انهرتُ امامَك للكاتبه *آلاء عصمت* [مكتمله]

الفصل السابع عشر

وقفنا فى الفصل اللى فات لما شيما دخلت ولقت بنت حاضنه ادم ......
شيما فضلت واقفه مكانها ومش عايزة تصدق الموقف اللى قدامها ....
ادم اول ما شاف شيما زق البنت ديه بعيد عنه ووو
ادم : شيما متفهميش غلط ارجوكى انا معرفهاش وهى فاجئه لاقيتها .......
قاطعته شيما بصدمه اول لما شافت وش البنت ديه ...
شيما بانزهال : نانسى .
ادم : انتى تعرفيها .
شيما : انتى ايه اللى جابك كده .
نانسى : هو فى حد برضو يدخل بالطريقه ديه يا شاهى .
شيما : ليه هو انتى متعرفيش ان ده مكتب جوزى .
نانسى : اهاا جوزك اللى انتى بتشكى فيه صح.
ادم : اخرسى انتى بتقولى ايه .
نانسى : زى ما سمعت انت مفكر شيما بتثق فيك ههههههه بتحلم شيما مبتثقش فى حد ابدا وعمرها ما هتثق .
شيما : وانتى مالك انتى اثق ماثقش ايه دخلك انتى .
نانسى : مفيش يا شاهى اصلك وحشتينى وقولت اجى اباركلك على الجواز هو صح انتى عرفتى تخلصى من فريد كده مع انه كا.......
قاطعها ادم بحده : لو مخرجتيش دلوقتى انا هطلبلك الامن يتصرفوا معاكى .
نانسى : لا وعلى ايه انا اساسا ماشيه بس هاجى ازوركم تانى استنونى .
ومشيت نانسى بمنتهى الخبث وفضل شيما و ادم .....
ادم : شيما صدقينى انا اول مرة اشوفها حتى هى جت بتقولى انها صاحبتك وانك قولتلها انك عتشغليها هنا وبعدين فاجئه لاقتها......
قاطعته شيما بهدوء: خلاص يا ادم انا مصدقاك ملوش داعى تبرر .
ادم قرب منها وحضنها : صدقينى انا بحبك انتى وبس يا شيما وعمرى ما حبيت ولا هحب حد غيرك مهما حصل .
شيما بهمس : متخلنيش اشك فيك يا ادم .
ادم بصلها : هو انتى فعلا مش بتثقى فيا .
شيما : بالعكس انا بثق فيك علشان كده مصدقتش اللى شوفته من شويه بس خلى بالك من ثقتى يا ادم وبلاش تجرحنى انت كمان .
ادم حاوط وشها بايده : اوعدك انى اكون قد ثقتك ديه اوعدك .
شيما : وانا واثقه فيك .
__________________________________
*فى شركة الدمنهورى*
بعد ما طلعت ملك من عند اياد راحت للولا علشان توديها مكتبها ....
لولا : بصى يا ملك ده بقه مكتبك هو جنب مكتبى هنا .
ملك : تمام متشكرة ليكى جدا .
لولا بخبث : لا على ايه ده حتى انا حاسه ان احنا عنبقى صحاب .
ملك بابتسامه : ان شاء الله .
لولا : يلا بقه هسيبك دلوقتى علشان لازم ابقى موجودة فى مكتبى اول ما اوس بيه يوصل .
ملك : تمام اتفضلى .
مشيت لولا وراحت مكتبها وبعد شويه وصل اوس ......
اوس دخل مكتبه ولولا دخلت وراه : مستر اوس انسه ملك استلمت شغلها انهاردة وهى حاليا فى مكتبها .
اوس : تمام ابعتيهالى .
لولا : تمام حضرتك .
اوس بخبث : واه يا لولا متحوليش انك تمثلى انك بتحبيها علشان بصراحه مكشوفه اوى .
لولا بتوتر : ليه حضرتك بتقول كده يعنى .
اوس : انتى فاهمانى يا لولا فبلاش نلف وندور واتفضلى على مكتبك .
لولا : حاضر يا مستر اوس .
لولا طلعت من عند اوس واتنفست لانها كانت مفكرة انه خلاص كشافها ....
لولا بتنهيدة : الحمد لله ده وقع قلبى فكرته عارف حاجه اما اروح بقه انادى الزفته اللى اسمها ملك ديه والله مش عارفه ايه الاشكال اللى ادم بيبعتها ديه .
وراحت لولا علشان تنادى ملك ......
لولا : موكا حبيبتى .
ملك بابتسامه : لولا خير .
لولا بابتسامه مزيفه : خير يا روحى بس اصل مستر اوس لسه واصل من شويه وعايزك تروحيله .
ملك : تمام ماشى جايه .
وراحت ملك مع لولا لمكتب اوس .....
ملك و لولا دخلوا المكتب مع بعض ولقوا اوس قاعد بس كان عاطلهم ضهره بالكرسى......
اوس : اظن يا لولا انى قولتلك ملك بس هى اللى تيجى صح .
لولا باحراج : اها صح يا مستر اوس.
اوس : يبقى تتفضلى على مكتبك ومش عايز غلط زى ده يتقرر تانى .
لولا : اوامرك مستر اوس .
وطلعت لولا من المكتب وهى منغاظه جدا لان اوس احرجها قدام ملك .......
لولا بتوعد : ماشى يا اوس بتاع انت والله لاوريك انت والبتاعه اللى هزقتنى قدامها ديه.
نرجع لاوس وملك .....
