش يابتاعه انتى انى هنا قبل منك يعنى تتكلمى معايا بادبك .
شيما : والله بس ياريت انتى اللى متنسيش انى انا مديرتك هنا ولا شكلك نسيتى .
نيكول كانت لسه عترد عليها بس قاطعها صوت آدم .
آدم : نيكول ياريت لو جايه علشان تقولى حاجه فياريت تخلصى وتقوليها .
نيكول وهى تشعر بالحرج ،: كده يا ادم بتطردنى علشان السوفاچ ديه .
آدم قام من على كرسيه بغيظ : اخرررسى... لان شيما اولا تبقى مديرتك وده امر واقع وثانيا بقه وده الاهم ان شيما تبقى خطيبتى .
نيكول بصتله بصدمه : ايه خ....خطيبتك ده اللى هو ازاى يعنى .
آدم : هو ايه اللى ازاى زى الناس هى الناس بتخطب ازاى .
نيكول وقد شعرت بغيظ اتجاه شيما لكنها حاولت ان تتماسك : تمام مبروك عن اذنكم وسابتهم ومشيت وهى بتتوعد لشيما .
اول مانيكول مشيت راحت شيما منفجرة فى ادم : انت يا بنى ادم هو انا مش لسه قايلالك مش عايزة حد يعرف لا وكمان ملقتش غير نيكول اللى مش بتطقنى خلقه ربنا ديه تلاقيها دلوقتى بتفكر ازاى تموتنى وتخلص .
آدم لم يتمالك نفسه وانفجر ضاحكا على طريقتها .
شيما بغيظ : انت يا بنى ادم انت بتضحك على ايه دلوقتى .
ادم وهو يحاول السيطرة على ضحكاته : اصل انتى بصراحه شكلك فظيع وانتى متعصبه كده .
شيما : لاوالله تصدق انك بنى ادم مستفز .
ادم : وانتى عسل فى كل احوالك .
شيما وقد شعرت بالخجل : احم طب انا همشى بقه .
ادم وقد احب خجلها : ماشى بس ماتنسيش تخديلى معاد مع الحج بقه .
شيما وهى تلتفت له : نعم حج ايه حج ديه .
ادم : خلاص بلاش حج نخليها ابو الچورى مثلا.
شيما وقد توترت اكثر : ط....طيب هبقى اخدلك عن اذنك بقه .
ومشيت بسرعه .
آدم : والله انا مش عارف اعمل معاكى ايه .
انتهى اليوم فى شركة النويرى وراح كل واحد لبيته
__________________________________
فى منزل سليم المنشاوى
حكت شيما كل اللى حصل لعليتها فى اليومين اللى فاتوا ولحد دلوقتى .
سليم : بس معقوله هو عيساعدك كده من غير مقابل .
شيما : والله مااعرف يابابا بس اكيد فى مقابل.
زينب : انا قلبى مش مطمن .
شيما : ولا انا بس اعمل ايه معنديش حل تانى.
سليم : قوليله يجى يقابلنى بكرة يا شيما وانا هشوف ايه اللى هقدر اعمله لو كان فى خير ليكى يبقى كان بها لو مكنش فيه خير يبقى يادار مدخلك شر .
شيما: حاضر يا بابا يلا عن اذنكم بقه هدخل انام تصبحوا على خير .
سليم وزينب : وانتى من اهل الخير .
زينب : حاسه انى مش مرتاحه يا سليم .
سليم : اهو عيجى بكرة ونشوف يلا احنا كمان ندخل ننام .
زينب : يلا واللى فيه الخير يقدموا ربنا .
.........................................
فى غرفه شيما
شيما وهى ماسكه الفون وقالت تكلم ادم قبل ماتنام و تقوله على كلام باباها لقت رسالة جايالها
شيما : ايه الرخامه ديه يعنى رسالة من رقم غريب ودلوقتى يلا لما افتحها واشوف مين البخيل ده .
وفتحت شيما الرساله ولقت مكتوب فيها :
انا اعرف حاجات كتير عن ادم اوعى تصدقيه فى حاجه انا معايا معلومات عتفيدك اوى لوعايزة تعرفيها قابلينى بكرة فى مطعم ___ الساعه ١١عتلاقينى مستنيكى . #فاعل خير
شيما فى نفسها : طب هيكون مين ده كمان ياربى هو انا فى كل حاجه طلعليى عفريت طب اروحله ولا لاء طب مرحش ليه حتى اشوف عايز يقول ايه امممممممم خلاص بكرة هروحله .
وبعد كده قررت تاجل مكلمتها لادم
وتنام علشان تريح نفسها من التفكير .
_______________________________
كاااااااااااااااااااااات
(تفتكروا مين اللى بعت الرساله لشيما وغرضوا ايه .)
يااارب يكون فصل النهاردة عجبكم
#Alaa Esmat
#Princess lolo
#عاشقه_البنفسج
اشفكوا الفصل الجاااى