ملك كانت متوترة من اوس وفعلا حست بلندم لما وافقت على كلام ادم ....
اوس : مالك واقفه ليه اقعدى .
(وطبعا اوس كل ده بيتكلم وهو عطيها ضهره ولسه مشفهاش)
ملك راحت قعدت على الكرسى بتوتر....
اوس : طبعا انتى عارفه نظام الشغل وانا مش محتاج افهمك .
ملك بنبرة حاولت تخليها واثقه : اها اياد قصدى مستر اياد فهمنى .
اوس : ايه ده اياد هو اللى فهمك يعنى مش ادم .
ملك بصدمه : ادم .
اوس واخيرا لفلها بالكرسى : اوعى تكونى مفكرة انى نايم على ودانى ومعرفش.......
ملك اول ما بصتله انصدمت جامد واوس كمان بعد ما قال كلامه بصلها بصدمه وحيرة.
اوس : مش معقول انتى .
ملك : لا مستحيل .
__________________________________
نروح لمكان تانى وتحديدا عربية اياد
اياد : شكرا مستغنين عن خدماتك .
-يعنى ايه مستغنين .
اياد : يعنى مش عايزين من جلالتك حاجه .
-انت بتهزر معايا يا اياد ولا ايه .
اياد : لا بقولك ايه فوقى لنفسك كده يا حنين واعرفى بتكلمى مين .
حنين بعصبيه : لا افوق ايه انت جاى بعد كل ده وتقولى متشكرين .
اياد : بصى انا قولت اللى عندى مش عاجبك بقه اخبطى دماغك فى الحيط .
حنين : لا يا اياد مش هخبط دماغى فى الحيط ومش هتطربق على دماغى لوحدى وعليا وعلى اعدائى يا اياد .
اياد : اللى عندك اعمليه .
حنين : هعمل يا اياد وهعمل كتير اوى كمان .
اياد : هو انتى مفكرة لو روحتى وقولتى لادم هيعملك حاجه ههههههه تبقى غبيه اوووى يا نونو ولا تكونى ناويه تروحى لعمر وتقوليله انا يا اخويا يا  حبيبى كنت بسرق ورق المناقصات المهمة منك وكنت بروح اديها لاياد علشان يديها لاوس اللى هو عدو ادم لا و ادم فى الاخر بياخد الورق مننا تانى برضو من غير ما نحس .
حنين بسخريه : هههههههههههه هو انت مفكرنى هعمل الهبل اللى بتقول عليه ده لا يا حبى العب غيرها انا بمكالمه واحدة بس منى لاوس اقوله ان البت اللى ادم بعتهاله ديه هى الكنز اللى بيدور عليه بقاله كتير وادم لعبها صح معاه لا ومش كده وبس اقوله كمان ان اياد عارف كل ده علشان كده مرضاش فى ولا مرة انه يوريلك صورة البت ديه وهو يعتبر كده انه بيساعد ادم ههههههههههه متخيل انت بقه رد فعله هيكون ازاى.
اياد مسكها من شعرها : انتى اتجننتى يا بت انتى ولا ايه انتى بتسومينى يا حيلتها لا يا حبيبتى مش اياد اللى يتساوم واعلى ما فخيلك اركبيه واتاكدى بقه ان اوس لا يمكن انه يصدق كلمه من كلامك لانه اساسا مش بيثق فيكى ويلا بقه غورى من هنا وفتح باب العربيه وزقها برة .
حنين : ماشى يا اياد وربى لاندمك على كل ده.
__________________________________
عودة لشركه الدمنهورى مرة تانيه ..
ملك كانت لسه عند اوس ولولا كانت قاعدة برة بتتكلم فى الفون .......
لولا : قوله انى لازم اشوفه النهاردة .
المتصل : .................................
لولا : معرفش اتصرف انت عارف انه مش بيرضى يكلمنى .
المتصل : .....................................
لولا : بقولك انا خايفه يكون شك فيا اساسا .
المتصل : ........... ...........................
لولا : طيب انا جايلكم دلوقتى.
المتصل : .......................................
لولا : لا متقلقش مش هيحس بغيابى .
المتصل : ..........................................
لولا : مسافه السكه وهتلاقينى عندك .
_________________________________
فى شركة النويرى
عُدى : يعنى انت معرفتش مين اللى زاقك البت ديه عليك .
ادم : لا لسه .
عُدى : طب انا حاسس انه حد من الشركة .
ادم : اكيد طبعا .
عُدى : انت شاكك فى حد معين .
ادم : يعنى .
عُدى : مين .
ادم : استنى بس لما اتاكد الاول .
عُدى : اه صح نسيت  اقولك .
ادم : فى ايه .
عُدى : هى كلمتنى وقالتلى انها عايزة تشوفك ضرورى .
ادم : يووووة مش فاضيلها هى كمان .
عُدى : معلش يا ادم ما انت عارف بتجبلنا معلومات مهمه .
ادم : الللى مصبرنى عليها بس الورق اللى كانت بتجبهولى .
وهما بيتكلموا الباب خبط .....
ادم : ادخل.
نڤين : مستر ادم انسه.... برة
عُدى قاطعها : دخليها.
نڤين : حاضر حضرتك  .
طلعت نڤين ودخلت البنت .....
ادم : خير كنتى عايزة ايه .
لولا بلهفه : ادم وحشتنى بجد مش مصدقه انك وافقت تقابلنى .
.
.
استووووووووووب
#دمتم_بخير
#Alaa_Esmat
#Princess lolo
#عاشقه_البنفسج